مسار اجباري

[معزوفة]

مسار اجباري

فيه مراحل من حياتك المسار فيها
بيكون إجباري..
مثل ما الشارع احيانا يتغير فجأة وأنت تسوقين ومافيه ولا طريقة انك تطلعين منه..
مافيه قدامك غير إنك تمشين في المسار المحدد الين ينتهي.. ماراح تقدرين ترجعين ولا يصير توقفين..

كذا بالضبط يصير بحياتك تجيك لحظة يكون التغيير فيها (إجباري) ولازم تكملين.. لو فكرتي توقفين راح تسوين حادث يسد الطريق ويعطل حياتك وحياة اللي حولك.. والقرار الصح هو انك تكملين المسار هذا عشان تطلعين منه

وكل ما رفضتي وقاومتي التغيير و وقفتي كثير) راح تخسرين
راح تخسرين وقت وطاقة وإمكانيات واشخاص وفرص.. لأن هذا الطريق ماله حل الا انك تكملينه عشان تطلعين منه

كل ما كنتي واعية وفهمتي ان هذا التغيير والمسار الإجباري ربي حطه بطريقك عشان ياخذك لمرحلة ثانية بحياتك، كل ماكان التغيير ميسر أكثر
لاحظي اني ما اقول سهل * بس اقول ميسر

طبعًا موب كل الطرق بحياتك إجبارية
بعض الطرق فيها لغة يمديك تسوين يو تيرن وترجعين.. وبعضها فيها مخرج يمديك تطلعين منه .. وبعضها واسعة فيها مسارات كثير تختارين المسار اللي يعجبك

بس وانت ماشية لازززززم راح يمر عليك ( المسار الإجباري) اللي مافيه مخرج، ولا فيه لفه، ولا فيه تراجع
ولا حل الا انك تمشين فيه الين تطلعين منه

وش اللي يصبرك وانت ماشيه بالمسار الإجباري هذا؟
( و اصبر لحكم ربك فإنك بأعيننا) الطور | 48 ( لا تخف ولا تحزن إنا منجوك) العنكبوت | 33
( لا تدري لعل الله يحدث بعد ذلك أمراً ) الطلاق 11
( وهو معكم أينما كنتم ) الحديد 41
هذا هو اللي يصبرك

اللي يصبرك هو شعورك واعتقادك العميق ان ربي معك)
موب كلام بس.. لا
لازم تحسين من أعمق نقطة بقلبك وروحك انه فعلا
ربي
معك
وماراح يخليك .. وان هذا اللي قاعد يصير مؤقت بس

ولازم تقتنعين ان ربي له حكمة بهذا المسار الإجباري اللي حطه بحياتك
وان الحياة لازم تتغيير و انت لازم تنضجين ويزيد وعيك و قوة إيمانك وتشوفين الصورة الكبيرة اللي ورا هذا المسار الإجباري

هذا التفكير هو اللي راح يخليك تكملين وتتعلمين وتوصلين لمكان ماتتخيلينه

تذكري يوسف عليه السلام والمسارات الإجباريه اللي غيرت حياته.. اخوانه كرهوه انرمى بالبئر، تربى بدون امه وابوه، انسجن.. بس قال:
( إنه ربي أحسن مثواي )
يوسف 231
و بالنهاية صار ملك

ماتبين تفكرين كذا ؟
راح تعطلين حياتك و راح تخسرين وراح توقفين بمكان ضيييق.. وتقولين ليش انا كذا !! ليش حياتي كذا !!
والعمر راح يمشي والوقت راح يمشي
وانت واقفه..
والحياة ماتوقف عشان احد

لكل شدة مدة.. وتنتهي
توقفين كثير عند كل شدة و تطولينها وتقولين هذه حياتي ومالي حظ x لا .. هذه موب حياتك
هذا مسار بس انت اللي وقفتي وطولتي فيه شوي.. حاولي وكملي وراح تطلعين منه لمكان ثاني مرررره حلو

الثقل راح يخف لو استشعرتي ان ربي .لطيف.. والخوف من المجهول راح يروح لو ادركتي إن ربي معك و راح يدبرك ويدلك.. والقلق والتوتر راح ينتهي إذا عرفتي أن أمورك كلها ماشية لصالحك لأن ربي مايجي منه إلا الخير
بس امشي.. لا توقفين

نكتفي بهذا القدر.. ساعدي نفسك و حاولي و اسعي بأسباب التيسير عشان تطلعين من المسار الإجباري بحياتك.. ترى التيسير موب كل احد يستحقه ولا كل احد يحصل عليه في الحياة لأن حتى التيسير يحتاج سعي ومحاوله

تذكير لطيف
من أسباب التيسير اللي تساعدك تكملين بالمسار الإجباري بحياتك هي:
الصدقة
الرسول عليه الصلاة والسلام يقول ( من يسر على معسر يسر الله عليه في الدنيا والآخرة )
و يقول : ( الله في عون العبد ماكان العبد في عون أخيه)

هل مريتي بمسار إجباري بحياتك؟ طلعتي منه ولا للحين؟.. اكتبي تعليقك هنا

عبير الجوري ,آلنـور معجبون بهذا

الموضوع الأصلي: مسار اجباري || الكاتب: معزوفة || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lshv h[fhvd

[‏آلنـور]

على الصعيد الشخصي ما مر علي طريق إجباري،،
كلها كانت اختيارات بأمر الله،،
منها ما كان صحيح، و منها ما كان خاطيء،، و قبولنا لتتبعات الاختيار هو الإجباري..

لكن في مجالات العمل، اغلب الطرق تكون إجباري و مالك خيار فيها
و نتحمل كل ما يجينا من هذه الطرق،،
بعضها يعجبها و بعضه نقبله مكرهين

و لكن في العموم، أمرنا كله خير،
و احنا راضين بالاجباري و اللي مو إجباري


شكرا معزوفه على الطرح الراقي

[عبير الجوري]

مجبربن بأمور لا نريدها
تشبه مقوله صعب الهروب من واقع
الهروب جريمه
شكرا ل ك
كلها اقدار مكتوبه
ومن رضا له رضا
دمت بخير وسعاده

[دحومي]

طرح رائع
ومفعم بالجمال والرقي
يعطيك العافيه على هذا الطرح
وسلمت اناملك المتألقه لروعة ما جادت به
تقديري وأحترامي.

[‏زهرآء]

انتقاء رائع
يعطيك الف عافيه

[الفارس]

جلب رائع ومميز
شكراً لك من القلب على هذآ العطاء
بإنتظار جديدك العذب والمميز
لك أشهى الود و أجزلْ الشكرْ
دمت بِحفظ الله ورعآيتـَه