رد: نقاش عن مقولة
 

انا راح اسولف ع راحتي طيب بين ايش كنت قبل وبين ايش كنت عليه الحين
وكيف كان تفكيري وكيف كنت الحين
انا كنت انسانة منجزة قبل ْ لكن تصير للشخص لحظات فتور و ركود
كنت ادرس طيب ف كنت اداوم ولا عمري غبت درست 12 سنة بذمة وضمير
كنت منجزة في يومي من نآحية الدراسة ومتطلباتها , وكنت اسوي اللي احبه
وكنت دقيقة و قاسية مع نفسي مع الآسف اعترف في هالشئ
لمن ماانجز في يومي اعتبرة يوم كئيب بكل مافيه ولو مرت علي غيمة فرح
مستحيل اشووفها مستحيل تركيزي ع الشئ اللي مانجزته
ماكنت انسآنة فيها لين مع نفسها ب العكس كنت اجلد نفسي
ك انه آخر يوم لي في الحياة وبعدها الله يآخذني
يوم الثاني مطمووس حرفيا ً اني اسوي اللي ماانجزته
اانا قبل مثل ماشرحت لكم ومرت علي مواقف كثيرة تثبت صحة كلامي وكيف كنت ْ
وبعدين صرت في لحظه ركود بشكل كبير خلصت دراستي وضعت في متاهات
وكرهت اللي كنت اسوية مرة وحدة من انجاز هذا كله بسببي من صنع يدي
من جلدي لنفسي
حاليا خلقتني الحياة ك شخصية غير
صار تفكيري احاول في انجازاتي اشوف ايش عندي
صرت اخطط ايش بسووي ف تبرمج عقلي ع الاشياء اللي اسويها
ولو ماسويتها اقول مايخالف ماعليه انا اقدر اكمل يومي انا انجزت اشياء ثانية
وانه هالووقت اعتبرة راحه مثلا لي ل ارجع مستحيل اني ماسويت شئ في يومي ماكان حلوو
اعطي نفسي واجهه مطلة غير عن النقص اللي ماانجزته
حتى كلمة الآنجاز صرت مااحطها ل امور اسويها بس لا .. ف تصالح مع النفس ان فقدته بينعكس عليك ..
من شخصيتي القديمة في هذيك الآيام اني كنت اسآل وحدة شنو تسوي في يومك شنو انجازاتك
كانت تقول لي ولا شئ
بديت اعطيها الكلام اللي مفروض اعطيه لنفسي ..
ماكنت صديقة لنفسي حتى ..
وانا اكتب اختنقت من نفسي القديمة
اقول لها شكرا ع ماوصلته شكرا ع صقل شخصية حنين الجديدة
اللي بدت فعلا تتغير ..
_
شنو هي انجازاتي
انا حاطه مهام يومية انجزها
في مفكرة ب الجوال كل ماانجزت شئ فرحت ْ ك اني ملكت الدنيا :85:
مثل
1-القراءة كم صفحة في اليوم اكتب مفردات جديدة من نايف _ عزيز _ طليطل
صرت احب كلمات جديدة ويدفعني الفضوول اعرف شنو معناها واراقب كلماتهم ههههههه
في وقت القراءة اسجل ع ورقه عندي حاطتها جمبي بس ماحد يدري ههههههه
اي كلمة تمر علي وتلفت انتباهي شكل عام
2- مهام دينية
3- مهام صحية
4- ثقافية
5- ترفيهية
6- شخصية
ف واجد من اللي اسويه تحول الى عادة لي حتى صرت احفظ شنو اسوي بدون اي مراجعه للمفكرة
ومحتاجه اجدد اشوي واتعلم مهارات ناقصتني
واطبقها ..
اما ع صعيد الآجتماعي ف ماعندي بصرآحة
ماعندي هالجآنب ابدا ً ... في جدوولي
انا لمن اركض وراء المياو حقتنا اعتبرة انجاز انها تخفف وزني هههههههههه
والله لو كنت مشرفه لكم قبل كان ي ويلكم مني لانه حتى المكان اللي انضم فيه اعتبرة انجاز
ههههههههههه

اقول موقف لمن كنت مراقبه قبل
كنت مراقبه مرة وحدة هههههههه ماادري ليش الآدارة حطوني قبل مراقبة
كنت شديدة والله لانه حياتي اعتبرها كلها انجاز حتى في العالم النت
الله رحم اعضاءك ي رانيا هههههههههههههه لو منتداك ع ايامي اللي قبل
كنت اللوع الكبد والله هههههههههههه . حتى الآعضاء يخافون مني والله ..
يييييييييييي استفزيت ههههههههههههههههه الله يسامحني

