مطلع البستان

[علي]

مطلع البستان

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

احب الوادي اللي فارقٍ سيله على الوديان
ثمره يشابه وجيه الرجال بعامر النادي

واحب الشعر يوم الشعر يشبه مطلع البستان
يغرّد في ركونه مستهيم الصادح الشادي

واحب اسج درب الورد والنرجس وغصن البان
ولايرضيني الا مرجعي بـ الفل والكادي

ومثلي لا نزل ديره تفتّح قدمه البيبان
هواه المستحيل .. ولايعرف المذهب السادي

ابيع واشتري واكسب ودوم مشاركي كسبان
واجاوب بالجزيله .. مطلعٍ يبدع به الحادي

وانقي كلمتي وان صغتها ترجح على الميزان
اخاف أزل بالمعنى ويركض فيه حسَّادي

بليت بحاسدٍ بلاه ربي في عمى الالوان
ليا جبت الكلام بوادي ايحوله في وادي

عليل الفكر ما يعرف دروب الزود والنقصان
مع كل الدروب اللي عليها النقص ورادي

لو انه قد تعلّم مع هل المعروف والاحسان
وفعل فعلٍ مثل راع الجميل مقدر البادي

كريمٍ فزتّه للعاني وتشريعة الديوان
على بيت الكرم ومجوّد اطرافه بالاوتادي

ذخرته للنهار اللي يحوز السبق فيه حصان
تجارة طيب .. ويبيّن ثمرها بين الاجوادي

وانا برقّت في بعض الرجال وخذت لي نيشان
ابا اعدّه على من لا نصاه العلم ينقادي

ليا ماشيت ناس فكرها وقلوبها صوّان
فقدت لجملة الراي السديد وغرّك الغادي

ولا شفت الرجال اسنان دور بينهم انسان
ترى صدق النوايا والصداقه بيت وعمادي

تشوف اخوان لكن فالمراجل ماهم باخوان
احد قاصر.. واحد للطايله زرّاع حصّادي

هبا .. رجلٍ يعيش ولايجي للفارقه عنوان
يروح عن الحياه وكل ما يملك للانفادي


منقول
للشاعر/ فهد بن خالد العصيمي رحمه الله

رآنيا معجب بهذا

الموضوع الأصلي: مطلع البستان || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

l'gu hgfsjhk

[رآنيا]

اختيار جميل وموفق
سلمت اخوي علي ويعطيك العافية يارب

~

علي معجب بهذا

[علي]

	المشاركة الأصلية كتبت بواسطة رآنيا

	اختيار جميل وموفق سلمت اخوي علي ويعطيك العافية يارب ~

الله يسلمك ويعافيك
الأروع مروركم

[‏زهرآء]

انتقاء جميل
سلمت الانامل
يعطيك الف عافيه

علي معجب بهذا