مفتاح القوافي
 

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

قصيدة للشاعر/ فاضل بن عبدالله المالكي
،

تلاعبني هجوسي بين وهم الخاطرة والزًّيف
هجوساً ماظهر لي من بوادرها شفافيه

خذتني من رقادي بين وهج القائله والصَّيف
وبارقها يلوِّح بالطروق ويشتعل ضيئه

وشفت اللي عن إعيون الخلايق محتجب ماشيف
وأنا راكب على متن الهجوس إهناك وهنيَّه

وزرت أبعد جزيره دونما بحراً ولاتجديف
رأيت الأرض من تحتي بحجم الكف مطويه

وناولني ملاك الشعر عنقود العنب ورغيف
ومفتاح القوافي والأهازيج اليمانيه

وقمت العب بسيف الهيمنه والسرَّ عند السَّيف
نحرت الحرف والسَّاحه بدمَّ الشِّعر مرويه

ومزَّقت الملاحم بعد طالتها يدَّ التأليف
وبعثرت المتون اللي بحضن الحرف منسيه

تربَّعت السَّرير اللي مكوَّن من حصير وليف
سرير الأصمعي وابن المقفع وابن جنيَّه

وساجلت الحطيئة واستهم بشاني الغطريف
وسامرت الفرزدق واعتبرني ف الهجاء زيَّه

وزرت البصرة اللي شعَّ فيها العلم والتصنيف
وقلَّدني الحريري بالمقامات الحريريه

صعدت أهرام مصر اللي تعاظم شأنها وتخيف
وخيِّل لي عصى موسى الكليم وهيبة الحيَّه

وقمت أقرى على روحي وأنا بين الرجاء والحيف
وعقلي طار من لوثة جنوني، من تصابيَّه

وشاهدت السَّنابل في صحاريها ولا أدري كيف
مع كثرة عصافير الزروع السنبلة حيه

م.ن

رد: مفتاح القوافي
 

شكرا لك على الاختيار الجميل

رد: مفتاح القوافي
 

خالد إسماعيل
هذا من ذوقك
والشكر موصل لك على مرورك العطر
:68:

رد: مفتاح القوافي
 

سلمت ع النقل الجميل وربي يعطيك العافية

~