نسيم الليل
 

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

من قطر الندى وعنود الحسن وشذى الورد ونور الجمال وتقلبات الوقت وقيوده جاء الشاعر والإعلامي محسن المحيلبي بهذا النص ليصافحكم

يا نسيم الليل بيّحت السدود
والحنايا شرّعت لك سورها

صارلي عامين أو عنها ويزود
القريحة ما يفيض شعورها

جيت في وقتك وحلّيت القيود
عن بنات الفكر وسط خدورها

الأماني حق والحيل امحدود
هذي الدنيا علي دستورها

ذاك وقتٍ فات ياليته يعود
راحت سنينه تجر شهورها

مع عنودٍ ماهي بايت عنود
كل زين يغيب وقت حضورها

حسنها ماينكره حتي الجحود
ضوح قمرا ما يغطى نورها

كنها قطر الندى فوق الورود
من شذاها فاح طيب عطورها

اترف امن النسمة ولا تهز عود
ما تداعب غير خد ازهورها

لا تخطت كنها الريم الشرود
ماتلام بكبرها وغرورها

لاتثنت واستمالت في برود
خصرها ماهو مطاوع شورها

طافت بروحي ورى كل الحدود
لين زان بوسط عيني جورها

ما تعمدت المفارق والصدود
ولا شكيت الها بيوم قصورها

عيت ايام الوصل معنا تجود
سامح الله وقتها وبزورها


شعر/ محسن المحيلبي
المصدر: صحيفة الراي - الكويت

رد: نسيم الليل
 

جمييلة جدًا
اختيار موفق ورائع
الله يقويك ويعطيك العافية اخوي علي

~

رد: نسيم الليل
 

كنها قطر الندى فوق الورود
من شذاها فاح طيب عطورها

اختيار جميل وانيق ي علي
كل الشكر
مميز كالعاده
دمت بخير

رد: نسيم الليل
 

شكرًا لمروركم الرائع وتفاعلكم
لا خلا ولا عدم

رد: نسيم الليل
 

انتقاء جميل
سلمت الانامل
يعطيك الف عافيه