شَرقَآويهہْ♥ |
04-13-2024 05:34 AM |
رد: - روح من زمن آخر .. !
https://up6.cc/2023/08/169212646329041.png
-
طاحت الدمعه على الخد الخجول
آه من منظر بكاها والكحل
عينها كانت مع البسمه تقول
"وين ميزان المحبه والعدل؟"
-
قلبها ما هو على العالم زعول
من بياض القلب تنسى وش حصل؟
ما يهمها أمر حاقد أو عذول
عاليه مثل البدر لما كمل
-
تلهم الشاعر إذا صابه خمول
بالقصيد الممتنع ولا السهل
لا حكت تدهش ثقافتها العقول
ولا ضحكت طار الفكر قبل العقل
-
من شفاها يطلع الحكي معسول
كل كلمه منها تنقط عسل
صوت نبض القلب أو قرع الطبول
حركت جيش المشاعر وانفعل
-
حاصرتني صابني منها ذهول
وخيرتني بالأسر ولّا القتل
قيدتني بالسلاسل والقفول
وعزلتني في هذاك المعتقل
-
وإبتديت أبحث وأدوّر لي حلول
للسلام، وللتسامح، والوصل
وإبتدا ليل الشتا عمره يطول
قلت أبشعل للفرج شمعة أمل
-
أسمع أصوات الرعد قبل السيول
وأدعي الله بإستجابه في عجل
وينفتح كل باب ممنوع الدخول
وألقى لي بقلبها دايم محل
-
الله يسعد من لها بقلبي قبول
من اداريها مدارات الطفل
قلبها ما هو على العالم زعول
من بياض القلب تنسى وش حصل؟
-
:181:
|
|