مجتمع غلاك - يا ليلْ كمْ فـي صدري أسرار

مجتمع غلاك (https://www.g-lk.com/vb/index.php)

- الشعر الفصيح والنبطي (https://www.g-lk.com/vb/forumdisplay.php?f=60)

- - يا ليلْ كمْ فـي صدري أسرار (https://www.g-lk.com/vb/showthread.php?t=32190)

يا ليلْ كمْ فـي صدري أسرار

يا ليلْ كمْ فـي صدري أسرارٍ تبكّيني
‏وأنا أكتمك والضّيقة تفضح أسراركْ
تبعثر عمري بيدي وضيّعت السنين فيني
وأبصم بالأسى إنّي فقدت العمر بغيابك

سهرتْ العمر كلّه في دروبٍ ما تواسيني
‏كأنّ الوقت يقصد يسرّحني عن أفكاركْ
‏سألت البدر إذا شافكْ؟ ردّ وقال يطويني
يضوّي من حنينك ثم يذبل لا لمح دارك

أشوفه بسماك يمشي وهذا الصمت يدعيني
كأنّك يوم غبتْ تركت له نبضك وأنظاركْ
تشابه وجهه بوجهك وأنا بالحالتين عيني
تحبّه لا من اشبهك ولا من هام بأسراركْ

إن قلت الهوى صدفةْ ترى قلبي يحاكيني
‏ويخبّي لك غلاك ويشتكي بُعدك ويختاركْ
‏أنا من قبل أعرفكْ في خيالي كنت ترويني
تمرّ بكل بيتٍ في القصايد كنّها أشعاركْ

وإذا ناموا البشر كلّهم يجي طيفك يناديني
‏يردّك لي حنينٍ ما تغيّر رغم أعذاركْ
‏سرقت من الظلمة سكونك وانت تهديني
‏صوتك، حلمك ،نورعينك وتقول انا داركْ