بسم الله الرحمن الرحيم
وبه نستعين
رواية العم احمد
الفصل الرابع وعشرون
خلاص تحدد اليوم وان شاء الله بعد عشرة يوم يكون الزواج عشان يقدروا يجهزوا للعروسة حاجاتها وكمان زاتو عشان كل اهلهم يجوا واحدين فى مدنى واحدين فى القضارف تجار وكمان عندها عمها فى الابيض شغال هناك مهندس زراعي وخالها فى شندي محاسب فى مصلحة الاشغال ؟ يعني الخميس البعد الجاي العرس وذهب بشير الى مقر القيادة العامة في الخرطوم وتلاقا مع بعض من دفعتو الشغالين فى الخرطوم ومن مكاتبهم ضرب تلفونات الى بعض زملاء من الدفعة المتواجدين يدعوهم واسراهم الى حفلة زفافه والتي سوف تكون فى نادي الضباط بالخرطوم فى يوم الخميس الاول من شهر اغسطس الموافق 1\8\ واصبح البيت خلال هذا الاسبوع مليئ باالاهل ؟ وطبعاً لؤي جاب العربية لبشير ؟ بعد ان سال عثمان هل بشير عنده رخصة ؟ طبعاً عنده من زمان ؟ وقال لؤي لبشير خلاص العربية معاك حتي يوم سفرك انت وعروستك لقضاء شهر العسل ولعلمك انا حجزت ليك اسبوعين فى اركويت هدية من اخوك ما تكسفني ؟ بشير والله ما عارف اقول ليك شنو ربنا يقدرني على جزاك ودا من اصلك ؟ ويقول عثمان طبعاً بعد بكرة بتحضر مباراتنا مع اهلى الخرطوم يا بشير وما عندك حجة العربية معاك اها قلت شنو ؟ اكيد بجي ومعى لؤى ؟ عثمان يا بشير انحنا ماشين لؤي بس يوصلني وهو كمان عندو مشوار مع ناس بيتن وكمان بعد المشوار اسرته جاية تسلم على ناس البيت لعلمك اهلوا طوالى قاعدين يجوا وناس امي بمشوا ليهم ؟ بشير طيب تمشوا وتجوا بسلامة ؟ وتنادي الحاجة زينب ولدها بشير تعال يا ولدي ابوك دا عيان عنده حمي اظنها ملاريا ويجري بشير ؟ مالك ياابوي ؟ الحمدلله ما فى حاجة تقول على ملاريا ؟ بشير خلاص البس جلابيتك وارح نوديك المستشفى العسكرى لا لا يا ولدي بقت كويس ؟ بشير لا يا ابوي لازم نمشى الاسبتالية حسع يلا قوم ؟ ويرضخ الوالد سعد ويقوم يلبس جلابيتو والحاجة تلبس توبها عاوزة تمشى معاهم ؟ بشير انتي خليك يمة اقعدي خلي يمشى معي احمد وحليمة وانتي امسكى اولادها وان شاء الله مافى حاجة يدوا علاج وبنرجع حسع ؟ ونادي بشير ولد اخوه ؟ ياسر تعال اجري امشى لدكان الشايقى ونادي ابوك بسرعة قول ليهو عمي قال ليك تعال جري ياسر ناداهو ؟ فعلاً مشوا المستشفى العسكري والحمدلله الدكتور طمن بشير مافى حاجة بس شوية تعب وصرف له دواء وبعد استعمال الدواء وفى اليوم التاني كان الحاج سعد تمام طبعاً احمد وبشير قالوا للحاج سعد شوف يا ابوي انت ما تتحرك بس سريرك وتبروكتك يعني الصلاة فى البيت قبلك وخروج برا مافى وما كان فى حلل غير يسمع كلامهم وان شاء الله لو كان فى العمر بقية نكمل
العرض العادي
