سعادتنا بأيدينا
 

لك الشّوق الجميل اللي أخذني لِك أنا وْمسراي
وجيتك مِن بَعَدْ ما كنت أنا عزَّمت مآ اجي لك


مِنَ اْول ما عرفتك كان حبك هو سبب بلواي
طريقي ما يعَرْف النور إلا من قناديلك


أحبك ناظري عيني تِبَيِّن لك مدى شكواي
وشوفي عالمي بعدِك هجر فجري وْسكن ليلك


كذا صوتي خفت عندك كذا ضاعت سُدى نجواي
كذا رحتِ ولا جيتِ كذا سويتِ بسْهَيلك


أنا مشتاق لك حدِّي مِنَ اْشواقي وصلت أقصاي
ولكن للأسف وش لون بس اوصل مواصيلك


تعالي نرجِّع الماضي غَصُب لو كان ما هو بجاي
واغني لك على مودك وتغنِّي لي مواويلك


ترى الأيام معدودة فَلِيه نضيِّع اللي جاي
وأنتِ فرحة أيامي وطيوبه وش حليلك


سعادتنا بأيدينا تعالي زيني دنياي
وَاْنا بفرحة عمر جيتك على كفيني آشيلك





سُهيل

رد: سعادتنا بأيدينا
 

رد: سعادتنا بأيدينا
 

كعادتك يامبدع
تنثر الجمال بسخاء بين السطور
قصيده تربعت على عرش الجمال
وحرف اروى الذائقه واكثر
صح لسانك شاعرنا
يختم +400 نقطه

رد: سعادتنا بأيدينا
 

ابيات شعر رائعة جدا

رد: سعادتنا بأيدينا
 

،.

قصيده رائعه
كلماتها ومشاعرها تصل من القلب للقلب
هنيئاً للمحبين أمثالهم صدقهم واستحقاقهم لروعة
الإحساس وتجسيده ،،

المتمّيز
سُهيل

سحر البيان
يكللّ أبياتك
وتصبح طوع حرفك الفريد
مُبدع
كما أنت
أسعدك الله
:123:

رد: سعادتنا بأيدينا
 

بوح راقي سهيل شكرا لك