مجتمع غلاك - لقاء مع مبدع

اقتباس:

المشاركة الأصلية كتبت بواسطة رايــق (المشاركة 341759)

عدنا...ونبدأ في الحوار مع الأستاذة نورة

النور عرفتها من منتدى آخر وأول شي لفتني لها صورة لكوكيز جابتها بطريقه رائعه جدا

ثم بعد ذلك رأيتها تتحدث عن دورة عملتها للأعضاء
قلت في نفسي و الله هـ العضوه ماهي بسيطه باين عليها مبدعه ههههههههه

ثم تابعت كتاباتها ومدونتها فرأيت فيها شيء لم أجده في غيرها من الأعضاء ...

رأيت فيها شيء ماني عارف كيف أعبر عنه أو أوصفه بس عندها وضوح كبير مع نفسها

وقدره على الغوص في أعماق مشاعرها والحديث عن هذا بطريقه واضحه ..

كذلك عندها قدره على البحث عن المشكله النفسية

وترويض النفس و الصبر عليها ومحاولة تطويرها ....

حتى انها مره صورت مكان جلسه في بيتها ...وقالت هذا المكان الي جلست اصالح نفسي فيه ههههههههههه

قبل أبدأ الحوار معك يا النور اذا ممكن ومافي احراج جيبي صورة هذا المكان الي جلستي تصالحي نفسك فيه

اشكرك على المقدمه العظيمه , وجدت نفسي فيها ب اختصار ,

https://i.top4top.io/p_1964bgz091.jpg

هذي الصورة ,,

تدري انك رجعتني لذيك الفتره و مشاعري ذيك الفتره ,, كنت ارجع من الدوام ميته من التعب
و شايله هم الدنيا فوق راسي , كل يوم يزيد علي الضغط و ماني قادرة اسيطر
اذكر ذاك اليوم غلطت مع عميلة , بدون قصد مني , شلت همها و هم الغلطه
رجعت البيت و مابي اكلم احد لاني بختصار راح اولع فيهم لو احد كلمني خخ
قلتها مالها الا السطح اجلس فيه و اعبي صدري بهواء نقي و نظيف و اطلع الطاقة السلبيه
جلست يمكن حول الساعه و انا لحالي و افضفض لنفسي و اواسيها :507:

بعد الساعه نزلت لاهلي و انا مافيني و لا شي و هادية جداً ,,
لذلك انا اعتمد هالاسلوب وقت ما اتضايق , انعزل لحالي في الهواء الطلق :507:

اقتباس:

والآن نبدأ الحوار

<- عدلت جلستها خخ

اقتباس:

1 - لماذا ..معرفك باسم النور ...هل كان مجرد اختيار عادي أم له هدف عندك ...ومنذ متى اقترن معرفك باسم (النور)؟

من 2011 لقبت نفسي بالنور , مشتق من نوره ..
و لما رجعت للمنتديات 2015 ,, قررت اني اختاره كمعرف لي ,,
زمان كان اسمي غير :ff1 (133):

اقتباس:

2 - أعتقد أنكِ قديمة في عالم المنتديات ..كيف تعرفتِ على المنتديات و ما الذي جذبك لها ؟

يووه انا قديمه مرره في المنتديات ,, من 2003 تعرفت عليها .. قطعتها فتره طويلة و لما قررت ارجع لها بس بحثت بقوقل عن منتديات و طلعت لي المنتديات النشيطه
انا احب المنتديات , و احب التواصل فيها على عكس مواقع التواصل الاجتماعي احس فيها الفه اكثر
و الناس فيها قليل و كلنا نعرف بعض ..

اقتباس:

3 – أذكر أنكِ قلتِ أن ساعات دوامك طويلة ..وهذا يحد من التواجد المستمر و العطاء في المنتديات ..ولكن ما شاء الله تواجدك تقريبا مستمر وكذلك عطائك مستمر ...هل عندك طريقة معينه في ترتيب جدولك؟

لما انت تكون شغوف بشيء , ما اتوقع فيه شي يردك ,,
انا اكثر شي ادخل بجوالي , عشان كذا التواجد مستمر , جوالك في يدك و في اي وقت تقدر تدخل و تكتب
ناهيك عن حبي للمنتديات , انا ممكن ادخل بس اتصفح اسماء الموجودين و اطلع :507:
احب اشوفكم كلكم موجودين , احس هنا عالم مختلف انا القى نفسي فيه

مافي طريقه معينه , انا عشان انام بدري و اصحى بدري لذلك جدولي يترتب تلقائي , عكس ما يتلخبط نومي
و مؤخرا صرت مجرد ما اطلع من الدوام انسى كل شي فيه , و ابدأ طقوسي انا
مو دايم اكون مرتبه جدولي , احيانا بس ابي اجلس بدون شي

و بالنسبه للعطاء , من مسابقات و غيره .
انا اعتبره ك التزام بيني و بين المنتدى , لذلك لازم افرغ نفسي هذا الوقت حتى اكمل اللي بديت فيه

اقتباس:

بديتي في التصميم من 2003 ..أعتقد أنكِ الآن خبيرة في التصميم وأيضا اعتقد الدوره الي شفتك تتكلمي مره عنها كانت دورة تصميم

صح اني قديمه في عالم التصاميم , بس ما اعتبر نفسي خبيرة مرره فيه ناس بدو بعدي و اشطر مني
و بالنسبه للدورة اللي عملتها ,, لما انسألت من احد الاعضاء كيف يسوي تصاميم , حمس افكاري و طلعت بفكرة الدورة , و لاقت قبول و نجحت و الحمدلله :507:

اقتباس:

4 – ممكن نشوف أقدم تصميم عندك ؟

من الواضح انك تحفز الذكريات ,,
و نفتح الهارديسك القديم و نطلع لك تصاميم قديمة ,,

https://i.top4top.io/p_19643rc4m1.png

https://j.top4top.io/p_1964eh8od2.jpg

اقتباس:

5 – إذا نويتي تصممي شي ..كم من الوقت تستغرقين ؟

اول شي تجي الفكره و بعدين نبدأ نشتغل عليها ,, ممكن فكره تجي من اغنية , من احساس ,
من كلام قريته او كتبته ..
اذا الفكره جاهزه ما ياخذ التصميم معي من يوم الى يومين ,,

اقتباس:

6 – وقت ما تصممي شي هل تصلين للحظه يقفل فيها المخ وتأجلين لوقت آخر ؟

غالباً اذا الفكره موجوده و الصور جاهزه و اندمجت معها ما اوصل لهذي التقفيلة ,,
بس اذا فيه شي ناقص او ما اكتملت الفكرة ,, ممكن اقفل منها بالمره ,, لي كم شهر فكره ببالي
و فتحت موضوع و حاولت استعين بالاعضاء اننا نسوي عصف ذهني للصور عشان تتنفذ الفكره و ما رضت
هنا اكون قفلت منها مره و من ذيك اللحظه ما صممت ,

اقتباس:

7 – صممتي شي أخذ منك وقت وجهد وانتهيتِ منه ثم ألقيتِ عليه نظره فلم يعجبك فتركتيه ...هل يحصل معكِ هذا ؟

لا ,, كل تصميم له حالة خاصة فيه .. و المصمم يفهم هذا الشعور ,, حتى لو ما حسيت انه جاهز للعرض
يبقى له مكانه في قلبك ,, لانه ترجمة احساسك وقتها

اقتباس:

8 – إذا انقطعتِ فتره عن التصميم ...ثم عدتِ إليه هل يكون لهذا أثر على مستوى التصميم؟

مرررره يفرق معي ,, مستواي ينزل و يبيله فتره الى ان يرجع زي ما كان ,,
انا تركت التصميم فتره طويله و رجعت له لما رجعت للمنتديات .. و لما اشوف تصاميمي الحين و اول ما رجعت للفوتوشوب ,, الاحظ الفرق ..

اقتباس:

9 – ماهي أصعب أنواع التصميم عندك؟ أم أن التصميم في نظرك واحد وليس فيه صعوبه كبيره عندك ؟

اصعب التصاميم بالنسبه لي ,, هي تصميم الشعارات ,, مره ما يضبط معي على اني احب هالنوع من التصاميم ,, بس ما عندي خبرة و خلفيه كافيه ,,
و بيني و بينك التصميم هوايه ما ادور الشي الصعب , اشوف الانسب لي و اتوجه له
انا احب الدمج ,, و اغلب تصاميمي دمج

اقتباس:

10 – هل تمتلكين كاميرات وعدسات خاصة أم أن تصويرك بجوالك ؟

عندي ثلاث كاميرات , وحده شبه احترافيه , و ثنتين احترافيه ,, و ثلاث عدسات
انا من الناس اللي ممكن ادفع في الكميرات و العدسات و استخسرها ف شي ثاني , بس حالياً خف الهوس
و اصور بالكاميرا ,, بس الجوالات الحين صار تصويرها ممتاز لذلك اغلب الاوقات استسهل الجوال و اترك الكاميرا
الا اذا ابي صور احترافيه ..اصور بالكاميرا

اقتباس:

11 – هل تصورين كل شيء في حياتك ...أم أن التصوير عندك على حسب المزاج؟

كل شيء كل شيء ,, انا مجنونه تصوير ان شاءالله شي تافهه ..

