رســـآلُــہ شُـــعـــريَــہ ....

[عآزفّ النّآي]

خلك قـوي .. ولا تخسر الكرامه
مهما خسرت من الحبايب وفارقت
ولا تمضي ايامك عتاب , وملامه
حتى ولو انك حزنت , وتضايقت
وإن شحّت يدين الزمن بإبتسامه
اصبر وقول: المسأله مسألة وقت

[علي]

هات المعاني واترك الحكم للناس
كثر المدح للنفس عيب وسماجه

ما للشعر سلطة ولا فيه حراس
كلٍ يعرف الي يناسب مزاجه

الجزل واضح والمباني لها ساس
والماء قراحه مايشابه هماجه

- عايد بن خليف

[علي]

على قمةٍ من دونها الشمس ما تنشاف
يحسبونها غابت وهي ما بعد غابت

- مرعي بن مطيع آل عامر

[علي]

ماهو بيلحقنا لا جينا الخوي شك
فنجال عند ( الكفو ) كنه كرامه

- مرعي بن مطيع آل عامر

[عآزفّ النّآي]

دام الكلام اليوم ماعاد ينطاق
بين الولايف نبرة الشوق غرقا
ياليت ربي ماخلق حب وفراق
والا خلق حبنـ على غير ملقا
دارت دواليب الزمن بين الاشواق
يالصاحب اللي من سبايبك نشقا
عنيت لك في عالي الرجم مشتاق
وغنيت لك مع تالي العصر طرقا
عن شوف غيرك شح شوفي ولالاق
وسرقت ماتحت المحاديب سرقا
واليوم طعت اللي بالاشوار بواق
واللي بقى لك بالمحاجير يبقا
من عانقوا دربك قليلين الاوفاق
حالك تغير .. والبلا وين نلقا
محدن يعالجني سوى شوف براق
واقول مابين الغنادير فرقا

[أمل]

الله لا يقطع من الحظ وعيال الحلال
والجناب الطيّب اللي تشَب الضوّ له

رحت أنا وإيّا الهواجيس في روح وتعال
القوافي شيّبت .. والنصوص مقوّلة

كل ما لدّيت في النايفات من الجبال
شفت جرة شرهتي طالعة ومحوّلة

[علي]

كف المكارم غير كف المواجيب
قل للذي شد الشماغ وتنسف

ما اردى من الصده سوا هومة الطيب
للي بغى فعل الجميل وتحسف

- سعد بن مطلق العنزي

[علي]

صغت المعاني من بحور الهواجيس
واخترت منها ما صفا نقو الألماس

بيوت شعري يسبقنّي مراميس
وبهن أحرّك نبض قلبي والاحساس

سايرتهن يوم الخلايق مناعيس
ونظمت نظم القاف ساسٍ على ساس

- فَزّاع

[علي]

ولو مابقالي من وصالك سوى الصد
اكبر عطيه من وصالك وجتني

واليا بغيت تموت ياباهي الخد
خذني من اكبر امنياتي ومتني

- إبراهيم المهنا

[علي]

شرهه يدي ماكل عود تعصاه
ولا هي على عوج العصي محدوده

- عبدالله بن سبيّل

[زهرآء]

‏وَلَسَوفَ يَفتَحُهَا الإله فأَيقِنُوا
‏مَا كَان صَعبًا بالتَّوَكُّلِ يَسهُل

[زهرآء]

‏صلّى عليكَ اللهُ ما اتّسع المدى
‏ واشتاقت الأرواحُ للرّحمنِ
‏ نفسي فِداك وكُلُّ أهلي والورى
‏ الجِذعُ حنّ فكيفَ بالإنسانِ

[علي]

اللي بخمس نجوم واللي بخيمه
اليا ارحلوا يم المقابر تساوو

- صالح الناصر

[عآزفّ النّآي]

‏تعال ضم الشوق في قلب ناداك
‏صبح على قلبٍ تحـــــــرّى ⁧ حضــــــورك
‏قل له ⁧ صباح ⁩ الخير والخير لقياك
‏الصباح ما ينووور اذا ⁧ غـــــآب ⁩نورك
❣

[علي]

أقو حملن يتعب الكاهل الدين
وامر مايخشى النزيه الأهانه

- فهد رفاعي

[عآزفّ النّآي]

