رد: حكــاية قصيــرة ❥
 

https://k.top4top.io/p_2078d8q4y0.jpg



و انا اتصفح المفكرة في جوالي..
لقيت هذي الرسالة كنت كاتبتها لنفسي قبل سنتين..
و كان عندي هدف لما يصير عمري اربعين اكون متحرره من اي شعور مؤذي
بعد ما جربت كل المشاعر اللي ممكن تتخيلونها في الحياة
و سامحت نفسي و سامحت ظروفي و تصالحت مع الماضي..
فعلاً هدأت روحي كثييير،



حلو تكتب لنفسك رساله، و تقراها في الوقت اللي تحدده
رساله تكون محفزه و متفائلة،، و مليانه مشاعر حب لنفسك
حتى تجذب كل شي جميل لك..

:ff1 (12):

رد: حكــاية قصيــرة ❥
 

زمان كنت احب اقرا في الابراج , و مؤمنة ب ارتباطها بصفات الشخص ,
بس اكيد في عوامل تغير من شخصية الشخص , يعني ممكن صفة البرج ما تطابق الشخص
لانه ممكن تأثر بعوامل اخرى من ظروف شخصية و غيره ,,

و مؤمنه ان شخصياتنا و صفاتنا لها علاقة بالكواكب و الفلك ,,
لان ارواحنا جزء من السماء ,, و جزء من الارض بعد ,,
تقولون لي كيف ! <- بدينا الهلوسه خخخ

شخصيتنا لها علاقه بالورد , كما لها علاقة بالاحجار الكريمه <- نتكلم فيه بعدين خلونا في الورد :ff1 (137):

اللي اثار هذا التفكير , موقع طلعت لي دعايته يسوي سلاسل بزهرة شهر ميلادك ..
رحت ابحث عن هذا الموضوع ,, و لقيت كلام يناسب مزاجي <- ي ليل الليل :98:

بوريكم زهرتي

اسمها : زنبق الوادي
اسمها العلمي هو Convallaria majalis.

هي زهرة الاول من شهر مايو , و يقال انها ترمز للحظ و السعادة
ممكن لانها من الازهار المعمرة ..!
بس اللي استغربته انها زهرة سامة , متناقضه لحد كبير , لذلك حسيتها قريبه من شخصيتي :n1:
و لازم تكون صبور عليها لانها ما تزهر بسرعه ,, تاخذ سنوات حتى تزهر ..
و تنمو بشكل افضل في اماكن الظل ,,


https://l.top4top.io/p_2079svxf21.jpg

https://www.magltk.com/wp-content/up...8%AF%D9%8A.jpg


و هنا يتكلمون عن الزهرة ك برج :



زنبق الوادي حساس وهش. يمكن الخلط بين الحاسم في حد ذاته إذا كان حازما. نادراً ما يكون هؤلاء الأشخاص قادرين على الدفاع عن أنفسهم ، وغالبًا ما يكونون حزينين. هؤلاء أناس متواضعون وخجولون ، وغالبًا ما يكون لهم صوت هادئ ومظهر رائع.
غالبًا ما تصبح الزنابق في الوادي معلمين ودعاة - وهم قادرون على نقل خبرتهم ومعرفتهم. الاجتهاد هو السمة المميزة لهذا الشخص.
زنبق الوادي هو رجل عائلة حقيقي يجد الدعم والحماية والاستقرار في أقربائه. تحب زنابق الوادي أطفالها كثيراً ، وتحميهم لفترة طويلة ، وهم قلقون للغاية طوال حياتهم.



بس حبينا نتفلسف و نهلوس على روسكم خخخ
اذا عجبكم الموضوع اعطوني تواريخ ميلادكم و اطلع لكم زهراتكم :568:
الدعوة فله و وناسه , و لحسة مخ لحد يدقق :n1:

رد: حكــاية قصيــرة ❥
 

ممتلئة جداً بتفاصيل كثيرة ,
دقيقة جداً و حساسة ,
لا تُثار ,,


لانها ستنسكب دفعة واحدة و لا تستطيع ايقافها ,

رد: حكــاية قصيــرة ❥
 

يختار لنا الله اشكالنا، اسمائنا، و اقدارنا،
يسيرنا كيف يشاء، و نرضى بكل شيء،

و يجب ان ننظر لحياتنا بأنها افضل حياة على الاطلاق..
مهما واجهت، و تعثرت، تغيرت الظروف،،
لابد ان تعود و تستقيم،


و اخلق من التفاصيل العاديه و غير مهمه، شيء مبهر



و صباحكم حب :11:

رد: حكــاية قصيــرة ❥
 

https://l.top4top.io/p_2086t9seq1.png


لبى السرطان اللي متعبني و يسعدني في نفس الوقت ,,
انا وياه ترا حكاية حب عميقة لو تدرين :1115:
بيننا تقبل و مناوشات كثيره ,, بس اكثر شي يتعبني معه مزاجيته العاليه ,,
و الدراما اللي يسويها خخخ <- بنتي سرطان عشان كذا انا حافظتكم :ff1 (127):

يؤ طلعنا عن لب الموضوع :n1:





https://d.top4top.io/p_2086m8piv1.jpg


زهرة شهر يونيو الورد (الاسم العلمي: Rosa)

تدل التواضع واللطف وترمز أيضا للعودة للسعادة مجددا.


..

لها اشكال عديدة , و مواطن كثيرة ,, اي انها بكل مكان تزهر ,,
و هذي شخصية السرطان وين ما تحطه يبدع و يزهر .. و بسبب مزاجيته انت ممكن تشوفه بوجوه كثيره و مختلفة عن بعض ,,
محاط بكثير من المحبين و ايضاً كثير من الحاسدين ..
حساس مررره و ممكن يتأثر بكلام الناس ,, بس لازم يعود نفسه يصير قوي و يواجه الحياة ,,
بس ذكي و يعرف نوايا الناس ,, و هذا اللي ممكن ينقذه من مواقف كثير ..

جميل جداً ,, و ذا رائحة زكية بالتالي بأي مكان يكون موجود فيه يترك اثر ..


اشكالها و الوانها المختلفه

https://b.top4top.io/p_2086uxj4e1.png


هذي وردتك ي @رآنيا

و انا عارفة انك بتحبينها :ff1 (127):



و ترا الموضوع و الكلام اجتهاد شخصي و تأمل في الشخصيات ,,
بالاضافة الى معلومات جالسه اقرا فيها ,, و اقارن بينها و بين اللي اشوفه ..
و اعدل عليها باللي اشوفها مناسب ,,


و بعضاً من الهلوسه :n1:
يعني خذو و خلو :138:



:النور:

رد: حكــاية قصيــرة ❥
 

مريت بمرحلة في حياتي،،
خلتني احب العزله،، احب اجلس لحالي،،
اجلس مع الناس الحين ما القى كلمات،، كأني نسيت كيف اسولف
كيف افكر، و كيف افتح مواضيع،،

صرت اميل للكتابه اكثر من الكلام،،
صح انا مرتاحه في هذا الوضع،، بس احتاج ارجع زي اول،، :n1:


و مع الايام برجع :ff1 (138):