اقتباس:

12 – مره شفت واحد مبطوح ع الأرض ..استغربت منه وتوقعت فيه شي ...لقيته كان يحاول يلتقط صوره من زاويه معينه ..هل يحصل معك هذا الشي في البيت هههههه؟

يحصل معي بس بدون مبالغه و تبطح خخ

اقتباس:

13 – هل تصورين الشيء من مره واحده ..أم تلتقطين الكثير من الصور ثم تخرجين بصورة واحدة ؟

يحصل معي من اول صوره تطلع الصوره حلوه ,, بس اوقات اخذ كم لقطه بعدين انقي الاحلى

https://e.top4top.io/p_1964l1ovn1.jpg

اقتباس:

14 – ممكن نشوف تصوير قديم لك كان فيه لمسات احترافية ؟

https://live.staticflickr.com/3181/2...59e0379e_c.jpg

https://live.staticflickr.com/1165/1...d511554f_c.jpg

هذي اول ما بديت اصور بكاميرا 2006

اقتباس:

أنا صراحه ما كنت اعرف أنكِ تمتلكين موهبة في الرسم

تعلمت الرسم 2018 ,,

اقتباس:

15 – ممكن نشوف شيء من رسوماتك ؟

اكيد :507:

https://alnoorsa.files.wordpress.com...a1d9a2d9a3.png

https://alnoorsa.files.wordpress.com...4-01.35.29.jpg

اقتباس:

16 – متى ترسمين ...وما نوع الرسم الي تحبيه ؟

ارسم لما يكون عندي وقت فراغ طويل ,
عشان متعلمه جديد ,, ارسم بالقلم الرصاص بس ,,
و افكر اتعلم ارسم بالالوان ,, و شريت العده .. بس لسى ما فضيت له زين ,, طرا لي اشياء جديده غيره

اقتباس:

17 – هل تخترعين رسومات ..أم تقلدين فقط ؟

لا اقلد رسومات ,, مره وحده رسمت من عقلي
وهذي هي

https://k.top4top.io/p_1964ndami1.png

اقتباس:

18 – هل ترسمين أشياء تشوفينها ع الطبيعه ..زي مثلا واحد من اولادك جالس ع الكنبه ؟

لا لسى ما وصلت لهذي المرحله :ff1 (133):

اقتباس:

19 – منذ متى وأنتِ تعشقين الطبخ؟

انا اطبخ من زمان بس ما اعرف كثير ,,
2020 , تعلمت اطبخ اكلات ثقيله ,, صرت اسوي مرقوق و برياني و صرت اضبط الكبسة ,,
بس اكثر شي احب اسوي حلويات ..

اقتباس:

20 – لو قلتلك ان كل أعضاء وعضوات المنتدى ضيوف عندك اليوم ...يعني ما يقارب عدد (50) ...كم ساعه تحتاجين في المطبخ لتخرجي لنا بوليمة عشاء معتبره ؟

يمممه خفت خخخ ,, لا ما عمري طبخت اشياء كثير بما اني لسى اتعلم :ff1 (133):
بس ممكن اسويها بس احتاج اصحى من الساعه سته و ابدأ اطبخ خخ :ff1 (133):

اقتباس:

وبنعطيك رانيا هديه منا عشان تساعدك ههههههه

احلى هديه ,, و اتوقع انا وهي راح نسوي لكم عشا ما تنسونه ابد :507:

اقتباس:

21 – هل حصل وجبتي العيد في وجبه ؟..اذا نعم اذكري ذلك ؟

يوووه كثييير ,, انا االف من راسي كثير لذاك لازم اجيب العيد
يعني اسوي طبق و في بالي بيطلع فنان ,, بس للاسف انه يكون فاشل بامتياز خخخ

اقتباس:

22 – هل تحبيين تزيين الأكل وتقديمه بشكل أنيق ؟

مو كثير ,, بس اذا رايقه ازين الطبق و اذا لا ,, ممكن احط القدر قدامهم و يغرفون منه خخ

اقتباس:

23 – جالسه لوحدك وجعتي ..وحبيتي تدلعي نفسك ..اش ممكن تسوي لنفسك وجبه ؟

في الاكل ما ادلع نفسي .. ممكن اذا ابي اتفنن اسوي شكشوكه ,,
بس اذا معي خواتي اتفنن لهم ,, زي كذا

https://d.top4top.io/p_1964diihm1.png

لما تعلمت اطبخ بس ارضى لغروري , عشان اكون فاهمه فيه بس ,,

اقتباس:

24 – هل تهتمين بالوجبات الشعبية ؟

لا لسى ما تعلمتها ,, :ff1 (133):

اقتباس:

25 – هل تهتمين بالوجبات الغير تقليدية وتحاولين تجربتها ..زي السوشي مثلاً؟

اوقات ,, اتذكر مره سويت سوشي .. بس بطريقه سهله و ما فيها لخبطه ,, بس للاسف ما عندي صوره له الحين
يعني تقليد للسوشي ,,

اقتباس:

26 – ممكن صور من طبخاتك ؟

https://alnoorsa.files.wordpress.com/2021/04/10.png

فيتوشيني:ff1 (101):

https://alnoorsa.files.wordpress.com/2021/04/4-4.png

و هذا حلا سويته كان لذيذ :507:

اقتباس:

27 – بينك وبين الكوكيز قصة حب ..تحولت إلى متجر ...هل تطمحين إلى أكثر من متجر ..؟

اتمنى ,, و في بالي اشياء كثير الله يسهلها ان شاءالله و تتحقق على ارض الواقع :507:

اقتباس:

أتوقف هنا ....ولي عودة للحديث عن جوانب أخرى من إبداعات النور

شكرا لك , سافرت معك للماضي الجميل , و فتحت الهارديسك القديم اللي كله ذكريات حلوه :507: