مجتمع غلاك - ## .. بعض الصدود عقوق .. ##

أزعجتنا هالعجوز
هذا موضوع قرأته في قسم مقهى الكتب والقصص .
بقلم الأستاذة شوق المها .

وسبق أن قرأت قصيدة ربما تصف بعض العقوق ولكن بصورة أخرى
من قبل شخص تقول الشاعره أنها أحست ببعض التغير على تصرف أحد الشباب
بمعاملة والدته . إليكم القصيدة التي تصف هذا الموقف . ومجاراتي لها ببعض الأبيات .

تقول الشاعرة :

يا خوي لا تنسى حقوق الوالدين
تكفى لا تنسى برهم يابو لمار

أمي يا خالد صوتها مرّه حزين
وقبل الزواج اذكرك فيها حيل بار

من غيّرك هرج الأهل وإلا السنين
مافيه خير اللي على أمّه ما يغار

هذي يا خالد صدرها شوق وحنين
من يوم كنّا عندها نعلب صغار

أمّي لها بارقابنا يا خوي دين
وبقلوبنا لها مكانه واعتبار

لكنها صارت مثل حال السجين
بالليل مقفول ٍ عليها وبالنهار

أشوفكم عنها يا خالد غافلين
يا جاهل الدنيا ترى العمر أختبار

واختك يا خالد مالها مونه وعين
من صوتها باين عليها الإنكسار

بعيونها الدمعات تنزل كل حين
وانت السند مفروض كان الوقت جار

الشاعرة / بنت العرفا

فقلت مجاريا لها :

يالله دخيلك من عقوق الوالدين
وش صار فينا ياعرب بعد العمار

مدري نلوم الوقت مع قشر السنين
وإلا نلوم انفوسنا في شي صار

الوالدين اللي لهم حق ٍ يقين
واللي ينقص حقهم بشراه نار

غير العقاب اللي يشوفه شوف عين
في دنيته شوف المهانه واحتقار

هذي حقوقك وافيه والبر دين
إشرب بكاسك علقم ليل ونهار

فهي تصف حال أخوها حسب الأبيات الحال الذي وصل لها أخوها من إهمال وتغير حاله
بعد أن تزوج فلا تعمل هذا التغير هو من الأهل رمز للأسره أو من فعل السنين .

جعلكم الله جميعا من البارين بوالديكم

فكر الحرف