مجتمع غلاك - طفولة عضو •

ً
ً

1- هل كنت مشآآآآكس أو كنت على نياتك وهادئ؟؟
لا والله الا مشاكس مع مرتبة الشقاوة

2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟
امممم كنت مميز وكنت مصفوق :d

3-موقف حصلّك وأنت صغير وللحين مأثر فيك؟؟
من كثر المواقف ما اذكر صراحة

4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟
خمسين ريال وكانت من خالي الله يسعده
شعوري شعور واحد كل تفكيره في البقالة :d

5- من أقرب طفلـ/ـة من الجماعة كانـ/ـت أقربلك؟؟
اخوي الله يحفظه

6- كم كف اخذت وانت صغير؟؟
ههههههه ياما اخذت من كفوف وياما عطيت
لان اخوك ما يسكت ولا يتوب

7- وش اكثر حلاوة كنت تحبها في طفوولتك الرائعه ؟؟
ماكنتوش وحلاوه بقره وحلاوه عود مدري مصاص

8- ماهو مستوى العصبية اللي كنت فيها " مرتفعة / متوسطة / منخفضة " ؟
عصبيتي مثل الجمر تحت الرماد

10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
قبل الاخير وهنا قمة الغبنة
يعني لا دلع لا حب لا هدايا لا بوس لا فلوس
لا شيء >> يمسح دموعه

11-ماهو اكثر مكان كنت تحب تروح له ؟؟ " مدينة العاب. حديقه ... الخ
اكون معاك صادق الاماكن كلها مشتاقه لي :d
طبعي اتكيف مع المكان اللي اروح له

12-ماهي اكثر لعبه كنت تحب تلعب فيهاا ؟؟
بربر هههههه الجد كرة القدم والسباحة والمقالب

13-هل كنت تبكي كثير ؟؟
هنا المشكلة صراحة .. ما اعرف ابكي زين :d
بس ما كنت بكايه

14-ماهو اكثر فيلم كرتوون كنت تحب تشووفه ؟؟
سالي هههههههه السنافر

15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟
اخوي اللي اصغر مني

16-موقف صار لك ولحد الحين اذا ذكرته تضحك ؟؟
ههههههههه والله ياكثر المواقف
بس فيه موقف راح اقوله
كان عندي بس يعني قط يعني هر
المهم كنت متعلق فيه
لدرجة ما انام الا وهو معاي
اطرب على صوته
وهو على وضعية توفير الطاقة :d
المهم صار بيني وبينه عشرة عمر وتونه وملح
وفي يوم من الايام
رجعت البيت ولقيته تعبان
وما صار ياكل ولا يشرب وتردت حالته
حاولت اسوي له شي بس ما قدرت
وصرت اجيب له مويه واقطرها بحلقه
المهم بالاخير مات :(
واخوك يقوم بتغسيله وتكفينه
ويستدعي اخوانه وبنات عمه
ويصفهم وراه والميت قدامه
ويصلون عليه :d
لا والمشكلة ما كانت صلاة الميت
كانت ركوع وسجود وخرابيط
وبعدها اخذناه ودفناه
وسويت له نصب تذكاري ههههه امزح
طبعاً اكتشفت فيما بعد
بان سبب الوفاة سم فيران
حطوه الجيران ببيتهم والاخ
طب في مفاطيح الفيران
واكل هوى >> مقهور الى الان عليه
كان اسمه خليد

17-كنت تحب الحليب والا تشربه بالغصب ؟؟
انا مو لهان عبدالله اقصد مو ولهان انا دنيا من الوله :33:
كنت ولازلت احبه بس اخلطه بشي ثاني

18-كنت شاطر بالمدرسة او لا ؟؟
نعم ويس بس مشاغب واتعاقب

19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
حدث ولا حرج :d
شرب المويه عند المضمضة
سرقة السمبوسة من المطبخ
يا زين الاكل من وراهم هههه استغفر الله

