مجتمع غلاك - ذاك الثقيل ..!

مجتمع غلاك (https://www.g-lk.com/vb/index.php)

- الشعر الفصيح والنبطي (https://www.g-lk.com/vb/forumdisplay.php?f=60)

- - ذاك الثقيل ..! (https://www.g-lk.com/vb/showthread.php?t=25347)

ذاك الثقيل ..!

على ذاك الثقيل اللي خطف قلبي وجاب اقصاه
سلامٍ ممتلي حب ومشاعر ماهي لغيره ..

احبه وادري اني ساكنه قلبه وكل مناه
ولاغيره سكن قلبي ولا له بالحشا سيره

حبيبي أجمل من الغيم وانقى من سحابة ماه
ولاشافت عيوني مثله زينه داخل الديره

الا محلاه في عيني وحكيه اه يا محلاه
غرامه في حياتي باينٍ للناس تاثيره

اذا شفته مثل من شاف فرحة عمره ودنياه
واذا غاب لثواني ضاق صدري يالله الخيره

احب صوته احب ضحكه احبه كله واهواه
ولا قبله ولابعده .. غرامه صعب تفسيره

يدلعني يدللني وقلبه غير انا ماجاه
لك الله من هوويته ماشعرت بيوم بالغيره

لاني مالكه قلبه من اقصى ضلع لين ادناه
عرفت ان البنات بعين خلي حبت شعيره

الا ياذا الثقيل اللي خذا قلبي وجاب اقصاه
احبه والمشاعر كلها له ماتبي غيره

شُعور ..! :185:

رد: ذاك الثقيل ..!

الله الله
صح لسانك شعور
أبيات في قمة الروعة والجمال
هنا نهلت شعرا حتى النخاع
أرويت ذائقتي شاعرتنا المبدعة
لله درك
وخمس نجوم

رد: ذاك الثقيل ..!

،.

ما شاء الله
شُعور
أبيات رائعه
وحروف من أرق وأعذب إحساس

صحّ نبضك يا أنيقة الحرف والشّعور
ودام انسكاب بوحك الدافيء
:125:

رد: ذاك الثقيل ..!

عندمآ يتم أختزآل أكبر كمّ من المشآعر
وطيه بين الحـروف فهـذا هوا ألأ بــدآع
أشكرك أخت شُعور على زخآت العطر التي نثرتيهآ علينآ
في بوحك الرآئع كروعت حضورك وقلمك
دمتي متألقه _ أحترآمي ـ’

رد: ذاك الثقيل ..!

احب صوته احب ضحكه احبه كله واهواه
ولا قبله ولابعده .. غرامه صعب تفسيره

الله الله ع كمية المشاعر اللي هنا يااا شعور
مشاعر جميله صادقه شفافه
صغتيها لنا بوصف ولا اجمل
حبييييت كل حرف وكل كلمه وكل احساس
الله عليك ي اجمل شعوور
لا تحرمينااا من هالجمال ي جميله
بانتظار المزيد
الختم والنقاط اهداء:91:

رد: ذاك الثقيل ..!

الله الله صح السانك يا شعور و يتهنى اللي وصفتيه بأجمل العبارات و المشاعر

يخزي العين حولك و حواليك ماشاء الله تبارك الرحمن كلماتك موزونه و مفرداتك جميلة

و كل القصيدة جبارة و حلوه كثير يعطيك العافية و تسلم الايادي يارب