بصبر على نفسي ولو عشت مجروح
وانساك واتحدى الجروووح العميقه
وادوس قلبـــــــي لين يصبــــر على النــــــوح
واحــــــــآول ادله ما حمــــــل منك ضيقه

[علي]

أخذ من خضار الوقت صبراً على غبراه
ترى أحلى ليال العمر .. ماهيب منعاده

- مطحس بن حمد

[عآزفّ النّآي]

يـــآصآحـــــبي معــــــذور ودعتــــــك الله
موتـة خفـوق ولآ مــــــــــذله مشآعــــــرّ
والحين ياأشعاري على الموت يالله
وماعآد به هآجس ولا عدتّ شآعرّ

[زهرآء]

‏ليسَ اللسانُ وإن أوفتْ براعتهُ
مترجمًا عَن جَوى ما بينَ أضلاعي

[علي]

تبي تدور علي اخطا بتلقى كثير
ماني ملك وانت نفس الشيء ما انت بملك

احسب حسابك على الطرقه وطول المسير
اخاف اضيّعك وسط الذبذبه وتهلك

- عبدالله بن خلف الخالدي

[عآزفّ النّآي]

لا يغرك لا ابتسمت وقلت : عادي
الحزن أحيان تكسيه إبتسامه
ولا تقول أقفى وهو ساكت وهادي
قول خانت لحظة الفرقا كلامه

[زهرآء]

هذَا السَواد
تحتَ أعيُِننا
ما هو إلا رَمادُ أسَود
تَناثَر بعَد معركةِ نِيرانٍ داميةَ
انتَهت بِأحتِرَاقِ الدمُوع

[عآزفّ النّآي]

مو كل ســــآكـتّ مــــآ في خــــآطـــــــرهـــــــــ شي
و مو كل صرخآت الحنآجر لهآ صوت

[زهرآء]

لَيْسَ البليَّة فِي أيامنا عجبٌ
بل السَّلامَة فِيهَا أعجبُ الْعجـــبِ

[عآزفّ النّآي]

من يقبلك يقبل معاك العذاريب
لا تَصنع اسلوبك ترى مـ أنت مُكره
خلك على الفطره واذا كان بك عيب
ان ما لقاه اليوم / يلقاه بكره

[زهرآء]

‏رجوتُ كريمًا قد وثقتُ بصنعهِ
‏وما كانَ من يرجو الكريم يخيبُ

[عآزفّ النّآي]

برسلك احساسي يصبحك بـ الخيــــر
ويقول لك مشتاق ي اغلا الحبايب
صبآح الغلا والشوق واحلى التعابير
واحساس م ينساك لو گنت غايب

[زهرآء]

و عانَقتُ كُلّ الحائِرين مُواسيًا
وَ قَلبِي هُنا بينَ الحنايا مُمَزّق

[علي]

كلها وجهه نظر ليه السخط
ما انت معصومٍ من النقد الصريح

من يبي يفهم غلط يفهم غلط
ومن يصفّي نيّته يفهم صحيح

- منصور اللغوي

[عآزفّ النّآي]

جعل الهموم اللي من العآم تنزآح
ونلقآ السعآده في سنتنآ الجديده

[علي]

بعض الأوادم شغلها بس تأذيك ..
حتى على الضحكة ترا يحسدونك

- طارق فقيهي

[عآزفّ النّآي]

لو الغلا يوخــذ ويعطى على الكيف .. ترى الغـلا منـي لـه اول هـديه
هرجي معه صـادق ولااظن به زيف .. مقصد شرف مالي مقاصد رديه

[علي]

لو احط لي في كل طيّب قبيله بيت
عساها شهادة حق تكتب على اكتافي

- مزيد الوسمي

[عآزفّ النّآي]

الشوق ياخذني لحضرة جنابك
والدمع طاح ولا لقاله مناديل
خذني معك لو صفحه بكتابك
أو ضمني وسط العيون المظاليل
تدري وش اللي هزني في غيابك
انك بعيد وماتجيني المراسيل

[علي]

اللي يبي ينتقص خصله من خصالك
يقدر يغيّرها من حاله إلى حاله

مثال: كانك سخي واتجود في مالك
بيقول هذا خبل ما يمسك امواله

- صالح الحمود

[علي]

مايقدر ابليس يلعب في عقل عذرا
تقدّر اخوانها وتحب شايبها

- محمد السهلي

[عآزفّ النّآي]

