((يثيرني وشم لمحته مع الناس))
 

يثيرني وشم لمحته مع ....... الناس
يردني يم السنين ............ الخوالي
يوم الهوى روض وطهر .... ونسناس
كن القصيرة بنت عمي ....... وخالي
واليوم صار الحب هم ...... ولولاس
أشغال بال وسلوة ............ للغوالي
والياحصل من بيننا بعض الاحساس
راحوا وخلوا نادر الحب ....... خالي
قولوا لها ترجع ترى البال ... محتاس
ان كاني باقي فبالها ........ يا حلالي
والا تراني فالبحر خوش .... غطاس
كم درة تطلع علينا .............. تلالي
وانا خبير بالحلا بين ........ الاوناس
لكن وفايه يملكه ........ من وفى لي
كم خشفة مدت على حمر الاطعاس
لحقتها والصيد يزهى ......... خيالي
رحمتها من رمية تقطع ........ الراس
واعتقتها لاجل الولي ....... والموالي
الخشفة اللي لبسها زين ..... الالباس
الساتر اللي زادها ....... ..... بالكمالي
تلقى نفسها بالحلا زين ...... الانفاس
ينعش ارواح حطمتها ......... الليالي


القارظ العنزي

رد: ((يثيرني وشم لمحته مع الناس))
 

راحوا وخلوا نادر الحب ....... خالي
قولوا لها ترجع ترى البال ... محتاس
ان كاني باقي فبالها ........ يا حلالي
والا تراني فالبحر خوش .... غطاس


مبدع ورائع جدًا شاعرنا المبدع القارظ
سلمت وسلم بوحك النديّ

~

رد: ((يثيرني وشم لمحته مع الناس))
 

رد: ((يثيرني وشم لمحته مع الناس))
 

صح لسانك واعتلا شانك

رد: ((يثيرني وشم لمحته مع الناس))
 

طبت وطاب اختيارك
أيتها الفاضلة رآنيا
اشكرك على حسن المتابعة

رد: ((يثيرني وشم لمحته مع الناس))
 

هذا بس من لطفك
Lavender
صحة أيامك لاهنت