أقلام مبدعة | نجم الأسبـــوع | اضافة خلفية للموضوع | إبداعاتِكم | قوانين مجتمع غلاك |
|
12-10-2021, 06:23 PM | #2 |
|
رد: هل الوسواس له علاج وسواس الوضوء
،
تعوذي من الشيطان ، من هالامور تكون من الشيطان ، وحاولي انج اتركزين ، لانه بعض الاحيان يصير الوسواس مرض لاقدر الله ، الله يحفظج ، |
|
12-10-2021, 11:42 PM | #3 |
|
رد: هل الوسواس له علاج وسواس الوضوء
تابعي هذا على الرابط
كان يشتكي من نفس مرضك وتشافى بفضل الله العقبى لك بإذن الله https://youtu.be/ySuEO_gXOeA |
|
12-12-2021, 02:25 PM | #4 |
|
رد: هل الوسواس له علاج وسواس الوضوء
الوسواس موجود عند البعض
نعم وخصوص عند الوضوء يعني شاهدت اشخاص يغسل يديه اكثر من ثلاث مرات ويحس انه لم يغسل مره ويكون لديه احساس ان اليد لم يصل اليها الماء لكن اعتقد ان الانسان يجب ان يكون عنده يقين وطمآنينه وان يقتنع ان هذا وسواس فالوسواس والشك هؤلاء وجب على كل انسان يكون عنده وسوسه وشكوك يجبب ان يتيقن ويرجع الى الله سبحانه وتعالى ويتوكل عليه ويبعد عن الوسوسه والشكوك التي تراوده حفظك الله من كل شر |
|
12-14-2021, 12:17 PM | #5 |
|
رد: هل الوسواس له علاج وسواس الوضوء
في بعض حالآت الوسواس تكون مرض مالهآ علاج ..
اذا تمكن في الواحد صعب انه يطلع منه .. وفي حالآت العكس تجي للشخص فتره من الوقت وتروح .. عليك ب آذكار الصبآح والمسآء قرآءة قرآن .. وتعوذي من الشيطآن الرجيم وكلي آمرك لرب العآلمين .. وماعليك شر وربي يحفظك ويعآفيك .. - |
-
|
01-07-2022, 08:30 PM | #6 |
|
رد: هل الوسواس له علاج وسواس الوضوء
ً
ً سبق وكتبت الرد هنا بس انحذف بسبب تعطل المنتدى والان راح انزله مره ثانية عسى ولعل احد يقراه وينفعه .. ً اولاً وقبل كل شيء لابد ان تكوني جادة واعتقد بانك جادة دام طرحتي مشكلتك وهذا شيء رائع انا قلت لا بد تكوني جادة ليش ؟ لاني ابغى منك تطبيق اللي راح اقوله عشان تتخلصي من الوسواس وترتاحين لذلك خليك متحمسة للتطبيق بدون اي تردد :) الوسواس جاك من الشيطان كانت بدايته تشكيك بسيط : هل غسلتي وجهك زين ! او يمكن نسيتي رجلك او يدك وكذا هذا الشيء يجي للكل يعني مو ناس دون ناس ولكن يختلفون في الاستجابة لهذا الوسواس منهم اللي يطنش ويقول : الله يدري ويعلم وخلاص يروح يصلي وبكذا يخف الوسواس ومع التطنيش ينتهي وفيه ناس تصدق وترجع تتوضاء من جديد بس ما تكرر غسل اي عضو .. يعني تتوضأ وضوء واحد والبعض يصدقون ويعيدون الوضوء لكن ما عندهم تطنيش .. ويجيهم الشيطان في اليوم الثاني او وقت الصلاة الثانية ويتركهم يتوضأون واذا صاروا يصلون جاهم وقال على فكرة ترا نسيت تغسل يدك وكيف تصلي وانت ما توضأت زين ! ويصدق ويقطع صلاته ويرجع يتوضأ وتستمر معاه الوسوسة في كل وقت يتوضأ فيها ويصير يدقق في وضوءه بمعنى يكرر غسل اي عضو اكثر من مرة ثم يصلي وما يجيه الوسواس لانه خلاص ضمنه :) ثم يجيه وقت الوضوء بعدين ويقول لازم تغسل جميع اعضائك يعني ما تترك اي جزء عشان تقبل صلاتك وايضاً يصدق ويصير يغسل مره ومرتين وثلاث ويستمر معاه في كل وضوء الى ان يجعله يتوضأ لمدة ساعة واكثر وكل هذا عشان يصبغ الوضوء وتقبل صلاته ثم يتطور الامر الى الصلاة ويقول ترا نسيت ركعة ثم يقول له بعدين ترا ما قرأت الفاتحة وهكذا حتى يصل الامر الى ان يترك الصلاة لانه ما يحسن الوضوء وعلى كذا صلاته ما تقبل وكذلك يصير عنده هم اذا حان وقت الصلاة لان راح يجلس ساعة يتوضأ وكذا تعب واستغراق وقت طويل ولانه مقرر في نفسه بان صلاته غير مقبولة ولكن حتى لو ترك الصلاة ما راح يتركه الشيطان راح يبدأ معه باشياء اخرى والنهاية راح يشككه في الخالق ثم يشككه بكل اللي حوله ثم بالناس ثم يتحول مريض نفسي وفي عزلة تامة والسبب الاول هو قبوله لنداء الوسوسة الاولى لذلك اول شيء تسوينه حاولي تستعينين باي احد بعد الله وتقولين راقب وضوئي وتوضأي وضوء واحد فقط ثم اسأليه عن وضوئك واذا قال تمام .. خلاص اقتنعي وصلي .. بس لازم يستمر معاك الشخص لمدة اسبوع او اكثر .. عشان كل ما جاك وسواس يكون هو الدليل القاطع على عدم صحة هذا الوسواس الامر الاخر .. اذا جاك الوسواس وقال ما غسلتي يدك او رجلك قولي له بصوت مرتفع اثبت لي باني ما غسلت ؟ لانك اذا رديتي عليه بصوت مرتفع راح يوقف لان ما عنده اي دليل او سوي مثل عمر بن الخطاب سمعوه الصحابه وهو يقول هات لي شاهدين ! فسألوه ما الذي كنت تقوله وانت تتوضأ ؟ فقال هذا الشيطان جاني وقال لم تغسل عضوك الفلاني فقلت له هات لي شاهدين باني ما غسلته وهذه الطريقة صحيحة ومفيدة المهم لو قدرتي بنفسك تتوضأين وضوء واحد وبس وتروحين تصلين وما تلتفتين لاي وسوسة وتقولين في نفسك الله يدري بحالي ويعلم وتطنشين اي وسوسة او تردين على الوسوسة اذا جاتك وتقولين ما لك علاقة انا بكيفي وبس ولا تفكرين ابداً في اعادة الوضوء مهما كان يعني تكونين صاملة وعنيدة في ذا الشيء وراح تخف الوسوسة ومع اصرارك على عدم السماع لها وما تتوضأين الا وضوء واحد .. راح تختفي مع الوقت لذلك انتبهي لنفسك ولا تسمعي لاي وسوسة مهما كان لانك ما توضأتي الا عشان تصلين وما تصلين الا رضا لله فكيف يتركك الله وانتي تسعين في رضاه وهو عارف نيتك وصدقك لذلك خليك جادة وقوية وطنشي بقوة وقولي للوسوسة عادي انا على كيفي والله يعلم بما في نفسي وما راح يخيبني اخيراً تيقني بان الوسوسة اللي تشكك في الوضوء مو منك ولا من حرصك ولا من الله وانها من الشيطان لان يبغى يوصلك للكفر وللمرض والموت .. ومثل ما قلت لك لو ما قدرتي بنفسك جيبي احد يكون معاك بكل وضوء واسمعي كلامه وصدقيه ولازم يكون معاك فترة اسال الله ان يعينك ويشفيك ويحفظك واذا لك اي استفسار ردي وراح اجاوبك باذن الله تقديري ِ |
|
الكلمات الدلالية (Tags) |
الوسواس, الوضوء, علاج, وسواس |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|