ياصاحبي لاصرت ضايق ومهموم...ابحث عن اسباب الحيـــاة السعيده
حرر قيود الامــــس وابدا من اليوم...افتح علـــــى دنياك صفـــحة جديده
دايـــــم تفائل بالامـــــل واترك اللوم...عش لحظتك واللــــي مضى لاتعيده
اعرف ترى منته من الذنب معصوم...اللـــــه هـــــو الغفـــــار وحنا عبيده
ان شانت الدنيا ترى العمر مقسوم...محدن حياته جت علـــــى ما يريده
الحـــــزن مهما طــــال لايمكن يدوم...بعض التجارب فـــــي حياتك مفيده
وان كنت مـــن عذبات الايام محروم...منت الوحيـــد اللـــــي ظروفه عنيده
مادمــت لاظـــــالم ولانتـــــه بمظلوم...وقلبـــــك بعد لازال ينـبــــض وريده
انفض غبار الهم واصحى من النوم...اصبر علــــى الشدات لوهي شديده
عانق تباشيـــــر الزمن وابعد الحوم...قدامـــــك دروب الامـــــانـــي عديده

[علي]

جعل هقوتنا ماتقلط على ربعت زهيد
وجعل زلتنا ماتدرف على بيت محقه

انغبن لا شفت لي هافي من بيت جيد
لا تكاثر دم وجهه على الهون دفقه

- محسن بن مترك

[علي]

على العز والتقدير ماهو على المنقود
وفينا مع اهل الطيب كلاً ومجهوده

عشقنا الليال البيض بين الليال السود
لو الجو ماهو جو لبنان والسوده

هوانا سمو انفوسنا غاية المقصود
على كثر مانعاني نحافض على الجوده

لشاعرها

[علي]

ترى كثرة الرتويت ماتعني الابداع
مثل قوّة التسويق ماتعني الجوده

- ممدوح التويجري

[دحومي]

خلك عزيز النفس و العز مأواك=وكلن عطه تفصيل ثوبه بقدهـ

خص الرفيق اللي اذا جيت حياك=وان غبت عنّه يا صلك بالمودهـ

[نايف]

اليا كسرت الغصن لا عاد تسقيه
……ما عاد ينبت لو ترده محله

[رسم]

،.

رفيق النّود، والتّرحال، وأيَام الرّضا، والحِلّ
ذكرتك في مصبَ الغيم يوم استدرك الوادي..

وخذيت ضلوع صدري، وانتقيت عن الدّقَاق الجلّ
وضمَدت الجروح! ولا عرَفتك «ظالم وبادي»

عساني كل ّما شديّت ركبي.. يا حبيب الكلّ
أعوَد قبل لا أكسر لك مقامي.. وأكسر شدادي

طلبتك لا تسلَمني حبال المشكلة والحلّ ..!
أنا رغم الوجع من ضحكتك، في ضحكتك غادي ..!
:835:

[علي]

انا رجّال متسامي عن التحقير
ولاعمري نظرت لشخص باستحقار

- ذعار بن متعب الحربي

[عآزفّ النّآي]

يـا صـاحبي ماني من الهـمّ مرتـاح
و القلب مـن بعض المواضـيع مجروح
ضـايق ولـوّ إنّـي مع النّاس مـزّاح ! . .
مـا ودّي أبـدي " ضيقة الصدر" و آبوح
أموت ما صحت بـ جروح الزمن " آح " ! . .
و أصـبر ولـوّ إنّـي من الجـرح مذبوح
أخـاف لا يـفطن من النـّاس" لـمـّاح " ! . .
و أخـاف ما يـدري عن الضـيق " مملوح " ! . .
أقـاوم جـراح " ن " وتـتعبني جراح
و أبني من الآمـال لـ أيـامي صـروح
وأقول : راح الهـمّ . . والهـمّ ما راح
ولا أدري من هموم الزمن وين أبـ آروح ؟! . .
وإن لاح دمـع العين بـ العين ما طاح ! . .
وإن طاح فـ افهمها ... " مع طلعة الروح " ! . .

