شلون أعرف إذا هو يحبني أو بس يلعب فيني؟ هل في علامات تخليني أتأكد؟
هو وايد حنون ويشاركني تفاصيل حياته ويهتم برأيي ويحب يقضي وقت معي بس أحس فيه تردد مع إنه يقول إنه يبي يتزوجني لكن يقول ما عنده حق الزواج وهو مطفّر
مع إنه يصرف على طلعاته مع ربعه وما يقصّر على نفسه بس ولا مرة جاب لي شيء أو تذكرني بشي
بعد أنا عارفة ماضيه مو زين وهو تغيّر عشاني بس خايفة إذا تزوجنا يرجع مثل أول
نصحوني وش رايكم اصارحه ؟
وعليكم السلام
حياك الله في مجتمع غلاك
ما ينبغى التواصل بأي طريقة كانت دون رابط شرعي
ومن ناحية طلب الإرتباط وهو معسر فهناك برامج تدعم المقبلين والمقبلات على الزواج ونسأل الله ان يوفق شباب ونساء المسلمين ويصلح نياتهم ويعصمهم من الفتن.
قبل ما اغلق هالقسم احببت الرد على اخر موضوع طُرح هنا
أولًا حياكِ الله في غلاك انرتِ المكان
وان شاء الله يستمر تواجدك ونرى بصمتك في الاقسام الاخرى
اما بالنسبة لسؤالك
واضح وضوح الشمس انه يتسلّى معك
قلتي " عارفة ماضيه مو زين وهو تغيّر عشاني "
طالما التواصل عن بعد فإنتي مستحيل تعرفي الحقيقة والواقع
الرجل اذا كشف عن اوراقه وماضيه وفعايله السودا فهو مو مهتم بك ولا هو مهتم بإعجابك
لان الرجل اذا أحبّ امرأة وكان يريد الزواج يسوي المستحيل عشان يعجبها
وماراح يخليها تاخذ نظرة سيئة عنه
لانه راح يحاول يطلع امامها بمنظر الرجل الخارق والرائع
ثانيا قلتي " يقول ما عنده حق الزواج وهو مطفّر "
اي علاقة تستمر اكثر من 6 شهور بدون تقدّم جاد من طرف الرجل
اعتبريها علاقة تسلية ومتعة فقط
لانه حتى لو مطفّر راح يحاول يعطيك الامان بأفعاله واقلها بكلامه
لكن يقولها لك انا مطفّر حاليا ! ذا راح يكون طول عمره طفران
قلتي كمان " ولا مرة جاب لي شيء أو تذكرني بشي "
انا بالنسبة لي او بالاصح مثل ما يقولو كل الاستشاريين ان الرجل عنده طاقة العطاء عالية
الرجل يعطي والمرأة تأخذ
في كل شيء مو بس ماديا حتى معنويا وفي الحب والاهتمام والمبادرة
دائمًا يكون العطاء أولًا من الرجل
واكبر علامة تحددي فيها انه مو مهتم فيك لما يقولك انه مطفّر
لان الرجل اذا نوى الزواج من البنت يصرف عليها ويتذكرها بالهدايا ويحاول ما ينقص عليها شي ودائما يسالها اذا ناقصها شي ويجيبه لها
لان بنظره هي استثماره وقاعد يحط بأنثى بتصير زوجته
وانا شفت هالشي بعيني في احد قرايبي رغم انه فعلا مطفّر لكن كل ريال كان يجمعه عشان يتزوج اللي يحبها وفعلا تزوجها وصبرت عليه ببداياتهم الين ربي فتح عليهم
وفيه مقطع شفته عن د، جاسم يتحدث فيها عن الرجل المخادع
ياليت تسمعينه خصوصا كلامه عن صرفه على الانثى https://vt.tiktok.com/ZS24RVAre/
مساء الخير
شلونك ؟ عساك بخير وطيبه ؟
نورتي مجتمعنا وغلاك
بقولك شيء ، و نصيحه من أخت
دلالة انو حنون ويشارك تفاصيل حياته يبي تثقين فيه ويعلقك بس
والزواج شلون مطفر ؟ وفتح معاك موضوع الزواج؟
بس يقولك كذا عشان يحط ثقه وشوفيني والخ
ولا قد جاب لك شيء!!!! وهو يطلع ويصرف ووو!
مافيه تغير عشاني هو من الأساس وضعه كذا ولا تغير
وماضيه مو كويس << الله يستر عليه بس شلون تجرأ قالك عن ماضيه وفتح موضوع الزواج وصرف ؟
هل قالك عن الماضي ؟
أنتي إنسانه من داخلك نظيفه وطيبه وعلى نياتك
هذا يتسلى لغايه ويمشي يعلقك وإنو واو عندي وحده وتحبني
من الأساس شفتيه ما ذكرك بشيء، وله ماضي
وصرف موضوع الزواج أتوقع 3 فرص وخلاص ينتهي كل شيء صح ؟
قولي أنا ماعاد بكمل الله يستر عليك .. أشوفه الله يستر عليه شخص أناني مو كويس يصير لك زوج
تستاهلين شخص احسن منه ب أشياء كثييره
لا تقولين إذا تزوجنا بيرجع مثل اول ! انهيها من الآن
وإذا متعلقه فيه راح تتخطين تخطينا اللي أغلى منهم وأنا أختك
وبتصحين بتقولين كنت ظالمه نفسي معه وفعلا استاهل احسن وكل شيء جميل
الله يوفقك وين ماكنتي ويكتب لك الخير يارب ، واتمنى تتركينه لأنه مايستاهلك اشوف مافيه شيء إيجابي له يشفع
واحنى خواتك نتمنى لك الخير
العرض العادي
