مجتمع غلاك - يا مسافر

مجتمع غلاك (https://www.g-lk.com/vb/index.php)

- الشعر الفصيح والنبطي (https://www.g-lk.com/vb/forumdisplay.php?f=60)

- - يا مسافر (https://www.g-lk.com/vb/showthread.php?t=31931)

يا مسافر بعيد الحلم وشلون صار
وين صارت رسايلنا ومضمونها

كن ذاك الوعد حرَّر جناحه وطار
والهقاوي أناخت دونه ضعونها

ليت ذاك الزَّمن يرجع علينا نهار
ونحتفل بِاْغنيات الحب وِالْحُونها

ما مضى كان رحلة بس فات القطار
والمحال اعترض لاشك من دونها

من عسام المفارق ثار جوي غبار
والأماني بعودة خابت ظنونها

كل شي انتهى والوقت غيَّر مسار
والأحاديث عنّدي زادت شجونها

يا بعيد اجتمعنا يوم كنا صغار
وكبرت احلامنا واخضرَّت غصونها

وعند نضج العلاقة قبل قطف الثمار
الليالي الحزينة كثرت طعونها

رحت أنا عن يمين ورحت عني يسار
وانتهت كل قصة كنت مجنونها

انتهينا ولم يبقَ لنا اختيار
السعادة توارت وارخت حزونها

سُهيل

رد: يا مسافر

انتهينا ولم يبقَ لنا اختيار
السعادة توارت وارخت حزونها

نهايه حزينه موجعه
ولكنها الحياه
لقاء وفراق
فرح وألم
ابدعت كالعاده سهيل
لروحك السعاده ي انيق الحرف

رد: يا مسافر

أبيآتك لامست القلب أخ سُهيل
صوّرت الفقد والحنين بأجمل ما يكون
نصّ عميق رغم بسآطته
يحمل صدق إحساس ما يقدر عليه
إلا شآعر يعرف قيمة الوفاء والذكريآت
سلمت مشآعرك وسلمت
دمت بخير،,

رد: يا مسافر

ابيات تحمل حنين موجع
ولغه عذبه تلامس القلب
وتسلسل شعوري جميل حتى النهايه

أبدعت شاعرنا وصح لسانك

رد: يا مسافر

صح بوحك الراقي يامبدع

رد: يا مسافر

رائعة اخرى من روائع شاعرنا المبدع سهيل
دائماً تبهرنا بقصائدك
لا حُرمنا من ابداعاتك وقلمك المميز
سلمت ويعطيك العافية يارب

~