20-كلمه دآآيمة على لسآنك!!
يصير خير ..
مع اني ما التزم في العادة بكلمة دائمة

21-هل هناك شخص كنت دايم تتبلى عليه يعني تسوي المصيبة وهو ينضرب ؟؟
ههههه يا كثرهم ومن ضمنهم اخوي
في مره سويت مصيبة عند ناس
وفي اليوم الثاني راحوا لابوي
يشتكون من اخوي ههههههههه
اخوي داخ على الفور :d
لانه هادي ومو راعي مشكلة ابداً
وانا كلمت اخوي وقلت لا تخاف
انا اللي سويت المشكلة
قال طيب وش ذنبي انا >> مقادير يا قلب العنا

ومره ضربت ولد الجيران
وهددته لو يعلم احد <<< ظالم وقاسي :d
وجا اخوه الكبير واحنا مع بعض
وقال وش عندكم قلت اخوك ضربني
اخوه كان بيصيح بس تذكر التهديد وسكت
طبعاً لما كبرنا قلت له يسامحني وسامحني
بس ما هددته لو ما يسامح
يعني سامحني عن طيبة نفسه :d

22-ما هو اقوى عقاب في حياتك عوقبت به ؟؟
كل انواع العقابات مرت بي >> معفنه :d
بس اقوى عقاب السجن في غرفه حمام بدروم
هنا اموووووت يعني عادي اتعاقب باي شي
الا السجن .. احسني مخنوق
اني اتنفس تحت الماء
اعطني حريتي اطلق يدايا

23-نشيد كنت تحبه أيام الطفوله ؟؟
سارعي للمجد والعلياء ههههه
مافي شي محدد

24-ماهي الموآقف اللي عرضت فيها اهلك للاحراج؟؟
اممممم بلاش احراجات

25-كيف كان اول يوم مدرسه لك بكيت ولا لا ..؟
كان يوم الملاحم يوم الجن :d
من اول ما يصحوني والملاحم شغاله
مضاربات وسعابيل وصياح
ويجروني جر عشان اطلع من البيت
وانا انشب في الباب وبالقوة اطلع
وفي السيارة انواع الونانات والنياحة
بس يوم دخلت المدرسة توقف كل شي
لان قلبي اصلا توقف :d
طبعاً الصياح والبكا والمضاربات
كلها مو خوف بس مافي راسي
شي اسمه دراسة
المهم عندي الفله مدري العمارة
اقصد اللعب وبس

26-ضعت في مكان؟ .. سوق او حديقه .. اذا اي قول لنا السالفه ..؟...
الى الان لا :)

27-ماهي اجمل هديهـ خذيتها في طفولتك...ومانسيتها ابد...؟!
الظاهر اللي صاغ الاسئلة عايش حياة مرفهة
ومن ذوي الطبقات المخملية
ومو داري عن الطبقة الفقيرة
البائسة المدعوسه :ff1 (137):

29-بصراحهـ من كنت تحب بطفولتك اكثر امك ولا ابوكـ....؟!
ابوي وامي بس ابوي اكثر وامي اكثر
واختلفنا مين يحب الثاني اكثر :d
الصراحة ابوي كان انسان طيب وهادي
وامي قوية شخصية وهيبة
لذلك اميل لابوي خوفاً من امي :)
وبعد وفاة ابوي صارت امي كل شي بحياتي :26bdd2fd66:

30-موقف سويته ..والى الحين مااحد يدري عنه ؟
لا الجد ذكي يا راعي الاسئلة :d
يعني الى الان ما احد يدري عنه
واجي هنا اقوله
اقول العب غيرها ههههه

31-مين اعز صديق طفولة و الى الان متواصل معه؟
مو صديق واحد عدة اصدقاء
بس فيه واحد الى الان
متواصل معاه بس مو صديق طفولة
لان اصدقاء الطفولة تفرقوا

32- نقدر نشوف صورتك وانت صغير ؟
انتظروني اتصور واسدحها :d

اختار سماء .. نشوف وش عندها بالضبط :)

ِ