اهدي بيت شعر. للي في بالك. ،،!

[رسم]

،.
مدامي في ذرى قلبك عن الصّدمات والتقّصير
ما عاد أخاف من طول الطّريق وضيقة المسرى

أحبّك والهوى فوق الكلام العذب والتفّسير
ياوجهِ فيه مستقبل شعوري ماغدا ذكرى ..

عرفت إنك فرح قلبي وضحكات الليّالي وخير
يا حلم العمر ما بعدك غراااام وفرصة أُخرى ..!

[‏عآزفّ النّآي]

عسى قلبك فرح وارتاح في غيابي ..؟
عسى طابت لك الدنيا عقب عيني .. ؟

عبدالأمير العجمي

[الشمآلي]

ما عندي الا قلب واحد ومسروق
والسَّـارق اللي سـارقـه جايـزٍ ليّ

[رسم]

،.

علْمني اللّي تبيه وقلّي اللّي تشوف
سولف وفضفض علي ممايلي ! مايلي ..

عن كلّ دمعه وعن كل ّارتعاشه وخوف
عن كلّ فرحه قتلها حزنك الاولي..

عن السّما والوهج عن القمر والكسوف
والغربه اللّي خذتني منك واشتقت لي

وشلون اخلَّي الحزن من حول وجهك يطوف..؟!
وانا به آشوف ماضيّي و مستقبلي ..!!

[‏عآزفّ النّآي]

للزمن معراج نفْس و لليالي عنفوان
‏لو توسَّلها على فْتات الدقايق، ما تعوْد
‏عن دهاليز السنين الجرد وعيون الزمان
‏مرّني غيثك عقب ما دفّ غيم الوسم نود
‏إن ذخرتك بالحكي من خوف: للجدران أذان
‏سولفت عنْك المواعيد القديمة للورود
وإن تكاثرك السهر و إستنكرك وجه المكان
‏جبت لك من ماضي الذكرى مواقيف و شهود
مرحبا يا أول هطول الما على شْفاة الظمان
‏جعل صبحٍ ما يجود بضحكتك ما له وجود
عاد عيدك بين عوسجة الصدر والقحيوان
‏مرتعٍ ما يعرفه شآوي ولا ترعاه ذود
‏قرّب كفوفك وأنا لا ضاق بي صدر الموان
‏مستعد أبحر معك بين المنايا و الخلود

أمل ,راما معجبون بهذا

[‏عآزفّ النّآي]

دآيم اسألك شاللي جاك منّي
لاني أدري .. ماتجي مني مضّره
ردّ صوتي لا ترد العلـــم عنّي
من لقا صوتي من أوتاره يجرّه
شي طبيعي لو ابي ابعد لأنّي
حالتي وياك ماهي مستقـــرّه
كل ما ظنيت فيك يخيب ظنّي
كم مرّه انخذلت .. وكم مرّه ؟