سواليف قروشه
 

رد: سواليف قروشه
 

رد: سواليف قروشه
 

الله الله والجمااال أجمل منن يفتح مدونة ..
من ردك ف موضوع ثغرات وانا متشوقة اقرأ أحرفك والله ..!
مبارك افتتاح مدونتك وان شاءالله مسنترة عندك..!


^
انتي اللي جملتيها بمرورك :86:
ربي يبارك فيك و يسعد هالطلة :lo2:
نورتيني :ff1 (27):


الف مبروك افتتاح المدونه / وما شاء الله عليك ..سوالفك حلوه
اسلوبك جميل في السوالف وممتع ..فنطالبك بالاستمرار وعدم هجر هذي المدونه ..
قليل الي لهم نفس اسلوبك ..طريقه ممتعه وتوسع الصدر/
وارجوا اني نلت شرف اول من قيم هذه المدونه

^

الله يبارك بعمرك لا والله سبقتك سمو :08:
المهم هو مرورك من هنا ونورك :526:
ابشر مع اني عارفة نفسي انساها مااطل عليها كثير:169:
نورتني


يوووه افتكرت بنات احد المنتديات كيف كنامع بعضض مررررة
وفرقتنا الحياة تباً أفهمم شعوورك وشكلك عديتيني الآن بالحالة..!

^
ايه والله تباً لهالشعور وهالحياة بكبرها:60:
جاتني الصيحة:60:

رد: سواليف قروشه
 

اتمنى مايجيني حظر ماشي 200 :54::54:
العنوان شبهه ادري بس والله الموضوع جد :ff1 (140)::ff1 (140):

يلا دشوووا
http://g-lk.com/vb/showthread.php?p=92117#post92117

رد: سواليف قروشه
 

up
نطي فوق

لقيت مدونتي في اخر صفحات هذا القسم
رجاءا بشويش عليها لاتخلونها بعيد :1433::1433::1433::1433:

رد: سواليف قروشه
 

هلوو
سلام عليكم
صبحهم بالخير يارب
كثير جاتني تعليقات على كلامي في اسئلة ورطة
عن اهداء قلبي اللي قلت مااهديه لاحد لأنه راح اهدي مرض وتعب وشقاء
اول شي انا اشكر كل من دعاء لي واللي سأل:10:
بختصار انا ولدت بعيب خلقي بالقلب
وانا صغيرة ركبت جهاز تنظيم النبض بس كل ماكبرت
كبر التعب معي لين ضعفت عضله القلب
وهالشي يسبب ضيق حاد بالتنفس وتورم بالوجه وضعف عام واحيانا اغماء
ولأني انسانه حركية احب الحياة حياتي طلعات ومشي
وملاهي مع البنات ومطاعم وقهاوي
هالاشياء كلها تأثر علي بشكل سلبي
عشان كذا صحتي مندمره وتلاقوني متكيه بالمستشفى كل فتره وفتره:ff1 (7):

وبس والله

رد: سواليف قروشه
 

صباح الخير
البارح قررنا نطلع للشمال
وياعيني على سفر السيارة فالليل
من زماااااان عنها
بس صدق صدق المسافه من جده للحفر ماتمزح
تناوبنا على السواقه انا وطويل العمر:125:
( هو يمشي 400 وانا 30 بالكثير
هو يمشي 160 180 وانا امشي 100 :ff1 (140)::ff1 (140):
ياررربي صدق الله يعينكم مااتحملت احس ظهري ينقسم نصين:r-q-7:
المهم وع الفجريه جاء ع بالي انام وانا اللي مستحيل قبل الصبح
نطيت ورى ونمت طبعا مجهزه ورى مفرش ومخده وبطانيه
ورغم ان نومي خفيف صحيت قبل شوي مروقه بس
المشكله جسمي يبغاله طقطقه ورقبتي مايله يبغالها تعديل:ff1 (140)::ff1 (140):
اما ابونواف اظنه خارج التغطيه بس صامل على المواصله:ff1 (140)::ff1 (140):

