يا غايبة
 

أخر ما كتبت (يا غايبة)


إنْ جِيت اَفَتِّش في سجلاَّت الغياب
لقيتك أنتِ وحدك اللي حاضرة


يا غايبة عن عالمي ساد الضباب
الخطوة في درب المواصل حايرة


مِن غيرك أنتِ دنيتي صارت يباب
وَامست حظوظي (كُل ابوها) عاثرة


ما كُنت أعْرِف ويش يعني الإكتئاب
والحزن أسمع به ولاني خابرة


إلين ما غبتِ وبي ضاق الرَّحاب
والنفس لو حاولت ما هي صابرة


(وشلون) تحيا الأرض مِن بَعد السحاب
ومزونها صارت طيور مهاجرة


والفَرْح ودَّعناه من خلف الهضاب
وامست أمانينا تجارة خاسرة


أحلامنا في دربنا صارت سراب
(وشلون) تبحر (فـِ السراب) الباخرة


يا غايبة ضيَّعتِ (اسنين) الشباب
والعمر زهرة والليالي عابرة


كنتِ ولا زلتِ علي أكبر مُصاب
والبعد مثل الوحش فمّه فاغره


ما يستوي عاشق حمل عشقه زهاب
مَعْ عاشقٍ يحمل مشاعر شاغرة

:121:

سُهيل

رد: يا غايبة
 

رد: يا غايبة
 

صح لسانك:447:
ابيات رائعه :792:

رد: يا غايبة
 

،.

أبيات رائعه
ومشاعر في مُنتهى الرّقة والعذوبه
صحّ نبضك يا فريد
وسلمت شاعرنا
سُهيل

شكراً لك هذه الرّوائع
:123:

رد: يا غايبة
 

والله ياسهيل لما اقرأ حروفك
بحس اني اتهجأ اللغه مبتدئ وكأني طفل بمرحلة الرياض
ومع ذلك لابد من العودة ومشاكسة هذه الدرة
بحروفي الواهيه
صح لسانك ملايين
لي عوده باذن الله

رد: يا غايبة
 

جممميله
لاهنت ي مبدع