معزوفة الناي

[علي]

معزوفة الناي

يامل عينٍ تهامل تقل مطروفه
نوبات أرد الدموع ونوب تعصاني

سمعت للناي تال الليل معزوفه
والناي صوته حزين ويبعث أحزاني

كن المحاني بحد السيف منصوفه
حسبي على اللي فتح جرحي وخلاّني

والحال مما تشوف العين منحوفه
بري القلم قامت الشـدات تبراني

أشوف الأدرع يدوج ومعجبه صوفه
والجوع يطوي ضلوع الذيب سرحاني

وأشوف ناسٍ لجمع المال ملهوفه
على الردى كل واحد يطرد الثاني

يا خوف قلبي من المجهول يا خوفه
زيف الحقايق يعزّز حجة الجاني

القصد معروف والنيات مكشوفه
غلطان يالمنتظر خسران يالعاني

يا نفس ما انتي ورا المقفين مكلوفه
ما عاد ينفعك لا قاصي ولا داني

من صدّ عنّي ضعينه قلت ذالوفه
لا منه زودي ولا بيديه نقصاني

عواطفي تقل بالبارود منسوفه
مشاعري سمّدت واهتزت أركاني

اللي يمينه عن الطولات مكفوفه
وش فايدة رجعته لو هو حدا إخواني

كانه نسي واجبي ما همّني شوفه
والله لورّيـه نسيانه ونسياني

اللي يبيني يدلّ البيت ويشوفه
قلبه دليله ولا يحتاج عنواني

لو دوني الناس منتشره ومرصوفه
ينشد ويرجع وينشد لين يلقاني

لو العراقيل في ممشاه مصفوفه
يصبر لها ويتخطّاها على شاني

وليا تعذّر عن المسيار بظروفه
وقّفت ركض الحياة ورحت له عاني

كانه تجاوز خطايه شفت معروفه
ما يرصد أخطاي غير قلوب عدواني

ومن لا بغاني لو الطوفه على الطوفه
تروح الأيام لا جيته ولا جاني

يا صار باللون الأسود صابغٍ جوفه
مـا تصنع الود بيبانه وبيباني

.

آمل أن تروق لكم
للشاعر/ فرحان بن قيران العنزي
:rose:

عبير ,شَرقَآويهہْ♥ ,إيلاَن معجبون بهذا

الموضوع الأصلي: معزوفة الناي || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lu.,tm hgkhd

[آرينَا]

-





انتقاء شَعري جَميل
دَام عطَائك
ولاَ حُرمنا انتقائِك المُميز والمُختلِف دائمًا .

علي معجب بهذا

[علي]

	المشاركة الأصلية كتبت بواسطة إيلاَن

	- انتقاء شَعري جَميل دَام عطَائك ولاَ حُرمنا انتقائِك المُميز والمُختلِف دائمًا .

إيلآن

الأروع مرورك الكريم
والشكر موصول لك على ردك
بارك الله فيك
ولا خلا ولا عدم.

[رآنيا]

الله يقويك ويعطيك العافية ع الطرح الجميل
وشكرا لك على جهودك الرائعة والمبذولة في طرح كل ماهو مميز ورائع
سلمت

~

علي معجب بهذا

[‏زهرآء]

يعطيك ربي العافيه
عل اطروحتك المميزه

علي معجب بهذا

[علي]

مرحبا حياكم الله جميع
اسعدني مروركم وردكم الكريم
لا خلا ولا عدم.