[نِيفآ]

_*






علميني عنك احكي مايصير
صمتك وصبري معك هو له مصير
مايسر العين براق السحاب
يتعب الظامي على طول المسير
علميني كيف ماتحصل ظروف
مايرد الوقت تأنيب الضمير
ازرعي صحراي بورد الهوى
عن جفاف الصمت خليها غدير
وابذري نبت الأمل في نفس من
قلبه أصبح كون للحب الكبير
لاتقولين افترضنا أو يكون
افترضنا أو مع الدنيا نسير
الهوى مايقبل انصاف الحلول
يانصير أو ياحبيبي مانصير
..~

[نقاء الورد]

عتبي عليك وكم تغيب وأعتب
وتطيل بعدك يا قريب وأعجب
كم أدعي أني سلوتك عامدا
وأقول أني قد نسيت وأكذب
أنا لا أبالي بالأنام ، مللتهم
حسبي بأنك مقلتاي وأقرب

[علي]

إذا الحميّةُ لم تبلغْ بصاحبها
مواطنَ العزّ لا كانت ولا كانا

- عبد الرحيم الحصني

[علي]

ولم أَحفَلْ بِزأرٍ من أسودٍ
فكيفَ أخافُ ثاغيةَ الشّياهِ!؟

- سعيد يعقوب

[عآزفّ النّآي]

قليـــل في حقك اذا قلت اغليك
كلمه غلا مآ تنصف انسآن غالي
لا الربع كافي ولا النصف يكفيك
انت الغــــــلآ كله يــآ بعـــــــدّ كل غالـــــــي

[شهد الروح]

يحزنني أن لا أرى من أحبه
وأن معي من لا أحب مقيم

أحن إلى باب الحبيب وأهله
وأشفق من وجد به وأهيم

وإني لمشغوف من الوجد والهوى
وشوقي إِلى وجه الحبيب عظيم

وقد ضاقت الدنيا علي برحبها
فيا ليت من أهوى بذاك عليم

[عآزفّ النّآي]

من كثر ما ليلة وداعك طويله
ماطاحت دموعي أنا طحت كلي
ياليت جرحي طير وأخلي سبيله
لكني أجهل وش يكون التخلي
كل شيء أبلقى في حياتي بديله
الا أنت وليل العتب والتغـــــــلي

[علي]

والشعر يبقى في قلوب العرب حي
ولا كل من سوى القصيدة تكنها

وأنا حداها حدي الأصعاب بعصي
واقودها قود الأديب برسنها

- عبدالله بن زويبن الحربي

[علي]

والشعر يبقى في قلوب العرب حي
ولا كل من سوى القصيدة تكنها

وأنا حداها حدي الأصعاب بعصي
واقودها قود الأديب برسنها

- عبدالله بن زويبن

[علي]

جعلنا في حاجة اللي نخانا قادرين
ان ذكر معروفنا وان جحد معروفنا

- خالد الحربي

[علي]

المال لو تكثر عليه المطاليب
مثل الفحم لا صار في بطن خيشة

ناسٍ يحطونه على مدخن الطيب
و ناسٍ يحطونه على راس شيشة

- تركي بن حصين

[علي]

لاترتكي دايم على المال والزّود
والجاه والمنصب والاسم المعرّب

يمكن تثوّر فالخبا وانت بارود
ولا تصدّي وانت سيفٍ مجرّب

- مزيد الوسمي

[علي]

ليا صار بالدنيا رفيقك يخليك
ما من ورا عوج النصايب صداقة

- عدوان الهربيد الشمري

[علي]

دقوا للإستقرار حلقه ومسمار
عنا وعنك السوء يقلع قليعه

والماء إذا نزل سوا يطفي النار
ولا صار متفرق قليل ٍ نفيعه

وأن ما وقف هذا لهذا فالاخطار
سوق العوافي من شرا به يبيعه

- خلف بن هذال

[آيلا]

هواي انّي أحبّك وانت غالي والسّنين جهاد
أقول ان الظّما في غيبّتك وأثر الظّما فيني!
تمثلّت المسَّاري بين أجافي ديرتك وأعتاد
أنا اقسَى والقسَى يغلب رضاي وعذري وليني.
تطيح أغلى مشاريه الهّوى وأطرّي المعواد
لوّ إنّها ما تزّعلني عيونك .. كيف ترضيني!
غدا وجهٍ نسّانيسه على غصّن الرّضا تنعاد
هقاوي نفسي وشرهة ظنوني وأولّ سنيني
انا لولا جروحك ما خِذيت من السَّكوت ضماد
ولا مديّت لك كفّ الوصال وذابت يدينبي
ما بين أخاف صوتك وأرتمي له بارت الأضداد
طلبتك لا تخلّي لي خيّار .. ولا تخلّيني
اعرفك والبروق تلوح وبيوت القصيد جياد
احسّ إن المطر في ديرتك والعشب في عيني
أمرّك واتردّد بين حزنك .. والعيون سهاد
وأموت في غيبتك والشّعر يحييني
تمهّل لا تساورك الشّكوك في غيبة الأجواد
انا ما اشوف في صحراء ظماي إلا بسّاتينك .

[مسترٍيَحٍ آلُبآلُ]

" بين اللقاء والوداع أقل من ساعتين "
نظره وبسمه وصمت وكم كلمه حشو

ما كانوا أغراب كانوا أقرب من الوتين
وصاروا مثل غيرهم بس ولّعونا ومشو

خلوني أموت من برد الجفا و الحنين
وأعيش مع كل ذكرى في كنفها نشو

لو كانوا أحباب ما خلوني أجلس حزين
إن كان في نفس موقفنا الحزين إبلشو

[علي]

الي على الفطره وصافي مع الناس
في هالزمن محسوب دقه قديمه

واللي على غرات الاجواد : بلاس
يلقى من الغادين : حشمه وقيمه

- يوسف بن غالب

[علي]

تستاهل الرتبة متون المطانيخ
اللي بهم في ساعة الضيق نخوة

والا الرخوم تشيلها زود توبيخ
وعزومهم عن شيلة الحمل رخوة

- خلف بن غالب

[مسترٍيَحٍ آلُبآلُ]

‏أجيك ... وهمومي تهد جبال
وأروح والضحكه على وجهي

[علي]

قليل المروّه، لابغى الزود عوّد دون
يرى النقص في نفسه، من الحقد والبغضا

لاشاف العرب تثني على الصامل الدندون
غدا فيه مثل اللي تسعّر امن الرمضا

- فالح بن قشعم

[مسترٍيَحٍ آلُبآلُ]

استفدت من الذيابه ومن نبح الكلاب
واستفدت من الرغا واستفدت من الهدير
ماكسبت الا معرفة.. عزيزين الجناب
ولاخسرت ..الا معرفة ..عديمين الضمير

[علي]

"عليك شهر الله يتبارك هلاله
من ليلة صيامه إلى ليلة العيد"

[مسترٍيَحٍ آلُبآلُ]

ماعاد فيني حيل لمعاتب النّاس
‏مليت اداريهم وأساير هواهم
‏
‏اللي ييون القرب على العين والراس
‏واللي يبون البعد ربّي معاهم

[مسترٍيَحٍ آلُبآلُ]

عليك ياللي كل ضحكاتك جمال
تهمني وانا ادري انك تهمني
انا غرقت بوجهك العذب الزلال
احتاج من ايديك موج يطمني

[عآزفّ النّآي]

الله يسامحك ما ظنيت هذا جزايـآ
ليه تّبكي عيوني يا مظلت عيوني
أحسب إنك بدرب الود تمشي معايآ
ليه تقسى عليّ وانت قلبك حنوني. !

[عآزفّ النّآي]

الله يرحم حبنا اللي قتلتـــيه
جفت دموعي والبقا فى حياتــك
ياللاسـف كل الاسـف مابكيتـــيه
انتى الغرور اعماك مع حب ذاتك
انتي بديتي الحب وانتي نهيتيه
اقرى عليه الفاتحه فى صلاتـــك
انتي رعيتي الحب وانتي طعنتيه
توني دريت ان الغدر من صفاتـك
انتي شريتي الحب مني وبعتــيه
عسـى الثمن يكون سبت غناتـــك
انتي بنيتي الحب وانتي هدمتـيه
الله واكبر من يسـوي سواتــك
انتي رسمتي الدرب بس مامشيتيه
اعماك عن درب الغرام التفاتـك
انتي كتبتي العهد وانتي مسحتيه
مـحـاولة تزوير فى ذكرياتـــك
مره لبستي الحب ومره فصــخــتيه
هــذا الهوى لاتحسبينه عـباتــك
خلي هبالك ينفعك واستغلـــــيه
روحي وري اللي قال لك ياحلاتــك
اخذي الهوى وياك ليش احتفظ فيه
يمكن يجي له يوم يهدم حياتـــــك

