مجتمع غلاك - هذي هي الدنيا

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - هذي هي الدنيا (https://www.g-lk.com/vb/showthread.php?t=29984)

هذي هي الدنيا

https://www2.0zz0.com/2025/10/27/11/161827574.jpg
هذي هي الدنيا حظوظ وتوافيـق
امـا وطـاك الحـظ ولا وطيتـه
تعيش في غيبوبه الوقـت وتفيـق
شـي تذكرتـه وشـي نسيـتـه
بس الوكاد انه بعد نشفت الريـق
مالك سـوا بنيانـك الـي بنيتـه
والضيق كل انسان به هم به ضيق
ولاكل واحد يسألـك بـه طريتـه
السـد خلـه دايمـا فالصناديـق
منشـان ماتصـدم بشـي هقيتـه
والحب لعبه حظ بين العشاشيـق
امـا نحتـه نحـت ولا محيـتـه
وتبي الصحيح الي عليه المواثيـق
الحـب حلـق شاربـي لالقيتـه
والطيب فعل وله دروب وطواريق
وسـوهـ لوجـه الله لامـن نويتـه
وفعلن مهو لـك لاتلفقـه تلفيـق
الحق يظهره الزمـن لـو كميتـه
كم واحدن صيته بروس الشواهيق
ولاتسـرك سمعتـه لانصيـتـه
وكم واحدن ماسمعته سمعت طويق
لكـن يقـوم بواجبـك لانخيـتـه
والي يحمل طاقتك فوق ما اتطيق
الي يلومك خبـل لـو ماعطيتـه
ياكثر مامـروا علـي المطافيـق
وانا الخطا مـن يمهـم مابديتـه
لو كنت ادقق في خطا الناس تدقيق
ماكان حب الناس فزت وخذيتـه
كم مطلبن حاولت اسوقه ولاسيـق
حاولت به لكن عجـزت وجفيتـه
واضك همي ضك ييـن المعاليـق
خلـه مـدام ان المعاليـق بيتـه
الرزق عنـد الله رب المخاليـق
ماهو مخيب رجوتـك لارجيتـه
.
،
عبدالكريم الجباري

رد: هذي هي الدنيا

صح لسان الشاعر وسلمت يمين الناقل

الرزق عنـد الله رب المخاليـق
ماهو مخيب رجوتـك لارجيتـه

هذا البيت جدا جميل اعجبتني الابيات كثيررا
كان التنقلات بين الابيات سهل ومميز
يعني تغلق فكره وتاتي فكره اخرى وكلها بنفس الوزن تذكير بالارزاق

رايت نفسي بينها عندما تكلم الشاعر عن الي لاحد يلاحظه والي الناس تراه
ثم جات الذاكره موقف احدهن وهي تخبرني ان العمل جودته في صوت الناس عنه
يعني الي يذكرون صيت هذا العمل يدل على روعته
وانا اذكر جيدا كلامي وردي ان هذا لوجهه الله لانريد منهم جزاء ولاشكورا
ابدعت وتالقت اخي عازف الناي في طرح الابيات
دمت ودام جمال طرحك يزين ارجاء غلاك
في امان الله وحفظه

رد: هذي هي الدنيا

،.
أبيات ثويه بالحكم
راقيه
صحّ بوح قائلها
وسلمت عازف
على الإنتقاء الرّائع
:123:

رد: هذي هي الدنيا

كم مطلبن حاولت اسوقه ولاسيـق
حاولت به لكن عجـزت وجفيتـه
واضك همي ضك ييـن المعاليـق
خلـه مـدام ان المعاليـق بيتـه

صح لسان قايلها وناقلها
شكرا عازف جميل الطاروق

رد: هذي هي الدنيا

شكراً لمروركــم أنرتم المتصفح
دمتــــم بخـــيرhttps://g-lk.com/vb/images/icons/eq-33.gif

رد: هذي هي الدنيا

الرزق عنـد الله رب المخاليـق
ماهو مخيب رجوتـك لارجيتـه

طرح رائع
سلم النقل المميز ويعطيك العافية يارب

~