رد: حكــاية قصيــرة ❥
 

من الساعه سبعه الصباح انا صاحيه ,,
بالعاده الهواجيس تجي بالليل .. بس انا هواجيسي الصباح ..
ما بقى فكره ما فكرت فيها ,, ما بقت امنيه ما طرت في بالي و دعيت الله فيها ..

افكار كثير و كلام افكر اكتبه .. و قرارات ودي اقررها
بس اقول ي نوره انتظري شوي .. اعطي نفسك مهله

سؤال واحد ودي اسأله و متردده <- بس واحد .. :r-q-7:


اكره اكون في حيرة ,, عشان كذا قراراتي تكون صارمه و قاسيه ..
بس هالمره بكون الطف شوي و أأخر هالقرار .. <- ما قالت ما اقرر قرارات قاسيه :415:



ادعي الله ان يلهمني الضوء الاخضر للتقدم ,,
او يكون الانسحاب آمن و لطيف و هادي



قبل لا اكتب هالكلام ..
انا فتحت دفتر احلامي و كتبت حلمي .. :ff1 (49):

عندكم فضول تشوفون دفتر احلامي ..!


https://g-lk.com/up/do.php?imgf=171032209170481.jpg



هذا الدفتر عندي من 2017 او 2016 ,,
اوقات اكتب فيه و اوقات انساه .. بس شكلي بفعله في رمضان ..
عندي قناعه ان اي شي اكتبه يصير :212:

رد: حكــاية قصيــرة ❥
 

https://g-lk.com/up/do.php?imgf=171050474628174.gif


كيفني و انا كشخه :442:
شكرا رانيا بحجم السماء ,, و شكرا للجميع
احبكم :11:

رد: حكــاية قصيــرة ❥
 

كلها ايام و ينقضي الربع الاول من السنه ,,
ثلاث شهور مرت من سنه 2024 ..
لازم تتوقف شوي , و تكتب ايش انجزت و ايش مخطط لباقي السنه ..

اول انجاز سويته اني سويت ورشة الحريه المالية ..
اللي تقريبا صار لي سنه افكر فيها

كل موعد كنت اجله ,, حجزته ..

رتبت دولاب ملابسي :ff1 (53):

و تعرفت على نفسي اكثر ,,
كيف !

لما اقابل ناس في نفس عمري ,, و يكون عندهم مشاكل نفسيه او معتقدات انا كنت اعاني منها و تجاوزتها
اكتشف شي جديد بشخصيتي .. و اعرف اني صرت اوعى و على معرفه بمشاكلي النفسيه و كيف اتعامل معها ..


مهمه جدا هذي النقطه عشان انت تقارن نفسك الحاليه بنفسك القديمه ..



و راح ابدأ اخطط للربع الثاني من السنه ..
بيكون تركيزي على شيئين .. و ان شاءالله اني انجزها :251:



حاطين خطه لحياتكم و الا تمشون ع البركه ؟

رد: حكــاية قصيــرة ❥
 

قد حسيتو انكم نايمين في عالمين مختلفين !!

انا اليوم نومتي كانت غريبه ،، كل ما انام و اصحى
احس بشعور اني في عالم ثاني مختلف عن حياتي اللي انا فيها
شعور اني في مكان بعيييد ،، و أن المكان مو مكاني اللي نمت فيها ..
ارجع انام كأني اغوص في العالم الجديد ..

لما صحيت احس اني نمت نومه طويله .. و كلها سبع ساعات
بس حسيت الوقت أطول..

صرت افكر انا وش سويت قبل انام !!

اللي سويته اني فكرت كل يوم اتأمل في اسم او اسمين من أسماء الله الحسنى
و كنت اتأمل ب اسم الرحمن الرحيم ،، و صرت ادعي بهالاسمين

و كتبت هالدعاء في المغكره


يارحمن يا رحيم ، ارحمني برحمتك التي وسعت كل شي ،، و اظلني تَحتْ ظِل عَرّشكْ يَوم لا ظِلْ إلا ظِلّكْ، و تجاوز عني و اغفر لي ..
برحمتك استغيث ، أصلح لي شأني كله و لا تكلني لنفسي طرفة عين .

...



كل ما تأملت و تعمقت بشي قبل النوم ،، تكون نومتي غريبه ..
انام نومه حلوة بس بشعور غريب ..



جربوا التأمل قبل النوم في اشياء حلوة
و شوفو نومتكم كيف تصير ..

رد: حكــاية قصيــرة ❥
 

لو كانت عندك لحظة جميلة في حياتك .. و اوقات تكون فيها سعيد و مرتاح .. لو يوم واحد ..!
حاول تركز عليه ,, و على اللحظات الجميلة ,,
وقتها استشعر عظمة الله ,, اشكر الله و احمده على هذي اللحظه
كبرها في عينك .. و استشعر اللحظه الجميلة .. و لا تفكر بشي ثاني ,,

استشعارك للنعم و شكر الله عليها ,, من اعظم الطاعات ..
و لها مردود كبير عليك و على راحتك النفسيه .. :11:


اللي جاب الطاري لذا الكلام .. موضوعي هذا ,,

رحلة مكة المكرمة و المدينة المنوره - رمضان 1445



استرجعت فيها الذكريات الحلوة ..
و قد ايش الله ييسرها لنا :11:

رد: حكــاية قصيــرة ❥
 

يالله انه اخر اسبوع دوام..
اجعله من أجمل و الطف ما يكون ..

ساعدني يالله :11: