سجل حضورك بماروثك الشعبي ..👉🏼

[علي]

()

أوديت معجب بهذا

[أمل]

سلوم أهلنا نابذه وصل الأحباب
تعطي على طاري الفراق البشاير

لو نرضخ لحكم وقوانين الاعراب
رحنا ضحية باحثين السراير

يقسو علينا الوقت والوقت غلاب
واللي نبيه يصير ؟ ماهو بـ صاير

ترى ما عندي مشكله نصبح اصحاب
أهم شي أطلع بـ أقل الخساير

عاقل المجانين معجب بهذا

[عاقل المجانين]

ومالحسن ماتثني به العين وحدها
ولكن ماتثني عليه قلوب

[‏عآزفّ النّآي]

يا عاذلين القلب لا تمحنونه
خلو عصي الراي يا صل مناهيه
بالعذل يالعذال لا تجرحونه
اخاف من نصح عن الرشد يعميه
القلب ما يرضى انكم تنصحونه
لا تنصحون القلب عن حب غاليه
حب الموده صايبه تجهلونه
ما منكم اللي ذاق مره وحاليه
اللي يود القلب ما تفهمونه
وجرح الموده ما بكم من يداويه
جرح الموده جايرات طعونه
وين الطبيب اللي يعرفه ويبريه
ياليت طراد المها يذكرونه
ويا سعود قواد الجوازي يحاليه
عسر على طلابه اللي يبونه
يعطي البياح وشرد الصيد تتليه
عليه قلبي كاثرات شطونه
ويلوج وسط الصدر من حركاويه
قلب الخطا يا سعود يا عظم كونه
يكفيه من جور الهوا ربع ما فيه
الزين لو تبعد علينا ضعونه
يكبر غلاه وكن عيني تراعيه
عليه قلبي يابسات غصونه
لا داله قلبي ولاني بناسيه
يا جب علي اني عن الشك اصونه
وبالهرج عند الناس يا سعود ما طريه
ادرا عليه من العدا يشمتونه
واخاف من هرج يضره ويوذيه
لا واهني اقرابه اللي يجووونه
وانا الى جيته عدوي حواليه
عليه روحي بالفواد مغبونه
وفاتن ثلاث سنين والروح ترجيه
يا سعود عنى لابته يبعدونه
ناس تحلف به وناس تناحيه
البغض وسط قلوبهم يضمرونه
وفي مقرن الحجان تظهر مواريه
ويوقفون السلم دوني ودونه
وعندك خبر قلب تولع بغاليه
اخاف من حبل الرجا يقطعونه
واشرب عذاف السم كدره وصافيه
صبرت لين الصبر فاتت حتونه
واليوم كظم الصبر ماني بقاويه
عز الله ان الصبر غبن ومهونه
وان كان ممدوح العواقب لراعيه
يا سعود فعل الخير ما تفعلونه
وتفزع لمن ضاعت حياته وتنجيه
يا سعود مدولي حبال المعونه
ترى رفيقك جاير الحب طاويه
انت الذي راجيك تقضي ديونه
والليل الاسود ما تعوقك ضواريه
-

محمد بن أحمد السديري
رحمه الله