مجتمع غلاك - الضيف

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - الضيف (https://g-lk.com/vb/showthread.php?t=25127)

طافن ثلاثه وحـلّ العـذر مـن ضيفـك
إمّـا يشـد الرحـال أو يطلبـك حاجـه

والضيف عاذرك وأنـت معـزّب وكيفـك
أمّا تضـوّي غـلاه أو تطفـي سراجـه

ماهـو بشرهـان لا تكفـى ولا حيـفـك
وإن راح راح وترا ما يضحـك حجاجـه

يبعد وتهـزل ركابـه مـا قـرب ريفـك
لك حق قلبك إليا قفـى يتـرك إزعاجـه

لك منّـه إنـهّ إليـا منّـه لفـى طيفـك
يصدّ عنّـه غصـب ويجنّـب إحراجـه

وله حق غمد العتب مـا يتركـه سيفـك
لاجـات فرصـه وقـدّر ربـك مواجـه

وإن ما ألتفت لك لـ/ هي كبره ولا معيفك
ماغيـر خايـف عليـك يطـوّل خلاجـه

حاولـت أخفّيـك لكـن خايـف أخيفـك
وبغيت أعلّمـك سقـم القلـب وعلاجـه

عاد أنت لو شاعـرك حـاول بتحريفـك
إفهم ترا القلـب عقبـك صـكّ مزلاجـه

وعقـب الثلاثـه تـراك محلّـل بكيفـك
وأن راح ضيفك ترا في خاطـره حاجـه

للشاعر/ صالح العرجان🌹

رد: الضيف

صح لسان الشاعر
وسلمت ذائقتك الفاخره
امتعتنا اخوي علي برقي الطرح

رد: الضيف

صح بدنك والله يسلمك ويبقيك
سعدت بمرورك الكريم أخ نايف
مودتي وتقديري.

رد: الضيف

إنتقاء مميز وجميل ..
يعطيك العافيه وسلمت الآيادي لآشلت ..
-

رد: الضيف

اقتباس:

المشاركة الأصلية كتبت بواسطة أمَوآج آلشَرقَيهہْ♥ (المشاركة 995080)

إنتقاء مميز وجميل ..
يعطيك العافيه وسلمت الآيادي لآشلت ..
-

أموآج الشرقيه
أسعدك المولى ورعاك
شكرًا على مرورك وتعليقك
ودمتم بود.

رد: الضيف

الله يقويك ويعطيك العافية ع الطرح الجميل
وشكرا لك على جهودك الرائعة والمبذولة في طرح كل ماهو مميز ورائع
سلمت :رحيق:

~