وبس اشكر نفسي والله ع السرد

رد: نقاش عن مقولة
 

انا شخصيا لااهتم لهذه المقوله ابدا
فإن عملت وتكلل عملي بالنجاح فأحمد الله واثني
عليه حيث تحقق ماكنت اود الحصول عليه من
نجاح لهذا العمل وبفضل مجهودي وان لم يتكلل لي
النجاح فايضا احمد الله للانه ليس بي نصيب في هذا النجاح فأعاود العمل مراات ومراات حتى يكتب لي الله النجاح فلادااعي للحزن اطلاقا فالدنيا لاتسوى
ان تحزن لها وتكدر خاطرك من اجلها فخذ-منها مايفيدك واترك مالايفيدك ولاحاجه لك به هذه
اسس وقوااعد لاتعتمد على مقوله قالها شخص
يكون يقصد حاله هو شخصيا ولاعلاقة لغيره بها
فهناك مقولات ليس لها علاقه بالواااقع ابدا
شكرا وججهة نظري وحسب مفهومي للنص
وافتقد نظارتي للامانه

رد: نقاش عن مقولة
 

.


الانجاز أمر جميل
يمنح شعور خاص ..

ولكن العبارة قد تمثل شيء من الضغط النفسي
الرغبة في الانجاز دون تحقيقه قد تجلب التعاسة
اكبر من السعادة التي يمنحها تحقيقه


الفكرة
اننا نضع صور الانجاز فالامور الكبيرة
بينما من المفترض ان تكون اصغر الامور
التي نمارسها في يومنا
ان تحسب كأنجاز



الانجاز جميل
وان يضع المرء هدفا في حياته واياامه
يجعل لحياته معنى ومغزى يدفعه للاستمرار

لكن علينا اخذ الامور ببساطة اكبر حتى لا توقعنا
الرغبة الملحة في الشعور بلذة الانجاز
ان نصطدم بواقع عدم الوصول اليه..
الى الاحباط والدخول في حالة اكتئاب



اعتبر المهام اليومية التي اتممها على اكمل وجه
انجاز يستحق الاحتفاء به:rgttdrt:


موضوع قيم شكرا لك

رد: نقاش عن مقولة
 

•'









يييوه تدريين مع الايـام ،
مع الظروف ،
مع المواقف الي تصصير لنا في حيـاتنا ،
تغير نظرتنا ،
ف الحمدلله تغيرتـيي للأفضل ،

اكبر غلط الواحد يلوم نفسـهه ب نفسه ،
للعلم لي معرفتي فيج من سنين ،
شخصيتج قبل و الحين تغيرت كثثير ،
و للأفضل ،
لگن عطاج مثل ما هو و احلى شي،

شوفي اذا انتي شخص ما عنده دوام و لا عنده شي
شغله في الي تسوينه كل هذا مره حلو ،
و تحسين بانجٌازه

هههههههههه جان تركو الاعضاء المنتدى
من شدتج هذيي ، ههههههه

عقبال ما اشوفجج مراقبــهه


يسعدج ربيي ،

رد: نقاش عن مقولة
 

عليكم السلام والرحمة
أهلا REVA

" يوم بلا إنجاز هو يوم كثير الآحزان ’ ويوم كثير الإنجاز هو يوم قليل الآحزان ’

تتفق مع المقولة ؟

نعم وبقوة :)
وهذي من مشكلاتي ف الحياة !
اي يوم يمر بلا انجاز احسه محزن وكئيب جدآ !!
ولكن والله هذا اثر ع حياتي !
وعلى علاقاتي واشياء كثيرة
وعلى فكرة الحين انا ف اجازة يعني المفروض ارتاح لكن والله اتمنى الدوام يرجع يخف عني الشغل اللي انا فيه !!! والله كريم :)

ايش هي انجازاتك في يومك ؟.

كثير واعتقد تختلف من شخص لاخر وبما يعتبره انجاز من عدمه !

لمن تكون متضايق ايش الإنجاز اللي تحب تسوية ليخفف عنك تعاسة الحزن ؟
اذكر الله وعن تجربة الذكر حاجة حلوة وفيها طاقة عجيبة والله
قال تعالى : ( وأذكروني أذكركم )
احس لما اذكر الله احس ان الله معي وقريب مني ويسمع كلامي و و و شعور مختلف ما اقدر اوصفه ! أو اقرأ قرآن
أو أسمع سعد الغامدي سورة الاحزاب
https://www.youtube.com/watch?v=d-Uz...85%D8%AF%D9%8A
أو سعد الغامدي سورة الفرقان
أو رعد الكردي سورة غافر
https://www.youtube.com/watch?v=4EvO...ohammadalKurdi

وبس والله :378:

أشكرك أختنا الكريمة
:رحيق:

رد: نقاش عن مقولة
 

الف شكر على الموضوع الجميل

سلمتِ