مجتمع غلاك - ✨ازاي تخشع في الصلاة وتبطل سرحـان:-

مجتمع غلاك (https://g-lk.com/vb/index.php)

- القسم الإسلامي (https://g-lk.com/vb/forumdisplay.php?f=6)

- - ✨ازاي تخشع في الصلاة وتبطل سرحـان:- (https://g-lk.com/vb/showthread.php?t=22504)

✨ازاي تخشع في الصلاة وتبطل سرحـان:-

‏1_ قبل مـا تخشع في الصلاة ؛ لازم تخشع في الوضوء
وأنت بتتوضي ؛ اتوضي بنية ان ذنوبك تقع من عليك ! وبعد مَـا تخلص وضوء قول اللهم اجعلني من التوابين النقيين المتطهرين..
‏2 _ البس هدوم نضيفة ورش السجادة ريحة طيبه ومسك عشـان تصلي مرتاح وصلي في مكان هادي ميكونش فيه صوت وزعيق او اي حـاجه ممكن تشتتك عن تركيزك في الصلاة‏..
3_ قبل مَ تبدأ ف الصلاة فيه دعاء بتقوله "اللهم انى اعوذ بـالله من الشيطـان الرجيم من همزه ومن نفخه ومن نفثه" واللهم بـاعد بيني وبين ذنوبي كما بـاعدت بين المشرق والمغرب..
‏4 _ لما بتقول "الرحمن الرحيم" ربنـا بيرد عليك ويقول "أثنى علي عبدي"
ولما تقرأ الفاتحة متتسرعش لأن ربنـا بيرد عليك ، لمـا بتقول "اهدنا الصراط المستقيم صراط الذين أنعمت عليهم غير المغضوب عليهم ولا الضـالين" ؛ بيرد "هذا بيني وبين عبدي ولعبدي ما سـأل يعني ربنـا بيرد عليك و بيستجيب ليك..
‏5 _ تخيل النار على يسـارك والجنة على يمينك وملك الموت وراك !
والرسول صلى الله عليه وسلم يتـأملك.
لمـا بتيجي تركع ؛ الركوع ده تعظيم لربنـا فَـ اركع بخشوع وخلي قلبك حـاسس بالحركة دي ومتنسـاش تطَول في الركوع لأن ذنوبك بتقع طول ما انت راكع..
‏6 _ لازم تجدد حفظ السور اللي بتقرأهـا بعد الفاتحه عشان تركز ومَتسرحش وانت بتقرأ
ادعي في كل سجدة دعاء مختلف ؛ مرة لأهلك ومرة لنفسك ومرة للآخرة ومرة لصحـابك وهكذا ومتنسـاش تطول في السجود عشان ذنوبك بتقع طول مَ انت سـاجد !
جزانـا الله وإيـاكم الجنه💙🌱"".