رد: حكــاية قصيــرة ❥
 

الحمدلله و الشكر على نعمة الراحة،،
امس بكل ما تعنيه الكلمة قضيتها في النوم :67:
رجعت من الدوام،، و استرخيت انام و اصحى و اقوم اصلي و ارجع انام
حتى سوالف و جلسة مع الناس مابي
ابي اعوض نقص النوم اللي صار و خرب مزاحي،،

صحيت اليوم الفجر و انا بقمة نشاطي،، سويت كوكيز كالعادة خخخ
و ضبطته بكل حب،، لاني راح استقبل اليوم نوري الحب :ff1 (104):
و اي احد احبه استقبله بالكوكيز،، سواً يحبه و الا ما يحبه مو شغلي انا احبه :ff1 (61):


ذكروني بعدين ما اقلق و لا اسهر :ff1g (12):



و صباحكم رايق..
و يومكم سعيد
:510:

رد: حكــاية قصيــرة ❥
 

حلمي اليوم كله عتاب :ff1 (169):..
رسايل طويلة .. و لوم و عتب ..

على اني نايمة بدري .. بس الحلم كان ثقيل لدرجة اني خلاني اتعب في النوم
صحيت و انا شبعانه تهزيْ خخخ
المشكله كان من اشخاص انا مفروض اعاتبهم ,, بس صار العكس هم يعاتبوني :r-q-7:


يالله ,, الله يجعله خير ..



و صباحكم هادي :ff1 (104):

رد: حكــاية قصيــرة ❥
 

بعد سنه و عشرة شهور، مدري اصمل على هذا القرار او لا :ff1g (12):
اكتب هنا عشان اوثق اللحظه و ارجع له بعد المدة المقررة
هو قرار مصيري و يبيلي افكر الف مره من الان الى ذاك الوقت،،
ما اقول الا الله ينور بصيرتي :ff1 (104):

رد: حكــاية قصيــرة ❥
 

" لن يصيبنا إلا ما كتب الله لنا"


عبارة فيها من الطمأنينة ما يجعل روحك تهدأ،
كل شي حدث لك بأمر الله، و كل شي صرفه الله عنك هو خير لك..

و تصبحون على سعادة
:510:

رد: حكــاية قصيــرة ❥
 

" قبْسٌ مِن نُور "


يسعد صباحكم ,,



نمر في هذي الحياة بمشاعر عده .. منها المحزن و المفرح ..
تجاوبنا مع هذي المشاعر هو اللي يحدد لك اسلوب حياتك ,, و كيف تكمل الحياة و تكون اثرت فيك تأثير ايجابي ..


بتكلم اليوم عن " التجاوز "


كيف تقدر تتجاوز مشاعر , تتجاوز اشخاص ,, و مواقف ..

عن نفسي اشتغلت على التجاوز من فتره ما قررت اني اتغير ,,

ان تكون شخصية حساسة , تشيل هم , تشعر بالذنب تجاه اشخاص و مواقف ,
ما تقدر ترفض طلباتهم لو على حساب نفسك .. هذا يولد بداخلك مشاعر سلبية
و تبدأ هذي المشاعر تتراكم و تكوّن بداخلك حاجز بينك و بين نفسك .. و تخليك ما تقدر تتعامل مع نفسك او غيرك بطريقة صحيحه

من الاشياء المهمة اللي تساعدك في حياتك هي التجاوز ,
التجاوز مو نطنش و نتخطى القوانين ,, و نكون لا مبالين لأنفسنا و الناس اللي معنا ,

التجاوز , مو يعني ما نهتم و لا نحس ,,

بالعكس التجاوز انك تشعر بالمرحلة اللي انت فيها , تشعر بالمشاعر و لا تتجاهلها ,
تحللها و تفهم ليه انت شعرت فيها ,
تحلل موقفك من الشخص و ليه هذة المشاعر و الانفعالات تصير بينكم ,
و هل هذا الشي له تأثير على اسلوب حياتك

باختصار اجلس مع نفسك و هذي المشاعر جلسة مصارحة , بعدها راح تعرف انك عايش فيها و الا بدونها
اجلس مع نفسك و هذا الشخص , راح تعرف ان مشاعرك ما هي الا نتاج مواقف او مشاعر ممكن تنتهي بأي لحظة


لما تعيش هذي المشاعر و تعطيها من الوقت اللي تستحقه بس ,, و تكون عارف انك عايش فيها او بدونها ..
انت مستمر في الحياة ,, مستمر مع ذولا الناس ,, ليه انا اتعب نفسي و روحي على مشاعر سلبيه




الآن انت شعرت فيها و عطيتها وقتها , انتقل الان من الشعور السلبي الى الايجابي ,
فكر في نفسك بعد ما تخطيت هذا الشعور , و ايش النتيجه الحلوة اللي صارت ,
كيف هذا الشعور ما اثر على حياتك , و انت مكملها ناجح و منجز ..

طبيعي جداً ترجع لك هذي المشاعر .. و ذولا الاشخاص ..
و طبيعي جداً انك ترجع تشعر بهذي المشاعر ,

بس هنا يجي وقت التجاوز , انت بينك و بين نفسك عارف انك تجاوزت و ان هذي المشاعر ما اثرت على حياتك ..
وقت التفكير فيها راح يكون اقل من اول بكثييييير .. مره ورا مره ,, راح تكون هذي المشاعر زي الخيال ..
كأنها ما تعنيك اصلاً .. لانك عارف انك تجاوزت و عشت حياتك .. \



هذا التجاوز : يعطيك ثقة بالنفس اكبر , يعطيك قوة شخصية , و القدرة على المواجهة


,,


لما كنت اشتغل على التجاوز , وقتها صادف و قريت كتاب " السماح بالرحيل "

https://2.bp.blogspot.com/-Sl1lVy0CY....com-rahil.PNG



حقيقي هالكتاب عزز فيني مفاهيم , كيفية التعامل مع المشاعر , اثر فيني بشكل كبير ,
من الكتب اللي قريتها و احدثت فيني نقله نوعية , فهمت مشاعري و كيف اتعامل معها ,
بعدها عشت بحب لنفسي و العالم اللي حولي , حب لمشاعري بجميع تقلباتها , و تقبلتها
\\


:10ل0:

ان شاْالله اكون افدتكم , و كنت خفيفة عليكم ,
اتمنى لكم حياة سعيدة و جداً :507:



و يومكم سعيد

رد: حكــاية قصيــرة ❥
 

https://f.top4top.io/p_1911vp0j01.jpg


لما احس نفسي تايهة و تعدي الايام بدون انجاز اعرف اني ما كتبت في الاجنده
اليوم قررت ارجع لها و اكتب الافكار و الاهداف اللي ابي انجزها ,,

و من الاشياء اللي قررتها .. اني اكتب هدف او هدفين لكل شهر ,, حتى يسهل علي انجازها ..

كذا اكون مرتاحه و متطمنة ,, و ما احس بالتشتت :ff1 (166):