مجتمع غلاك - علم النفس

مجتمع غلاك (https://www.g-lk.com/vb/index.php)

- قسم النقاش (https://www.g-lk.com/vb/forumdisplay.php?f=44)

- - علم النفس (https://www.g-lk.com/vb/showthread.php?t=30259)

علم النفس

في فن علم النفس وانماط الحياه
مصيبتك طلّع وراها فايده ..
لاينتثر فكرك على كذا اتجاه
الخصخصه فن العقول الرايده ..
وان ساد من حولك شعور الاشتباه
خذ لشعورك منطقه محايده ..
الثقه سقف العقل والناقص ذكاه
من حسسك بأن فيه حاجه زايده ..
والابداع؟ماهو لعب شد الانتباه
على حساب الغاء فكره سايده ..
والضيق ضيق الافق واكظام الشفاه
وفهم الحياه على انها مزايده ..
افضل وسيله للسعاده والنجاه
سهله على الراغب ولا هي كايده ..
توحد الله صدق وتقيم الصلاه
وجعل الفواحش عن حدودك نايده ..
وتكف يدك وتحمد الله على الغناه
وتخشّر هنودك معك في المايده ..
ولاتخاوي لاشيوخ ولا رعاه
خاو اصدقا تفكيرك وفرايده ..
والشيخ من تواضعه يسبق عطاه
يتعودون الناس من عوايده ..
والحب ذروة كل شي ومنتهاه
ومحلا من وضوحه سوى مكايده ..
يبكي الرجال ويبحّث خفاه
ويعلمه شرح الحظوظ الباديه ..
واللي يحب احد(ن) ماهو في مستواه
يبطي وعينه بالمدامع جايده ..
ياوجد حال الشاعر ويا امه واباه
وجود من هاوش لأخوه وصايده ..
اللي اتمنى اعيش واتوفى معاه
حتى فعيده ماقدرت اعايده ..
الحزن طاقه للدعاة وللطغاه
وانا طلعت من الجروح بفايده ..
ان لم تزد شيئا ً على هذه الحياه
فتأكد انت حاجه زايده

لـ سعد علوش:826:

رد: علم النفس

{ أمل }
اهنيك ع الذوق
إبداع في الطرح وروعة في الإنتقاء
جهد تشكرين عليه
دمتِ بخير

رد: علم النفس

سلمتِ ع النقل الجميل
ويعطيك العافية يارب

~

رد: علم النفس

الحزن طاقه للدعاة وللطغاه
وانا طلعت من الجروح بفايده ..
ان لم تزد شيئا ً على هذه الحياه
فتأكد انت حاجه زايده

علوش يعجبك انه فلسفه
ويفرق بين القصاد والشاعر
علوش فيلسوف

أمل
بالتأكيد هذا ملعبك مافيه كلام

دمت بصحة وعافيه

رد: علم النفس

عازف الناي
منوور حضورك اضافة لذائقة

..
رانيا حياك مراقبتنا الجميلة

..
عاقل المجانين
الفلسفة متفقين عليها
لكن ابن علوش كاتب يتقن موسيقى النصوص
لكن لا اراه شاعر
وكذلك البدر
احسهم كتّاب اكثر من كونهم شعراء
الفلسفة تلقا بيها ماتريد ولا

رد: علم النفس

اقتباس:

المشاركة الأصلية كتبت بواسطة أمل (المشاركة 1278685)

اهلا أمل
جميل رأيك لاني انحزت له طويلا
لكن عندما توقف عند قول ابن خلدون ان المتنبي لن يكن يعد مايقوله شعرا في زمانه والتنبيه اليوم أشعر العرب وحامل لواء الشعر

اتأكد أن رأينا في البدر انحياز لقالب الشعر مو للصورة والاحساس فيها وبهذا نسمي قصاد شاعر لكن نخرج قامة مثل بدر من الشعر ولا ..؟

دمت

رد: علم النفس

البدر رحمه الله
شاعر في القصيدة المعتادة
وزن قافية
تصوير عمق النص وحضور الفكرة
لكن كـ اخر نص اقتبسته بمدونتي
هل نقول عنه شعر
هو كاتب اولاً وشاعر ثانياً
له نمط جديد في الشعر الحداثي
تراي حتى نزار ماشوفه شاعر
مغازلجي يتقن وصف الحالة :666:

رد: علم النفس

،.

ما شاء الله
أبيات عميقه
دائماً سعد علّوش مختلف بأسلوبه وإحساسه
صح لسانه
وصحّ ذوقك الرّاقي الرّائع
أمل
:399:

رد: علم النفس

لاينتثر فكرك على كذا اتجاه
الخصخصه فن العقول الرايده ..
وان ساد من حولك شعور الاشتباه
خذ لشعورك منطقه محايده ..

الله ع سعد علوش وع شعره
اسلوبه وراه معنى عميق وصدق واضح
صح لسانه وسلم لنا نقلك الرائع
ودي لك :10: