|
الله يعطيكم العافية ابي شوركم في مشروع
السلام عليكم
بالله يا اخوان انا معي مبلغ مالي وابي استثمره يعني افتح محل او اي شغله استرزق منها وابي اقتراحاتكم وابي ناس مجربة وخبرة في التجارة المبلغ سبعين الف وش يسوون مشروع تجاري |
رد: الله يعطيكم العافية ابي شوركم في مشروع
حلو معك سبعين الف
افتحي كشك وجابي معلم للشاهي والقهوة وباذن مايطوف ثلاثة أشهر للان انتي جايبه المبلغ واكثر |
رد: الله يعطيكم العافية ابي شوركم في مشروع
اسعد الله مساك
ماعندي اي فكره .. فقط أشوف مشروع الأسر المنتجه هو اللي ماشي هالفتره افضل الادخار .. :460: وتمنيات لك بالتوفيق :162: |
رد: الله يعطيكم العافية ابي شوركم في مشروع
:)
صراحة ! مدري وش أقول احس لا سمح الله انك راح تندم أو تندمين بعدين !! لان الاستشارة اصلا غلط في غلط :1222: اعذرني أو اعذريني تعبت اكتب للجنسين وبعتبر انك شاب يافع وبكلمك ع انك ولد :) شف ي الحبيب الغالي أولآ ليش اعتبر ان كلامك غلط لان كل واحد بيمدح السوق اللي ربح فيه !! يعني لو رحت لهامور اسهم بيقول لا تتاجر ف غير الاسهم وهذي لعبتي وسو وافعل واترك و و و و وفي النهاية يوهقك لا سمح الله :) ولو استشرت راعي اراضي قال بس بسيطة اشتر ارض وسنة أو سنتين وتطق سعرها دبل :( والله اعلم وش يصير فيك !! حبيبي بصراحة انت اجلس مع نفسك وشف وش انك قادر تشتغل بنفسك أو تشرف عليه وتقوم ع مشروعك بنفسك ومنها تفهم الشغلة حتى ولو جبت لك عمال وتكتسب خبرة مع الايام يعني شفت احد الاقتراحات اسر منتجة واقول الفكرة حلوة بس لها شروطها أو شروط نجاحها - الموقع - تتفق مع أسر يوفرون طلبات اول بأول وشغلهم حلو - عندك المقدرة تفتح من بعد الظهر الى الساعة 12 ف الليل والاهم المكان !! والله يرزقنا واياك من واسع فضله اعذرني لو قسيت عليك شوي بس الافضل عندي انك ما تندم لا سمح وتروح عليك المبالغ في الفاضي والله يرزقك ويسهل أمرك يارب موفق ي الحبيب :رحيق: |
رد: الله يعطيكم العافية ابي شوركم في مشروع
وعليكم السلام
ماعندي اي خبرة والله في هالشئ لكن حبيت اقول الله يبارك لك في مالك وان شاء الله تفتح \ين مشروع موفق \ة :55: ان شاء الله تحصل \ين الآجابات |
رد: الله يعطيكم العافية ابي شوركم في مشروع
اقتباس:
انا ما افهم كثير في ذي الشغلات لكن اظن انو نقطة مهمة كمان يخليها في الحسبان انه مايدخل بكامل المبلغ في اي مشروع يدخل بجزء منها ويحط احتمالية الخسارة والربح في اول سنة ~ |
رد: الله يعطيكم العافية ابي شوركم في مشروع
- وعليكم السلام , بتسمع وبتشوف اقتراحات كثير , لكن نصيحتي عليك بـ مكاتب التطوير العقاري حالياً ترند بالسوق هالمجال شف لك مؤسسة أو مكتب ( موثوق ) وأستثمر مبلغك وبيرجع لك بأرباح الخساره بهالمجال تقدر تقول شبه معدومه لكنه استثمار مردوده غالباً على مدى بعيد شوي ( من 4 - 6 أشهر ) وبالتوفيق يارب :1222: |
رد: الله يعطيكم العافية ابي شوركم في مشروع
والله شوفّ مشروعي القادم عن نفسي باذن الله
استقدم خياطه للأمانه هالمشروع ماشي بشكلّ ف ممكن انت تشوفلك خياطه استقدام اومصممه شي كذا لانه راح تفيد الاطفال والنساء وبالتوفيقّ |
رد: الله يعطيكم العافية ابي شوركم في مشروع
' الله يبارك لك في فلوسك ويوفقك المبلغ يعتبر بسيط تقريبا 5الاف كويتي تقدر تشتغل فيه وتبدأ في البيت مثلا او تتشارك ويا احد في شي انت تحبه وتبدع فيه حلات المشروع اذا بتفتح يكون شي انت تحب تشتغل فيه عشان تقدر تستثمر وتشتغل صح لين يكبر وياك الدخل وتفتح عاد محل ومحلات بالتوفيق :1201: |
رد: الله يعطيكم العافية ابي شوركم في مشروع
اشتري لك سبيكة ذهب 100 جرام ، وقت ماينزل أسعار الذهب
تربح منها مبلغ ينعنشك ، وغير كذا المخاطر قليلة ، وخصوصاً لو كنت مطلع على السوق وفاهم الوضع وعندك علاقات كويسة مع محلات الذهب ، وترى جربت التجارة بالذهب في اشياء بسيطة وكان الربح قليل ولا يكاد يُذكر لكن سبيكة الذهب ربحها يستاهل ، المهم إنك تتاجر بنفسك ، لا تخلي أحد يتاجر بفلوسك وقبل لا تقرر ، حاول تسأل كثير في المجال اللي حاب تدخل فيه ، وجرب في الاشياء اللي ربحها مضمون وخسارتها قليلة ربي يبارك لك في مالك ويرزقنا ويرزقك من واسع فضله . موفق يارب . |
رد: الله يعطيكم العافية ابي شوركم في مشروع
،’
للامانــهه شفت راي الاغلبيــةة سر المحبـهه و cLaudio و This Aziz أحسس هذول قريبن من افكــار , قبل لا تخطي اي خطوه كون مستعد نفسيـا هذي الفلوس يا فيها خساره و يا ربح بس كبدايـهه طبعا راح تواجه خساير كبيره ,, مثل قال الاغلبيـةة لا تحط كل مبلغ , و نكمل ثانيـــا ’ شوف مجال انت تميل له و تححبهه حتى تقدر تفكر عدل و تقدر تبدع فيـهه , و ثالثا ’ و شوف بشكل عام الناس هل هالشس متوفر .؟ و لا راح يكون فيه اقبـال ولا . ؟ رابعا , المكان الي راح تسويي فيه يحتاج دعم ضروريي حتى تقدر تمشي اموررك و ين راح تفتح في انستا و لا محل , و الاخيير , بعد هذا كله لازم تكلم شخص عنده خبره و عارف لسوق زين ما زين ’ احس وايد تكلمتت , :289: و بالتوفييق |
رد: الله يعطيكم العافية ابي شوركم في مشروع
مغسلة سيارات
ماذكر في مغسله خسرانه ابد نفرض تغسيل 10 سيارات باليوم الواحد السيارة الوحده ب 30 ريال 10x30= 300 ريال لليوم الواحد 300 ريال ضرب 30 يوم ايام الشهر يطلع ب 9000 ريال اضرب 9000 في شهور السنه 12 يطلع ب 108000 ريال في ظرف سنه طلع راس المال مع المكسب ولاتنسي انا قلت 10 سيارات باليوم الواحد ممكن اكثر ممكن توصل الي 20 وكل مازاد عدد السيارات زاد المكسب ، الاهم اختيار الموقع المناسب للمغسله ، وتقدري تتميزي بوضع شغله مختلفه بحيث يكون الماء المستخدم للغسيل " مياه تحليه" تحافظ على بودي السياره < كل الشباب بيجون عندك حفاظاً ع سياراتهم ! :198: |
رد: الله يعطيكم العافية ابي شوركم في مشروع
عطني ال70 الف استثمرها لك ، ارتاح وخل الشقى علينا لبى قلبك .
|
رد: الله يعطيكم العافية ابي شوركم في مشروع
العملات الرقميةة
نسبةة المخاطرةة مرتفعة جداً جداً جداً نسبةة الإرباح مرتفعةة جداً جداً أهم شيء … * تدرس مشاريع العملةة * ولا تدخل الا عملات معروفةة وقويةة * أفضل منصةة للتداول بينانس صعبةة الإختراق والقاعدةة الأهم الدخول بجزء بسيط من رأس المال كتجربةة حتى تصبح مضارب محترف بتشوف هالسبعين رقم فلكي بمدة بسيطةة وعـدم البيع نهائياً في حالة الخسارةة حتى يرتد السوق وفقك ربي |
رد: الله يعطيكم العافية ابي شوركم في مشروع
.
بارك الله لك فيما رزقك اول شي اخرج زكاة هذا المال ان لم تقم بذلك من قبل وبيجيك الخير ما نعرف عنك الا ان لديك هذا المبلغ مشروع زواج اووضع اساس بيت ومع الوقت تكمل بناءه هذا اللي اقدر انصحك فيه غير كذا اخشى تكون ضحية لـ اولئك الذين انحرفوا بـ التجارة من مفهومها الصحيح نحو الجشع والاستغلال وانت قليل خبرة ولم تخلق لمثل هذا النشاط اسأل الله ان يرزقنا ويرزقك من واسع فضله .. |
| الساعة الآن 08:06 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~