تسامحوني علي شي بدر مني
 

كنت تعبانه واضطريت اكتب وانزل موضوع ان وزني نزل

وهو مانزل

لو مشيت 3 ساعات وقللت اكلي والسكر تتوقعون ينزل

سامحوني ماكنت اقصد المرض النفسي اللي اعاني منه متعبني يعطيني اوامر

رد: تسامحوني علي شي بدر مني
 

بديت من 1 - 1 - 2024 م
كان 107.0 الاسبوع الاول
الاسبوع الثاني 107.4
مع العلم اني ماالتزمت بالمشي وكنت اخبص بالاكل الاسبوع الاول
الاسبوع الثاني مشيت تقريبا نص ساعه ماادري ليه زاد نص كيلو
بانتظر النتيجه من 107 الى 55 كيلو على ثلاث سنوات 2024 و 2025 و 2026
وانشاالله اقدر

عدل كلامي
الفطور كوب صغير حليب مع رشه سكر مع سندويشه جبن كرفت في توست واقفلها بتوست ثاني
الغدا صحن وسط نصه رز ونصه لحم او سمك او دجاج او ربيان
وصحن سلطه وشوربه في باديه صغيره

والعشا يوم فيه يوم لا مافيه في صحن متوسط معكرونه او هريس او عديده
او صينيه باشميل

بس كذا هذا اللي موجود واللي اقدر عليه

تتوقعون اقدر

ابي احد يشجعني

رد: تسامحوني علي شي بدر مني
 

الفطور اضيفي عليه بيض او بقوليات اللي تناسبك
مع صنف خضار (جرجير - خس - خيار)
لا تضيفين سكر للحليب


الغداء قللي الرز او النشويات للنصف
وزودي السلطة اللي يخليك تشبعين


العشاء اضيفي سلطة وقللي النشويات اللي بتاكلينه للنصف
لو يكون عشا خفيف افضل


ما بين الوجبات كلي
فواكه وزبيب ومكسرات بكميات قليلة
خليك صريحة مع نفسك
امشي المدة اللي تقدرين عليها

وجبة العشا قبل النوم ب ساعتين على الاقل
تمارين المقاومة جيدة في البداية


امنعي بشكل كامل
المشروبات الغازية والحلويات واكل المطاعم

اذا تشتهين حلويات اصنعيها بنفسك بمواد طبيعية قدر الامكان
دخلي فيها المكسرات والفواكه

امتنعي عن المأكولات المصنعة واللي فيها مواد حافظة والجاهزة واللحوم المصنعة المجمدة مثل البرجر


النظام هذا مو لاجل ينقص وزنك فقط
وعشان تتحسن صحتك لان واضح نظامك العذائي يفتقر لعناصر غذائية مهمة وضرورية لبناء جسمك

بالتوفيق

رد: تسامحوني علي شي بدر مني
 

مسامحه ولو ..
انتي من حطيتي باركولي وشفت الموضوع ماصدقت ابداً حسيت انو في
شي مو طبيعي المهم
الله يقويج حبيبتي وربي يشافيك ويعافيك
رأي الشخصي
اتركي السكر و النشويات واعتمدي عل البروتين و الورقيات > اقصد السلطه وكثري من شرب الماء
هذا نظام الكيتو بس تعديب نفسي :415:
اني استخدمه ونفع معاي اسبوع نزل 4 كيلو بس مو عل طول اسويه
لازم فِ تغيير وسوي صيام متقطع
التمرين تمشي عل الاقل نص ساعه او ساعه كـ بدايه تالي زودي ف عدد الساعات
حاولي تمشي اقل شي 2000 خطوه كلما تمشي زودي الخطوات لين 10 الف خطوه
إن شاء الله عندك ساعه رياضيه تساعدك
..
ولله يقويج فِ رحلة انقاص الوزن فِ بدايه صعب بس شوي شوي كل شي بكون سهل
:ff1 (35):

رد: تسامحوني علي شي بدر مني
 

ي بنتي بالاول والأخير هي صحتك سواء كان كلامك صدق او كذب
والي بيتحمل مردود أي حاجة صحية او غير صحية هو نحن
عشان كذا لازم نكون شجعان
انتي شجاعة لأنك قلتي وزنك الحقيقي
وشجاعة كمان لأن اعترفتي بخطئك
بس بالنهاية لازم تعرفي انه صحتك هي الاهم
واذا تتغيري لازم يكون عشان نفسك مش عشان أي حد
روحي عند طبيب يساعدك اذا ممكن
او اذا احد والديك معك او جروب صديقات يساندوك
انا زمان كنت مشتركة بجروب واتساب زي كذا
يشجعوا بعض ويدعموا بعض
حاليا وراي طفل صغير وبنت تدرس عشان كذا
يلا يلا اتنفس
لكن اذا انتي اخف مسؤلية حاولي تستغليها
وشاركينا أي حاجة ايجابية او سلبية ونحن بنوقف معاك هنا دائما
وما بتسوفي الأ كل خير ان شاء منا ^^

رد: تسامحوني علي شي بدر مني
 

أولا ثقي بنفسك ثانيا أحبي نفسك ثالثا اسمتعي بحياتك ولا عليك من الأخطاء ولاتعتذرين ولاشيء رابعا كوني أقوى من كذا خامسا لاتكوني ساذجة وطفولية سادسا نمي مهاراتك وتعلمي شيء جديد من الكتب اكثر ٧ طنشي كل شيء سلبي ولاتشتكي وتسألي أشخاص مايعرفوك لأنك أدرى بنفسك
اذا اتبعتي هذي الخطوات صدقيني بتصير حياتك احلى وش رأيك نتفق انا وياك