مجتمع غلاك - "جُدْب المكارم"

مجتمع غلاك (https://g-lk.com/vb/index.php)

- الشعر الفصيح والنبطي " يمنع المنقول" (https://g-lk.com/vb/forumdisplay.php?f=60)

- - "جُدْب المكارم" (https://g-lk.com/vb/showthread.php?t=14206)

"جُدْب المكارم"

..

......مايرتقي ذِكرك إذا شيمِتِك أرض

............والأرض خلَّاها الصَّقِر للدجاجه

...إن مااعتبرْت بْناتج الطول بالعرض

...........تعيش من بين الحجارة زجاجه

.....دربٍ يِشَرِّف سيرِتِك فِزِّ له وامض

..................حتى ولو إن المِنِيَّه نَتَاجَه

........الموت ماهو بس لاوَقَّف النبض

.........الموت لاهبت الشرف في مُوَاجَه

..والطيب ماتجني حصيله من البَعْض

.......طِيبِك معا "جُدْب المكارم" سذاجه

.......والَّا الأخو حتى لو يْهينِك فْغُض

........إن كان ماهو سْراج لك كُن سراجه

والعِرْض تكفى العِرْض لاتْفَلِّت العِرض

.............كم واحِدٍ غِيرَتْه غيرة خَواجَه

..........يِفَتِّل فْشارِبْه وِيْصَلِّيِ الفَرض

.........وعِرضَه بلا حشمه ولاقال حاجه

...والياتِجَمَّل بك أحدفاحْسِبَه قَرض

..............وسَدِّد جِميله لاتِعثَّر فِحاجه

.ولاضاق صدرك لاتِّشكَّى وُقُم وَض

.......وصَلِّي لمن ضيقِك فيَدْه انفراجه

المعتفس

شكرًا لأطروحاتك المميزة
تقديري .. :11:

رد: "جُدْب المكارم"

صح لسانك يالامير مميز كعادتك :16g9:

رد: "جُدْب المكارم"

صح لسسانك
شكرا لسردك الرائع

رد: "جُدْب المكارم"

ً
ً
الله الله على الابيات
اللي ينطرب لها القلب
وتغوص في اعماق الروح
حكمه ووزن وخيال وجزاله
وفكر ومعاني ورسايل عميقه

ما شاء الله تبارك الله يا المعتفس
ابدعت وتألقت واكثر واكثر

صح لسانك يا الامير :ff1 (12):

تقديري

ِ

رد: "جُدْب المكارم"

كل شطر بل كل كلمة، فيها معنى عميق وحكمة عظيمة،
هذي القصايد التي تستحق القراءة و النشر،

راقت لي
صح لسانكـ ,,~