مجتمع غلاك - بدون اختيار

يا هوه يا كشخه دموعك زادتك عندي وقار
أدخل على الله من دموع العين و اللي صبها

تعال و أضحك و اترك العالم ورى سور و جدار
و ان سالت الدمعه من عيونك غصيبه غبها

تكفى فديتك قل لدمعك لا يزيد الأنهمار
تراه يجرحني و لو طاول ضلوعي شبها

خل البكاء لعيوني الثنتين و أشعلها شرار
و ان كانها ما ترضي غرورك تعال و عبها

حرام تبكي و انت في قلبي لك أقمار و مدار
و أغصان روحي كل ما ذعذع نسيمك هبها

في كل حاجه لي قرار الا انت مالي بك قرار
أفرغت لك قطعة من اقصى الروح محد طبها

غصب على قلبي بلا تفكير و بدون اختيار
أصبحت تسكن داخل ضلوعي كذا من ربها

فأن شفت روحي تنتظر لقياك و تموت أنتظار
خذها بيدها و اقفل عيونك عليّ و خبها

ما اعاد ابي من لذة الدنيا بياض و لا سمار
غير أنت يا أخر من تعدى فالحدود و نبها

شلت البيارق و انتزعت الفوز و أجتحت الديار
و العالم اللي تنتحل فعلك خفوقي كبها

أغليك من قلبي و أحبك و أعترف سر و جهار
و محبتك تكبر و يصغر من ظلمك و سبها

هاك المشاعر و القصايد و المواني و المنار
و الروح و ايتام الخفوق اللي تشوفه ربها

تدري من المسكين في هالكون كله بأختصار:
اللي تحبه روحك العذبه و هو ما حبها

.

للشاعر الرائع/ عبدالله الذويبان:ff1 (218):