مجتمع غلاك - أنا بليت بحبكم

https://www2.0zz0.com/2025/12/19/15/410871447.jpg
أنـآ بليت بحبكــــــم من هبـــــــــالي
والا انت ظلٍ ما لنا فيك منزال
خيرك لغيري والشقا والعنالي
والمشكل اني عارف كل الأحوال
ارمي بروحي في بحرك الزلالي
وتنسفني امواجك على يابس الجال
اسأل فراشي كيف اقضي الليالي
بالليل لي حال ومعكم لي أحوال
من خوفي الشَّمات يشمت بحالي
ويكثر عليَّ من العدا القيل والقال
انت السبب ولَّعتني يا غزالي
وفتحت لي دنيا جديدة بالامال
وابعدت خلاَّني وجيتك لحالي
وفرشت قلبي لك مقرٍ ومدهال
ويوم ابعدن احبالهم عن احبالي
ودريته انك عندنا غالي المال
ابديت عقب الحب صرف الجفالي
وخليتني محتار في اشهب الَّلال
نصيت ربٍ عالمٍ ما جرا لي
ما حط دون الخلق حاجب ومرسال
ومنحني السلوان عال الجلال
وقصر علي اللي من عقب ما طال
واليوم ترسل لي وتبدي الوفا لي
وتبدي لي اعذار قصيرات واطوال
تبي تجدد ما انقطع من وصالي
وتبدي من الفتنة لي الوان واشكال
تردني في حالي اللي مضى لي
ترضي غرورك بس، يا حسن الاقبال
ما عاد تخدعني عقب ما بدا لي
وان عدت فيما عفت ما نيب رجال

الأمير عبد الله الفيصل