و القهاوي بقت كافيه ... و القهوه نفسها بقت كوفي ...
ايشي تركش و اميريكن و كمان الحليب بقي ميلك ...
و البقسماط بقي باتون ساليه ...
و الفطير بقي اسمه كريب ...
من ساعة ما العري بقي أوبن مايندد ...
و الهدوم المقطعه بقت ستايل ...
...
و كمان بقي عندنا سنجل مزر وسنجل فازر برضو علشان محدش يزعل و يبقى فيه مساواة ...
من ساعة ما الراجل بقي مُز ... و البنت بقت رجوله ...
و العادات الشرقيه بقت بيئه ...
و 'السلام عليكم' بقت بلدي ...
من ساعة ما الخلافات بقت اون لاين ...
و الزعل بقي بلوك ...
و الضحك بقي ايموشن ...
و كمان بقينا نكتب عربي بحروف انجليزي من باب الروشنه ... والجهل .
ومن ساعة ما البني آدم بقى قيمته ف لبسه و نوع موبيله مش ف أخلاقه و احترامه ...
من ساعه ما بقينا نحس بالوحده في وسط اهالينا ...
من ساعه ما القرايب بقوا عقارب ...
والصحاب بقوا عرر ...
هو احنا اتغيرنا اووووي كده ليه ؟ والناس مبقتش زى زمان ؟ و قال بنسأل نفسنا الدنيا ليه مبقتش زي زمان ؟
الناس اتغيرت ... و نسينا كل عاداتنا و أصالتنا و جذورنا ... قطعنا أرحامنا وفقدنا إحساسنا بالمحتاج (مش شرط محتاج فلوس .. حتي اللي محتاج عطف و حنان ومجرد احساس صادق .. مجرد احساس بالوجود )
العرض العادي
