دموع السيوف

[علي]

دموع السيوف

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته



قصيدة مختارة:-


يالله يا الأبيات قومي وإلبسي ثوب القوافي
معْرسك جاهز وبشْته ينْزف أفكار وحروف

إسْتَحيتي يا قصيده؟ وإلا من زولي تَخافي؟
صفْحتي بيتك وعيني غيرك إنتي ما تشوف

القلم حافي وينزف .. والوزن مرتاح ودافي
وأبشري فيني معاني والجُمل عندي ألـوف

مجلسي هادي وبحري ساكن الأمواج صافي
والدقايق ما تبالي صارت بسرعه تطـوف

شاعرك ما خان عمره حتى إن خانوه وافي
ما تغيّره الليالي.. ومـا تردّيـه الظـروف

الغريبه.. شفت ناسٍ فيهم الأحساس غافي
والكلام اللي أقوله إدمعت منْـه السيـوف

والتراب اللي أدوسه ودي أمشي به حافـي
لأني برجع بالنهايه تحته وأقدامي تـروف

الكسوف أحيان يعمي يالله أطلبْك العوافـي
والقمر يمحي نجومه لا بدى منّه خسـوف

لا تنامي يا قصيده دامي أبديـت إعترافـي
ولا تخليني بروحي وينولد فيني الحسـوف

كافي الدنيا نستني وأقرب الخـلان كافـي
إذكريني يا قصيده وإقبلي منـي الحـروف

.

لقائلها
آمل أن تنال إستحسانكم.:ff1 (6):

شَرقَآويهہْ♥ ,نايف ,همس الجواهر معجبون بهذا

الموضوع الأصلي: دموع السيوف || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

]l,u hgsd,t rwd]