مجتمع غلاك

مجتمع غلاك (https://www.g-lk.com/vb/index.php)
-   القسم الأدبي العام (https://www.g-lk.com/vb/forumdisplay.php?f=17)
-   -   الصمت له عندي معزه ومقدار (https://www.g-lk.com/vb/showthread.php?t=30184)

احساس غريب 11-22-2025 09:40 PM

الصمت له عندي معزه ومقدار
 
الصمت له عندي معزه ومقدار
https://i.pinimg.com/736x/c7/f3/a4/c...eb439c4a99.jpg


آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت



تعبت من قولة : (علامك) و وش صار ؟
وان طحت ما ألقى سوى كلمة (سلمت)


واعذار اخلقها ولو مالي اعذار
مشّيتها مره .. ومرات ما رمت !!


كذبة صباح الخير/ يا صبح الانوار
عذري ليا عدّت ليالي ولا نمت


اسهر طوال الليل وضْيوفي افكار
واقول لاْصحابي : نعم توّني قمت !!



ما عاد فيني ألفت عْيون واْنظار
يكفي بأني من زماني تعلّمت


ان الصدر بيتــ ٍ.. وسكّانه اسرار
نيّام .. بس يصحون لامن تألّمت



يصحون ويناظرهم الجار والمار
وش عاد ينفع سترهم لو تكتّمت ؟!!


آقدّم اقدامي على درب الاصرار
امشي ولكن للأسف ما تقدّمت



النار قدامي .. ومن خلفي النار !!
والعمر يمضي بي وانا ما تولّمت


الين ذاك الحلم في لحظه انهار
وانا مع لحظة سقوطه تحطّمت



جروحي كثار..وتناهيدي كثار
لكن على كثر المواجع .. تبسّمت !!


ثم أْلتزمت الصمت وعزومي اكبار
ولو يشتعل جوفي حشى ما تكلّمت



و سلامتكم

عآزفّ النّآي 11-22-2025 10:37 PM

رد: الصمت له عندي معزه ومقدار
 
دائماً بين حروف ذآئقتك
أجد روحاً تمزج بمــآ بنــا من وجدآن
وشعور يخرج لنا بروعه البيآن
أنتظآر جديدك دمتِ بخير
https://www.g-lk.com/vb/images/icons/163.png

عاقل المجانين 11-23-2025 12:58 AM

رد: الصمت له عندي معزه ومقدار
 
ثم أْلتزمت الصمت وعزومي اكبار
ولو يشتعل جوفي حشى ما تكلّمت

اجمل وأشعر بيت للصمت اظنه لنزار اذا ماخانت الذاكرة

والصمت في حرم الجمال جمال


دائما راقيه في حضورك

صح لسانك ولسانه

رسم 11-23-2025 02:46 AM

رد: الصمت له عندي معزه ومقدار
 
،.

إنتقاء ذو ذائقه مختلفه
أبيات رائعه من الحكم
وأسمى معاني

مميزه دائماً يا غاليه
في اختيار كلّ جميل ومؤثر

سلمتي إحساس
:399::399::399:

رآنيا 11-24-2025 12:58 PM

رد: الصمت له عندي معزه ومقدار
 
سلمتِ ع الاختيار الجميل
الله يقويك ويعطيك العافية

~

نقاء الورد 11-24-2025 03:02 PM

رد: الصمت له عندي معزه ومقدار
 
آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت

وضعي حاليا الصراحه
حببيييت جداً
اختيار مميز ورائع
احساسو دمتِ بخير وسعاده:288:


الساعة الآن 02:19 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~

This Forum used Arshfny Mod by islam servant