مجتمع غلاك - ## .. مجاراتي لرد أخوي القارظ .. ##

مجتمع غلاك (https://g-lk.com/vb/index.php)

- الشعر الفصيح والنبطي " يمنع المنقول" (https://g-lk.com/vb/forumdisplay.php?f=60)

- - ## .. مجاراتي لرد أخوي القارظ .. ## (https://g-lk.com/vb/showthread.php?t=7290)

## .. مجاراتي لرد أخوي القارظ .. ##

في أحد ردوده الجميلة والتي أعجبني ما قيل
من شعر بالرد من شاعرنا القارظ .

قال الشاعر القارظ :
صح إلسانه

مسكين من ملفاه شلة .... بزارين
هذا يكويه بهرج وهذاك ... بالنار

هذا عقوق وذاك راس الشياطين
دنيا عجيبة كلها شر ...... واشرار

كم ليلة والعين تبكي مع ... العين
صدر ينوح وينشر الجوف منشار

متى يجي سلمان ويسدد الدين
والا يتحرك يدرك الحق ... والثار

الله من قلب شكى الهم .. والبين
هم يلازمني على طول .. واسرار

يا فكرنا يالحرف تاج .. العناوين
وش حيلتي قلي ترى الحال تنهار

نجيبها يالقرم بسيف ... القوانين
والا نتصبر واكسب القول . صبار

الشاعر / القارظ العنزي

فأحببت مجاراته على نفس التفعيلة والبحر .

فقلت :

دنياك يالغالي بها الشين والزين
متناقضه ما بين صادق ومكــار

وانت الحكيم اللي يميّز بالأثنين
بدروبهم يا صاح ما طنّ تحتــار

وان جـاك جاهل ما وزن كلمته زين
خلــّه يروح وما درى العلم وش صار

وارفع مقـامك عن عقول البزارين
الناس نظـرتها مقـاييس وعيـار

بعض المسـائل ما تجـي كود باللين
والكـلمـه الذّربــه لها ألف مقـدار

ياما من العشـاق ذاق الأمرين
واليــوم راحت بالحكـايات تذكار

والله يعـينه من فقـد ناس غالين
تبكي عيـونه والحـزن بالحشا نار

وان كان خلّـك حافـظ ٍ للعنـاوين
ما ظنـّـتي يبخـل عليكم بالأخبار

والصـّـبر طيب لو مضى وقت وسنين
لا بـدّ ما تفـرج على كلّ محتـار

وسلامتكم الجميع

فكر الحرف