رد: سواليف قروشه
 

سلامه الاسفار .. والله ي هو مشوار الله يعينكم
> 100 وساكت لو انا مكانه نزلتك ع طول هههه

^
الله يسلمك هههههههه احنا مانشتط الا بعد التعب
والا بدايه المشوار قهوه وحلا وسوالف ومانتعدى محطه الا واقفين عندها
وبعد التعب والتمغط نبدا بالجد :54:



درب السلامة ياارب
..هههههه يوه عاد السواقة يقولوا متعبة
ودحين عرفت كيف سلامتك والله ماتشوفي شر يارب..
^
الله يسلمك يارب
اشردي عنها ماوراها الا كسر الظهر صدقيني
حلاتها تسوقين لين البقاله وترجعين
والا تلعبون فيها بالبر:54:


الحمدلله على سسلامتكم

^
الله يسلمك ويسعدك:86:

رد: سواليف قروشه
 

صباح الخير
ماعرفتني وانا داخله هالحزه
بس وعوه وش ذا الاجواء المخيسه للصبح:542:
انتم وشلون متحملين هالحال ؟ وفوقها دوام وشغل وكرف لين عز الظهر:23:
انا فيني حلطمه لليل من هذك الكائن اللي يقولون اسمه ابونواف:r-q-7:
يااخي انا اعاني من عنف نفسي بس ساكته ومتحمله عشان عويناته الحلوه بس:r-q-7:
مصرر ياخذني معه للمقناص يقول عازمني على كبسه قماري وسمان اكل اصابعي وراها
صح الجو حلو برا ومافي حر بس انا كائن ليلي مااحب النهار لو يصب مطر :542:
المهم تو خلصت تنتيف الريش بس ماقدرت اقطع رووسها:r-q-7:
دعواتكم بالفرج نهارنا طويل تو يشب النار بخاطره قهوه وشاهي ع الفحم > تربط راسها بطرحتها

رد: سواليف قروشه
 

صباح البرد
الاجواء شتويه بإمتياز في حايل
لدرجه البارح اشتريت فروه :67:
والحين درجة الحراره 17
المهم الخطه كنت معزومه على كبده وكرك:542:
وبعدها بنطارد السحب و الامطار
بس ماااش ماااش الربو عامل عمايله فيني من امس
دعواتكم

رد: سواليف قروشه
 

مساء المطر والغيم
انا اشكركم كل الشكر على الدعوات الحلوه
الله يسلمكم ويسعدكم جميع
واشكر كل اللي فقدني وسأل عني برساله
ماتفقدون غالي يارب
الحمدلله انا تمام احسن بكثير من اليومين اللي راحوا
بعدين وش ذا الزين لفتتني مواضيع حلوه ودورات وحركات
بس النوم الفففف بالقوه اقاومه بنتظر صلاة العشاء وانااام
ورانا رجعه لجده من صباح ربي

رد: سواليف قروشه
 

هل من بائعا للنوم ياقوووم ؟
انا نوم الليل مايواطني لو كنت بعز ارهاقي
عكس نوم النهار حتى مخي اللي ذابحه التفكير ينام مرتاح

رد: سواليف قروشه
 

صباحكم هملالي :08:

رد: سواليف قروشه
 

ياجماعه انا متأزمة نفسيا مع نواف
وحرفياً قاع اصيح معه
هو متعود على بيت اهلي وعميمه
والعايله كلها طلعت حايل اليوم

المغرب براضيه اقوله تبي ملاهي والا العاب جديده
قال ابي الربيع :54:> فاهم غلط:54:

رد: سواليف قروشه
 

مساءكم مو ويكند لالا اكبر من الويكند:ff1 (190):
من امس وانا احوس واجهز للسفر
الخطه نمشي الساعه 12
وترانزيت ينبع لليوم الثاني ف الليل:ff1 (190):
ثم ترانزيت تبوك يومين:ff1 (190):
ومنها لحايل:ff1 (190):
طوال الاسبوع اشوف اهلي واعمامي يجهزون المخيمات
وانا منسدحه فالصاله اهش الذبان واتهاوش مع نواف
واخيراً جات الاجازة وبنطلع الديره:88:


استودعكم الله :wegfrh:

رد: سواليف قروشه
 

صباح الخير
يه يه شنو هالتقييمات الحلوه
الله يسعدكم ويسلمكم يارب
وكثروا لي من هالدعوات الطيبه
الصحه ماااش لكم عليها:ff1 (169):

@سمو المجد
يازين ينبع واهل ينبع
قضينا فيها احلى يوم كله يمطر
>اعترفوا اني وجه خير عليكم :ff1 (50):


@الحر الأشقر
هذي الكلمه ولا شي هههههه
ابوي متعصب للبداوه قولا وفعلا
وابشر لو شفته وذكرت بوصله حبتك > احس تجوزون لبعض:54:

رد: سواليف قروشه
 

صباح الخير
كيفكم وكيف اجواءكم ؟ كلكم منتعشين بالبراد صح ؟ هههه
بس انا صايره مثل الجده اللي بكل كشته تكون بزاوية الجلسه
ويحرصون عليها ويهتمون فيها ويدفونها زين عن البرد :54::54:
لكن الحمدلله من امس صايره تمام ومصحصه
وبديت اعيش جو البر والمكشات والانطلاقه الحقيقيه اليوم:ff1 (227):

رد: سواليف قروشه
 

صباح الخير
من الساعة 4 قاعده ارتب الموضوع اللي بنزله
رتبت الصور وكتبت سوالفي بس احترت بالعنوان
مخي تقفل وجلست اطالعه المسكين
لين قررت اسميه ( قروشه والديره )
ومن اعتمدته طلعني المنتدى برا:scorn:
المهم طنقرت وكنسلته:eferhews:

رد: سواليف قروشه
 

مساء الخير
عندي موعد من البارح جايب لي مغص
مو خوف منه او وش بيصير فيه
لا من الاستشاري اللي بقابله ونفسه الخايسه
دفش وينتف نتف يخليك تتمنى محد معك من الفشله
بس الحمدلله ماقابلته قالوا بكرا بعد ماتكتمل فحوصاتك

المهم حولوني للتنويم وانا قاعده بأمان الله الا عامل النظافه داخل الغرفه
انصدمت من متى العمال يدخلون عندنا !
ولا معلمينهم الادب عين تنظف فالارض وعين يقز فيني
استنكرت الوضع الغريب علي ومن الطنقره
اخذ قاروره الماء وارميها عليه ماابيها تضربه بس بخوفه
جات في وجهه ويضيق خاطري فوق ضيقته

وتجي عامله هنديه تهاوش مدري وش تقول
بس واضح انها معصبه حيل
سكت قلت خليها تاخذ حق المسكين اللي ضربته
بس زودتها ماباقي غير تمد يدها
طالعت حولي مافي شي ارميها فيه الا كرتون مناديل وارميها
بس ركزت انه يجي من جنبها
قالت مجنونه مجنونه وهجت

يازين مستشفياتنا الحكوميه ثقة وراحه واحترام
بس مع ازمة كورونا اضطريت اتابع فالخاص
واغلب المستشفيات الخاصه الى الطريق المنحدر
قبل كذا اللي سوالي تخطيط القلب ممرض اصغر مني كان مو كبري
ماادري كل هذا قله في العنصر النسائي او ياهمي تطور

يلا عن اذنكم بلبس عبايتي ونقابي وارقد ..

رد: سواليف قروشه
 

ياجماعه عندي حافظه طعام صغيره
كل ماطاحت عيني عليها فطست ضحك :54:
ماادري سالفتها تستاهل كل هالضحك
والا انا فاصله من السهر وقله النوم:54:
المهم اليوم بدري ع الساعه 10 جابها ابونواف
يقول سويت لك كبسه زغاليل تأكلين اصابعك وراها:54:
الرومانسيه عنده تصيح بالزاويه:54::54:


كل اللي دعوا لي بالتقييم الله يسلمكم يارب
ولايجيكم بآس:1g21::1g21:

رد: سواليف قروشه
 

صباحكم 2021
الحمدلله على سلامة الوصول ياحلوين:ff1 (112):
يارب تكون سنة خفيفة لطيفة ظريفة علينا وعليكم
امي لازالت منخرشه من الاحداث والاخبار السيئه اللي تتابعها
كل ماجبنا طاري السنة الجديدة قالت
يالله انك تخارجنا منها وتكفينا تواليها:ff1 (140)::ff1 (140):

رد: سواليف قروشه
 

السلام عليكم
شلونكم شخباركم؟
من زمااان عنكم ي خي
وش مسوين مع البرد ؟
زرقت رجولكم والا مازرقت :ff1 (140):
الاسبوع اللي راح نزل ثلج قوي
ومن الفرحه ابوي واعمامي قلبوها دحه الساعه 2 ف الليل في راس علقان:54:
لبست فروتين يالله امشي منها وماحسيت بالبرد
بس تجمدت رجولي ويديني واول مرا اصدق عميمه يوم تقول رجولي زرقت < دلاله على قوة البرد :m196:
اما وجهي ماحسيت فيه ابد غير بالاخير يوم بغى ينقطع:54:
صدق والله انشد بشكل غريب وخشمي راح كنه خشم مهرج:r-q-7:
جلست يوم كامل اغسله بماء دافي خفت يجيني ابووجه زي بنت عمي :r-q-7:

رد: سواليف قروشه
 

صباح الخير ياعرب
امس الصبح الحمدلله ياااارب نمت نومه عنيفه بعد معاناة لايام مع القلق والارق والله قالوها لازان نومك زان يومك صحيت المغرب رايقة ومغير اتبوسم ورجعت اخذت غفوه ف الليل وصحيت
وتقهويت ومخمخت وبراسي سوالف بس مدري القى اللي صاحي بهالوقت:ff1 (230):



المهم قبل يومين جاء غبار قوي بجدة وعميمه دايما تقول الغبار يايجيب حشرات يايشيلها
وصدق والله المغرب لعبت مع نواف بالحوش ودخلنا
وانا اسولف مع البنات بالجوال اشوف في ظهره هذا الجندب الاسود المزعج وادق الخادمه جنبي ابيها تشوف وتتصرف قبل يطير علينا كان تصرخ وتنحاش وانا انحاش وراها ونواف جاء داعس ورانا:ff1 (140):
قفلنا الباب عنه وجلس يصيح ياعمري
قلت له ارجع الصاله وانا بجي الحين وطلعت بشويش بطالع للصرصور لقيته جنب الطاوله
وجبت سطل مويه وحطيته فوقه ورجعنا للصالة:stripy:
غفلت عن نواف وشال السطل وجلس الصرصور يطير
هنا وهناك واعلنت حاله الاستنفار
دقيت ع ابونواف وكان مشغول قال اقطع شغلي عشان صرصور! :582:
ودقيت ع امي وهي بالديره وهاوشتني قالت والله لو قريبه لحطه بظهرك :eferhews:
حاولت بالخدامه خايفه:619:
قلت مالي غير نواف ناظرته وعطيته الشبشب قلت ان كبير مثل بابا روح اذبحه قال لا انا صغير شوفي وقام يمتر نفسه
قلت انت ذيب تخوفه قال كذبه انا ورع:ff1 (140):
قلت انت ورع بطل يذبحه ويرميه برا
نفخ نفسه وطلع قلت يارب مايكون هياط:ff1 (140):
طول وكل شوي اكلمه وش سوا ويقولي صبر صبر:ff1 (140):
فالاخير دخل علينا وهو شايله بيده
صرخت عليه بفهمه انو غلط انخرش ورماه وقام يطير
وسرى الليل وحنا ماسرينا:1_rateform:


للان مقفلة عليه بالمجلس مدري متى احد يطلعه:65:

رد: سواليف قروشه
 

التعليقات:54::54:

والله اني قوية بس بعيد عن الحشرات والزواحف والا باقي الكائنات مقدور عليها
حتى الصبح رحت استراحتنا برا جده فيها حيوانات كثيره كلمن اشترى شي حطها فيها
المهم اول مادخلت جاء كلب اخوي مسسسرع
عرفت انه مهايطي مثل صاحبه
رميته بحجر وقلت له هيه ترامب انقلع مكانك
بنفس سرعته لف ورجع مكانه:54:

اما نواف هالبزر مو بسيط ترا
مرا دخل علي وهو لابس قميص ومنكس الطاقيه قال جوعان ابي اكل صحي
قلت له شنو اكل صحي ؟ قال رز ودجاج وحمضيات:54::54:
قلت له مين اشترى لك الثوب والطاقيه قال خالوو
خربه اخوي:scorn:

رد: سواليف قروشه
 

كلن بأسمه :
مبارك عليكم الشهر
وش مسوين مع رمضان
انا مااااش من ليله رمضان وانا معي صداع غرررريب وماينتحمل ابدا
لدرجة افطرت اول يوم من قوته
والله شي يهول على كثر ماشفت وتعرضت في حياتي ماشفت مثل هالالم
يخوووف لدرجة اني للان اجلس اتحسس راسي اشوف في هذاك النبض والا لا
خاصة انو لليوم احس بثقل وعدم راحة فيه:ff1 (69):

رد: سواليف قروشه
 

المعتفس
طقاقه
النور

^
الله يسلمكم من كل الشر:10ل0:

ام عنبر الف سلامه عليك :lo2:
قطيعه يالفيتامينات تحوس الصحه حوس
عاد الدكتور قالي اول شي سوي فحص كورونا
رغم اني اخذه اللقاح بس مدري لوين بنوصل:ff1 (69):

رد: سواليف قروشه
 

صباح الخير
كيفكم وش اخباركم
رانيا & ابن الهثيم الله يعافيكم يارب
انا بخير الحمدلله واخيرا صحصحنا وتنفسنا العافيه
حتى امس من باب التشجيع على الصحصه ابونواف عطاني سيارته
قالي روحي المول وغيري جو
المهم رحت ولأول مرا اسوق لوحدي داخل جده غالبا اسوق
على الخطوط السريعة والطويله لان مافيها زحمه وحوسه
والمرات القليله اللي بداخل جده يكون معي مرافق
بس المشكله وقفت السياره ومن خلصت وطلعت
المواقف مليااااااااانه والسيارات فوق بعض وماعرفت مكانها
دورت مني مناك ابد المواقف كبييييره ومزدحمه
ف رجعت دقيت له وقلت السياره ضاعت:54:
والله فيني طبع خايس بس موبيدي تغييره
مااخذ في بالي انا وين وقفت مثلا او اسم المحل اللي دخلته
ف وقفت السياره وماطالعت لرقم المواقف او المسار او علامه تكون جنبه
حتى البوابه اللي دخلت منها ماطالعت هي رقم كم
ف طلعت السياره شرق وانا غرب:54:

رد: سواليف قروشه
 

اذا توفى شخص على انسان عزيز عليك كيف توقف معه؟
انا مقهووووره مااعرف اواسي احد
صديقتي امها توفت وطول الوقت وانا اصيح معها
قلبي يعورني عليها
احس لازم اقول شي بس مدري وش اقول