[رآنيا]

العين بعدك لم تنظر إِلى حسن
‏والنفس بعدك لم تسكن إلى سكن
‏كأن نفسي إذا ما غبت غائبة
‏حتى إذا عدت لي عادت إِلى بدني

~

[علي]

لا صرت واحد من النخبه و شاعر عظيم
نادر تحصّل من الشعار : قدر و غلا

بـ تشوف في معظم الشعار غِيرة حريم !
لا شافوا الشاعر المبدع ؟ يجيهم بلا

- عبدالرحمن بن جزا

[مسترٍيَحٍ آلُبآلُ]

تراني عارفن مبداك ياذا النجم يابو ذيل
ترى مبداك مبدا شؤم لو صورتك مزيونه
وانا يابعدني لو كان تسبرني من الدربيل
والا ياراعي الدربيل اثر شوشتك مدهونه

[علي]

طويل الشبور اللي مسلط على القعدان
نعرفه مثل مانعرف أنك قصير شبور

اليا اطلق تراحيبه على وقفة الضيفان
تلووت رقاب البل على يمة المقهور

- عبدالرحمن بن جزا

[عآزفّ النّآي]

صايم وطيفك في حشآي يتفطر !!
يقدع من ضلوع الغلا شوق فايض
علّم طيـوفـك .. لاتجيني تمخطـر
تعتقني لين افطر وآصلي الفرايض !!

[علي]

تعرفني ماني بشروى طراطير
مثقف وكلش محسب حسابه

وعشت الفقر واليوم ضمن الهوامير
وبنيت لي قدر ومقام ومهابه

- أحمد الجريفاني

[عآزفّ النّآي]

مَثل الامِل لاعآشْ فيّ دآخِل إنسآنْ
قدّركِ يعيِش بصَمتْ دآخل كيآنيِ ..!
اشَتقِت لك حتىَ بكى الشُوقْ وأشِتآقْ
وحنَيتِ لكَ حتِى الحنيَنْ أشَتكآنيِ ..!

[مسترٍيَحٍ آلُبآلُ]

يامعشم خاطري معك بكبار الشفوف
‏راحت الدنيا .. مراح السنين الخالية

‏أحسب إن ما للهقاوي نصيب من الحسوف
‏لين ما لِحقت على الأولات .. التالية

‏كان لي عندك معزة ولي منك معروف
‏سلّني مع سلوة أهل القلوب السالية

‏ولا تكلمني على عزة النفس العيوف
‏والله إن نفسي مثل ما أنت غالي، غالية

[عآزفّ النّآي]

الجو غيم و خابرك تعشق الغيــــــــم
دآيــــــــــــــــــم تقول أنّ المطر لمة أحبــــــآب
ريحـــــــــة ثرى و ذكــــــرى غلآ فيني تهيـــــــم
و أبيات شعر و أغنية نوح و عتاب

[عآزفّ النّآي]

من اول لك عندي معزه ومقدار
واليوم قلبي فيك خيبت ظنّه!
بعض الخطايا ماتداويها الأعذار
أليا طرن على الخفوق اوجعنه
أنا أحتملت جروح في عمري كبار
ماصحت انا منهن ولا ابديت ونّه
زعلك ماهو ذنبٍ ندخل به النار!
و رضاك .. ما يـفتح لنا باب جنه!

[عآزفّ النّآي]

الغالي ما ينعـــــرف غير لا غــــآب
والي تحبه تعـرف قيمتـه لا فقدتــه

[علي]

طيحةٍ ماهي من عيون النشامى ؟
لو ضلوعي تنكسر .. ماهي قويّة

- عبدالمجيد العزّه

[علي]

من كابر وضحى برغبات الهوى ماهوب لاش
اللاش من دنق على احلامه يحب كفوفها

اما نجي مثل الهوى ولا المطر ولا بلاش
خليتها من قلب ما خليتها بظروفها

- رفعان العرجاني

[علي]

لا و اللي الذي يمم عبيده لـ مكه
لا نظلم الطيب .. ولا نمدح الاش

- علي الأكلبي

[علي]

لو ان الغيب يُعرف وان شفوف المستحين اتْشاف
لما ذابت ضلوع الصدر من حُر التحسافي !

