مجتمع غلاك - مقلوبة الفول الاخضر😋

مجتمع غلاك (https://g-lk.com/vb/index.php)

- مطبخي " يمنع المنقول" (https://g-lk.com/vb/forumdisplay.php?f=61)

- - مقلوبة الفول الاخضر😋 (https://g-lk.com/vb/showthread.php?t=24653)

مقلوبة الفول الاخضر😋

مقلوبة الفول الاخضر ع طريقة الشيف نقاء
[https://www8.0zz0.com/2024/03/25/17/683644401.jpg[]

يسعد مساكم وكل أوقاتكم آل غلاك
اليوم عملت طبخه مش مشهوره عنا كتير
لكن حبيت اجربها
وطلعت لزيزه وبتشهي
المقادير
دجاجه
فول اخضر

ارز
وطبعا بهارات بصل وزيت وسمن
الطريقه
بالاول بطبخ الجاج عادي وببهرو بالبهارات اللي بحب استخدمها لسلق الجاج.انا حطيت ورق غار .بهارات مشكله،هيل مطحون،قرفه كمون وملح وفلفل

٢/وبس استوى الجاج طلعتو من للشوربه وحمرته بالفرن
٣/ قطعت الفول الاخضر قطع صغيره وغسلته كتير منيح وصفيته من المي
وبشرت راس بصل مع ملعقة سمن وشوي زيت وقلبت الفول مع البهارات،كزبره مطحونه،كركم،فلفل اسود،وكمون ضروري وملح طبعا
قلبت كتير منيح لحد ما تغير لونه
بعدين ضفتله حواالي كاس مي وتركته يستوي
٤/كنت ناقعه الرز
٥/صفيت الرز من المي وحطيتله البهارات اللي بحبها وكمان ماجي
٦/تطبيق المقلوبه
الفول في قاع الطنجره
الجاج المحمر فوقيه
الرز المبهر
وصبيت شوربة الجاج وهي سخنه
وغطيت الطنجره..وتركتها لحد ما استوت
ملاحظه :بحب اطفي الغاز قبل موعد الاكل بنص ساعه
بغطي الطنجره بحرام وبخليها تتماسك
عشان لما اقلبها تكون النتيجه اللي بدي اياها

سهله وسريعه ولزيزه
جربوهاا

رد: مقلوبة الفول الاخضر😋

،.

ما شاء الله
تسلم ديااتك نقاء

شكلها بيشهي ولذيذذه :ff1 (248):
ومكوناتها صحيّه
وبعد مناسبه جداً للسحّور وعشوه لذيذه

يعطيك العافيه يا أحلا شيف :251:
جاري التطبيق بخليها سحور الليله أو بكره بإذن الله

تسلم الآيادي حبيبتي نقاء
:202::192:

رد: مقلوبة الفول الاخضر😋

اقتباس:

المشاركة الأصلية كتبت بواسطة راما (المشاركة 961022)

حبيبتي راما يسعد قلبك♡
فرحتيني ب ردك ورأيك😊
بس معقول تتسحرو مقلوبه..ههه
نورتي موضوعي غلاتي
واسعدني حضورك
يسعد قلبك وروحك وما يحرمنا حضورك المميز بمواضيعنا ياا رب⚘❣🥰😘

رد: مقلوبة الفول الاخضر😋

كككككككككككككتير لزيزة وبحبها
وشكلها بيشهي
ما شاء الله
من اكلاتي المفضلة
وكانت من اكلات خالتو الله يرحمها المفضلة
كانت كل ما تعملها تعزمني عندها
لانها بتعرفني بحبها
بس خاللتو ما كانت تحط جاجة
بتحط لحمة راس عصفور :98:
عملناها قبل اربع ايام

ريتو صحة وهنا يا حب

رد: مقلوبة الفول الاخضر😋

اقتباس:

المشاركة الأصلية كتبت بواسطة ذات نقاء (المشاركة 961024)

الله يسعدك يا أحلا نقاء
اي بتطلع سحور ممتاز فيها بروتين عالي
علشان الصّيام بس لازم نبكر شوي

والله يعيني فول وقولون بس بجازف ههههههه

يمي يمي :ff1 (136)::257:

رد: مقلوبة الفول الاخضر😋

اقتباس:

المشاركة الأصلية كتبت بواسطة قمر يافا (المشاركة 961091)

الله يرحمها ي رب
طب جربيها بالجاج وشوفي الفرق
يلا استغلي انك طباخة العيله حاليا وابهريهم..ههه
يسعد قلبك وم يحرمناا الحضور البجنن بمواضيعنا ي رب❤