![]() |
الورد
تراها الصوره اللِّي جا عليها بالوداع علوم
فديتك ما سواها حرّك الخفّاق وأوجاعه عسى يا احلى هدايا الكون ماانت بمن حلال القوم عسى يمِّي يجيبك من تركتك عنده وداعه معاك اضيع ياعمري وابي لو ساعةٍ من يوم تضيّعها معي وانى وش اليوم وكم الساعة عشيرك من يد الترك ليد الفرس ليدين الروم هذا هو يعربيٍّ لانسى حلمك ولا باعه تعال الكل ينشد عنك وطيور الخيال تحوم وأنا ما بين طيف وصوره ودفتر وسمّاعه من أول ما أصبح استفرد بنكهة سرّك المكتوم واهيم بكل شارع واندهك واخرج على الطاعه أطارد شمسك اللِّي لآخر الدنيا بدون غيوم والى منّي ذكرت عيونك ومغناي وشراعه أجي جنب البحر واحكي له أول ما عرفت العوم وفوق الشاطي ارسم وجهك اللي سافر شعاعه وإلى جا الموج يمّي ضمّت ايدي وجهك المرسوم وطاحت نجمتينٍ مرّت الخدّين مرتاعه وأعوّد للحدايق ما بقى من زادي إلا اللوم أفتش عن عبيرٍ كم وكم نسمه من اتباعه أداعب وردها والفلّ والريحان واليشموم ولا هو ملمس الورد الطبيعي يا أجمل أنواعه وانشّد عنك أناشيد وعصافير وشجر وكروم وكرسي باهتٍ لونه وسبع خيوط لمّاعه وأشوفك في بساتين وذهب ومعلّقٍ منظوم وأخبّر بك سرايا كل سوق وغالي بضاعه وأشيل أوراقك أم حروف وقلوبٍ تشيل سهوم وأغنّي ماطرى وأطبع عليها الطاري طباعه وأعّود للوساده في مساء ماله قمر ونجوم أصحّي صورتك من نومها وتفز فزّاعه أنام بحضنها لين الصباح يقول صح النوم وأفيق بوجه أجمل من صباح الخير مطلاعه منقول للشاعر/ ناصر القحطاني المصدر: صحيفة الجزيرة |
رد: الورد
عسى يا احلى هدايا الكون ماانت بمن حلال القوم
عسى يمِّي يجيبك من تركتك عنده وداعه معاك اضيع ياعمري وابي لو ساعةٍ من يوم تضيّعها معي وانى وش اليوم وكم الساعة الله على جمال الابيات اختيار رائع ومميز جداً دمت بكل خير يا أنيق |
رد: الورد
منقول جميل جدا
سلمت ويعطيك العافية اخوي ~ |
رد: الورد
جلب مميز ..... قصيدة تروي القلب بكلماتها
سلم الذوق |
| الساعة الآن 11:24 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~