مجتمع غلاك - إن كان شمسك تساومني على ظلك

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - إن كان شمسك تساومني على ظلك (https://www.g-lk.com/vb/showthread.php?t=25780)

إن كان شمسك تساومني على ظلك

-

كلك تعالي غلا ... والاارجعي كلك
بعض الغلا منك مايستاهل الجية

طالت وانا في رجا ليتك..وياعلك
أوراق بالذاكره ..واوراق منسية

مابل ثوبك مطر شوقي ولابلك
لوعلتك من سحاب الروح وسمية

ليه امشي الدرب دامه مايوصل لك
تخاف رمضا الضياع اقدام رجليه

يابنت تو الهوى ماصرت انا خلك
للحين .. مازالت الصوره رمادية

ومازال بعض الغموض الشره يحتلك
وشلون انا اعشقك واحبك على النية

اشوفك هناك قدامي .. ولاادلك
صعب الكتابة ليا صار الورق مية

إن كان شمسك تساومني على ظلك
ماعاد ابي منك لا شمس .. ولافيه

اما تعالي لقلبٍ .. فز لك كلك
والا اتركيني ما ابي لك بالهوى جية