|
رد: طفولة عضو •
-
هادئه ولا لي لسان ، فيه مشاكسه و شطانه لكن قليل .
هـ الله هـ الله ، اختي الكبيرهـ كنت اقول مين فيهم امي بـ الضبط :d:82: .
ماذكر ، او بـ الاخص ماكان عندنا عيد كان اهلي يروحون يسلمون بس مدري وين كانت المشكله فيه مع ان عائلتنا كبيرهـ ..! فـ الآن صرت اعوض في احفادنا كل عيد افلس و افلس اهلي معي عيد و عيديات وياويل اللي مايعيد الكبار قبل الصغار :84: .
بنت اختي :82: .
ماعندنا نظام كفوف عندنا نظام خيزران ، نظام القبص والدارج بـ الغالب واللي أسرع مفعول نظام اقرب شيء عندك خذهـ و ارجمه فـ اذكر مرهـ امي لحقتني بـ الجزمه بس مدري ليه :d:82: .
توفي و توتي فروتي مع انه ينشب بـ الاسنان و مرات يكون قاسي بس طعم :12240::82: وبعد فيه بطاطس جحا و حمارهـ كنت احبه عشان الفلوس اللي يحطونه فيه :84::82: .
منخفضة .
الصغيرهـ ، لا أبداً .
مدينة الألعاب :82: .
مويه ثلج و الحبشه :d:82: .
لا .
عبقور و توم وجيري و سندريلا و مازلت :82: .
اخواني كبار مو جوهم لعب .
اكرهه بشكل مو طبيعي لكن الآن عادي اتقبله .
دافورهـ ولله الحمد و يضيق صدري إذا ماطلعت من خمس الأوائل بـ الفصل :d .
إلا والله افطر على حلاوة كندر الاصابع و إذا جاء وقت الفطور اهلي يدقون بـ النعمه و أنا منتفخه و شبعانه :d .
لا ، بس كنت دائم اتهاوش مع خواتي اللي اكبر مني وانحاش لـ اختي الكبيرهـ يـ تمنعهم عني يـ تجلدهم :84::82: .
ماكان في شيء محدد بس كنت استمتع بـ ألبوم طائر النورس كامل ، و ريمي و سالي .
لما اتفقت أنا و صديقتي إذا خلصنا من الاختبار و طلعنا من المدرسه تركب معي و نروح للبيت اهل البنت يتصلون على المدرسه و المدرسه يدورون البنت و البنت عندي باسطه و موسعه صدرها وكنت اضيفها بعد قهوهـ و حلا يقال يعني ان احنا كبار و اني راعية بيت و اني سنعه :84: و اهلي لما طبو علي المجلس مسكو راسهم ماعاد يدرون هذي مين ولا وش تسوي عندي ولا كيف يرجعون البنت لاهلها :54: .
لا مابكيت ، لأني دخلت بنفس مدرسة خواتي و كانت فيه زوجة اخوي معلمة و امي حضرت معي اول يومين فـ أنا داخله المدرسه و معي الجماعه كلهم فـ عيب ابكي بعد كذا :d .
لا ، اهلي حريصين جداً .
الاثنين :82: .
صديقه من أول ابتدائي علاقتنا رسمية لكن مازلنا متواصلين .
للأسف ، خواتي كلهم عندهم صور وهم صغار إلا أنا ليييه مدري ..! ويقولون اني كنت مدلعه مبين انهم مدلعيني :95: كلهم حاطينهم بين القدور و مصورينهم إلا أنا ولا صورهـ ولا حتى قدر واحد مصوريني معه :(:ff1 (181): . شكراً خفايا على الاختيار :82: اختار بعدي @رُوحٌ منِ النُّور - |
يسعد صباحكم
والله من يومين أشوف هالموضوع وأقول فخاطري ودي أعرف طفولة طقاقة وسبحان الله اليوم أشوف مشاركتها طلعتي طفلة هادية نفسي وتحبين سالي وسندريلا ومدري ليش كنت متوقعة أنج الأخت الكبيرة بس طلعتِ الصغيرة حبيت طفولتج الهادية 👌🏻 شكراً على اختياري 🌸 وإن شاء الله لي عودة للرد 😊👍🏻 |
اقتباس:
يعني كنت أفهم اللي أكبر عني بس أعطيهم وضعية اللي مدري عن شي لأن شكلي يساعد وإذا حد استفزني أعصب جداً وأمسك أقرب شي وأرميه عليه أصير أنا مو أنا ومافي رقة ولا لطافة اقتباس:
كان يهتم فيني أكثر شي وإذا يبي شي ما يطلبه إلا مني أذكر مرة سألته اشمعنى تطلب مني أنا دايماً قال لأن أنتِ تسوينه أحلى ودايماً يناديني يالشيخة > يعني يالأميرة و يحب يمزح معاي وكنت أعانده وأتدلع مرات بس يضحك معاي وعادي مو نفسية اقتباس:
على غلط تافه جداً من يومها صرت أتوتر وأرتبك كثير لما أبي أتكلم قدام الناس وخاصة إذا ناس ما أعرفهم اقتباس:
بس الحين أحصل عيدية أكثر اقتباس:
وبنتها كانت أكبر مني بسنة وهي اللي كانت أقرب وحدة اقتباس:
اقتباس:
كنت أحب الكاكاو هذاك اللي فيه لونين أبو ملعقة وبسكوت ساندو و حلاوة القهوة وتوفي يعني مجربة كل شي وايس كريم التوت والبرتقال والحليب بالفانيلا وكنت أحب عصير التوت المثلج وكنت كل يوم لازم أشتريه اقتباس:
يعني مرتفعة اقتباس:
أحس أثر شوي لأن أخوي كان مسيطر اقتباس:
وكنت أحب ألعب بالماي وأمشي على الشاطئ وأجمع الأصداف ونقعد هناك لين تغرب الشمس اقتباس:
أصمم ملابسهم بنفسي وأخيطها لهم وألبسهم وأسرح شعرهم وأصنع لهم أكسسوارات بالخرز وبعد كنت أسولف معاهم وأتكلم بالفحصي نفس سالي كيف لما تتعامل مع دميتها بالضبط وبعد كنت أحب أشتري أدوات الطبيب وأصير طبيبة ومرات أصير معلمة وأشتري أدوات الطبخ وأطبخ وأشتري أثاث وأسوي بيت مع الغرف وأنسقه وأرتبه يعني لعبت بكل الألعاب اقتباس:
أهم شي كنت أكره أحد يشوف دموعي أبكي مع نفسي بعدين أروح أغسل وجهي عشان محد يدري أني بكيت وإذا حد شافني أبكي أكرهه مدري ليش اقتباس:
و قرية التوت ومدنية النخيل وكل شي بس بعدين حبيت كونان أكثر شي والقناص اقتباس:
كنا نلعب بعدين نتضارب وبعدين نتصالح ونرجع نلعب وهكذا اقتباس:
اقتباس:
حتى كنت أروح المدرسة بدون ما أفطر لأن الحليب يسد نفسي اقتباس:
دايماً أكون في وادي ثاني ومدري شنو تقول المعلمة مع هذا ولا مرة رسبت وكانت علاماتي من جيدة إلى جيدة جداً بدون ما أذاكر ولا أشد حيلي أذكر كنت أذاكر بمزاجي أشوف المعلمة لو طيبة أحب المادة وأذاكر وإذا ما كانت طبية أكره المادة وما أذاكر ما أحب أخضع للأشرار اقتباس:
اقتباس:
اقتباس:
العكس أخوي يسوي المصايب وأنا أنضرب معاه وأنا ما سويت شي بس كانت أمي تقول ليش ما تشوفينه وليش ما تقولين من هالشي تعلمت أن الساكت عن الغلط كأنه مشارك فيه ويمكن ل هالسبب كنت أنضرب لأني دايماً أسكت وأستر على أخطاء غيري كنت أخاف عليم ينضربون وأنا ما أحب أشوف حد ينضرب قدامي اقتباس:
ضرب عادي وبس بس بالنسبة لي الكلام يجرحني أكثر من الضرب اقتباس:
اقتباس:
كنت لاصقة في أمي وأقعد عندها مثل الشطورين وما أسوي مشاكل اقتباس:
اقتباس:
اقتباس:
بس كلها ألعاب اقتباس:
بس أبوي كان بيني وبينه مزح وسوالف أكثر اقتباس:
بس أذكر كنت كتومة إذا حد ضايقني أو شي مستحيل أقول لحد اقتباس:
هي تحب تسولف معاي وأنا أحب أسمع وبعدها موجودة اقتباس:
ـــ يعطيج العافية ع الموضوع الجميل وشكراً طقاقة على اختياري =) وأختار من بعدي @متأمل أحس طفولته أكشن :d |
رد: طفولة عضو •
ياسلااام الموضوع مره حلووو
عجبتني الاجابات هههههههه |
رد: طفولة عضو •
يا الله يا متأمل هههههه
اكيد كلها شقاااوة |
رد: طفولة عضو •
متأأامل
وييييينك متحمسييين هههههه للشقاوة اتوقع كل الجيران مبلطين على باب البابا يشتكون منك هههههه وإلا البزارين الا كان تطقهم بالحجر :63354: ياللااا |
| الساعة الآن 09:10 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~