https://up6.cc/2025/10/176581591732891.jpg

-
بسعد مساكم آل غلاك
طريقتي في عمل خلية النحل
كثييير سهله ولزيزه وشتويه
م بعرف اذا طرحتها قبل او لاء
بس حطرحها عشان المسابقه🤭
المقادير
٣ كوب ونص طحين
نص كوب حليب سائل او لبن لو بتحبي انا عملتها بلبن
نص كوب ماء
ربع كوب زيت نباتي
٣ ملعقه كبيره سكر
ملعقه كبيره خميره
وللحشو
جبنه اي نوع بتحبوه
او شوكلاته او جوز
او اي حشوه متوفره
انا حشيتها جبنه بيضه مالحه
بعد ما نقعتها لحد ما راحت منها الملوحه
والقطر ويكون ثقيل نوعا ما
ول لمعة الوجه
صفار بيضه+م حليب+ شوية خل ورشة سمسم
الطريقه
اخطلي المكونات كلها مع بعض لحتى تكون عندك عجينه متماسكه
ريحيها ساعه
اعمليها كرات وحطي في كل كره قطعة جبنه او الحشو اللي بتحبيه
رصيها في صينيه
بس خليها متباعده شوي عن بعض لانها بتخمر وبتفرد في الصينيه
ريحيها كمان مره ١٠ دقايق..بس وهي مغطيه لحتى ما تنشف
ادهني الوجه بصفار البيض والفانيلا والحليب
ورشي رشة سمسم مش محمص بلاش ينحرق
ودخليها فرن حامي
ولما تستوي وتتحمر
صبي عليها القطر الثقيل البارد
وبس كده
وبتشهي الصراحه
وصحتين وعافيه:245:

-