The Big Apple | New York

[زهَر ~]

The Big Apple | New York

السّلامُ عليكم ورحمة الله وبركاته ~ حبيت اشارككم مقتطفات من رحلتي لنيويورك في شهر اكتوبر السنة اللي طافت :ff1 (32): اقامتنا كانت في فندق "The Manhattan" في التايمز سكوير 🏩 الفندق ذكرني بفيلم "Home Alone 2" حسيت يشبه أجواءه ويعتبر قديم نوعا ما لأنه تم بناؤه في عام 1962م لكن مع هذا كان نظيف ومرتب وكل المرافق مسوين لها صيانه الحلو فيه إنه في كل طابق موفرين آلة بيع | vending machine متوفر فيها (غازات/عصاير/ماء) + جهاز صنع ثلج (مجاني) وفي مثل البوث عند الاستقبال يوفر سناكس موقعه يعتبر مثالي لأنه في وسط التايمز سكوير وتقريبا اغلب الوجهات السياحية كنا نروح لها مشي ما احتجنا أي وسيلة نقل وهذي كانت إطلالة الفندق ~ الوجهة السياحية الأكثر شعبية في نيويورك طبعًا وبلا منافس هي التايمز سكوير :ff1 (113): وهو عبارة عن ميدان موجود بوسط منهاتن ويشتهر بوجود أبرز المحلات التجارية واللوحات الإعلانية ودايمًا فيه فعاليات واحتفالات اللي لفتني فيه إنه اكبر شاشة موجودة فيه مخصصة لعرض صور الزوار كل اللي عليكم تحملون برنامج TSX من Apple store أو Google Play مسموح لكم مدة عرض 15 ثانية والصور ما تتجاوز ال5 صور بقيمة 40 دولار، تقدرون تحددون الوقت اللي تحبون تنعرض فيه الصور وقبل لا يجي الوقت يعطونكم تنبيه عشان تروحون قريب من الشاشة :ff1 (29)::ff1 (3): التجربة الثانية اللي كان بخاطري اجربها هي "SUMMIT One Vanderbilt" :ff1 (113)::ff1 (209): التجربة كانت رائعة جدا، لازم تحجزون تذاكر وتحددون الوقت اللي بتزورونه فيه من موقعهم الرسمي انصحكم بوقت الغروب، المنظر من أعلى ناطحة السحاب فهالوقت ساحر هو عبارة عن ثلاث مستويات وكل مستوى له تجربة فريدة عن الثاني يوفر رؤية بزاوية 360 درجة لنيويورك وتقدرون بعد تشوفون مبنى Empire State ومبنى Chrysler وعشان تكتمل رحلتنا لنيويورك كان لازم نروح لتمثال الحرية :ff1 (119): ونصيحة مني لا تروحون له بوقت عطلتهم الإسبوعية لأنه الزحمة مش طبيعية :ff1 (162)::ff1 (142): وبتضطرون تنتظرون بالساعات حتى يوصل دوركم عشان تصعدون للعبارة اللي توصلكم لجزيرة الحرية مواعيد الرحلات متوفرة في موقعهم الرسمي. انصحكم تاخذون Night Tour | جولة ليلية في الباص المكشوف 🚌 راح يمشونكم على كل اجزاء نيويورك لمدة ساعتين لمعلومات اكثر عن الجولة من هنا هذي أكثر الأشياء اللي حبيتها في نيويورك وحبيت اشارككم إياها :ff1 (248): أتمنى تكون عجبتكم :ff1 (209): دُمتُم بود :R1: ~ .

رآنيا ,همس الجواهر ,إيلاَن و 8 آخرون معجبون بهذا

نايف ,أماريلس ,غريب الروح ,زهرآء ,يٌحَكى أنْ!؟... ,أمَوآج آلشَرقَيهہْ♥ ,راما ,احساس غريب

الموضوع الأصلي: The Big Apple | New York || الكاتب: زهَر ~ || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

The Big Apple | New York apple york