عسانا لاخذانا للمعالي والطموح شْعاف
تخاوينا الحظوظ الطيبه والصاحب الوافي

- جبّار المعاوي

[نايف]

لاعسعس الليل زادت وحشتي وينك ؟
الصوت ما يوصلك و الشوق ما جابك

شكراً بـ حجم الغـلا اللي بيني و بينك
ولّا بـ حجم الجروح اللي من أسبابك

[نايف]

مستقبلك ماله شغل بالذكريات
‏اللي شراك اشره ومن باعك بعه

‏وان قفلت في وجهك الأربع جهات
‏اختر جهه غير الجهات الاربعه

[علي]

ركعة بجوف الليل والخلق هجّاع
تسوى ملذّات الحياة .. ورغدها

- حامد صنَّات

[آيلا]

يا سعود يا مسندي، ربعـي دنـاويه
وأنـت صغيـر غـريـر يا بعد حالي
أرقـد على الحـزم كنـي بالمـدينـيه
من حــرة القــلب يا لمضنـون يـالغــالي

[علي]

تبين شعاع الصبح ما نامت الأعيان
سرى الليل كله ما بقى إلا عراقيبه

وأنا أحاضي الدلة على صاهد النيران
على جال جمراً حاميات ملاهيبه

- سعود العزيزي

[علي]

لو للنوايا صوت بالسمع نوحيه
يا مكثر اللي خوته نجتنبها

- عوض البلوي

[نايف]

أترك مسافة كافيه بينك وبين الآخرين
بعض البشر ودك حدود المعرفه معهم سلام

[رآنيا]

أُحِبُّكِ حُبًّا لو يُفاضُ يسيرُهُ
‏على الخلقِ ماتَ الخلقُ من شدّةِ الحُبِّ
‏وما كنتُ ممّن يدخلُ العشقُ قلبَهُ
‏ولكنّ من يُبصرْ جفونَكِ يعشقِ
‏نقل فؤادكَ حيثُ شئتَ من الهوى
‏ما الحبُّ إلا للحبيبِ الأوّلِ

~

[علي]

ان كان كلمة خطاء من صاحبك جاتك
من طيبتك خل نفسك كنّك المخطي

- حاكم بن مشعل المعلا

[مسترٍيَحٍ آلُبآلُ]

وقالتِ بدو
وصدت وقالتها بقرف
بنت الأكابر والترف
متكبره .. متعاليه
يعني بدوي يقعد طرف
قالت بدو
والمعنى دون المستوى
ماحنا وياها سوى
احنّا بنظرها من نكون ؟
ريشة يطيرها الهوى
مفهومهما حنّا عدد
رقم ولا أكثر بعد
يعني مجرد تكملة
ولا فهي أصل البلد
قالت بدو
تعني صفر على الشمال
هذا على أحسن احتمال
تصدر حكم ، ما تلتفت
تحكم ولا تترك مجال
قالت بدو
متصورتني باستحي
وأترك مكاني وانتحي
وتفاجئت ، تغيرت ، تلعثمت
ما تدري أني بافتخر
ولي الفخر
حنّا بدو
حنّا عمى عين العدو
حنّا البداوة وضعنا
وأهل الوفا هم ربعنا
حنّا نتفاخر بأصلنا
يا بنت هذا طبعنا
ماهي بداوة تلفزيون
ولا مسلسل أردني
بس بدوي بالميكرفون
ولا هد سيفه ينثني
ولا بدو بيت السدو
حنا البدو
حنا بداوتنا الأصل
بالقمة حنّا مو أقل
حنّا بداوتنا تراث
من جيل لي جيل انتقل
حنا معاني ساميه
نروي السيوف الضامية
نرد المنايا ما نهاب
لو هي سعاير حاميه
حنّا بدو
حنّا البداوة عيدنا
ما ناكل إلا صيدنا
ما نعيش عالة مجتمع
نموت .. ما نمد أيدنا
حنّا البدو
حنّا البداوة بدمنّا
ما نسمي أحدٍ عمنّا
حتى ولو منهو يكون
لو هو زعل ما همنّا
حنّا بدو
حنّا البداوة عمرنا
ماحد بيصبر صبرنا
لأنها مصنع للرجال
نمشي وتمشي بأمرنا
حنّا البدو
حنّا البداوة أصلنا
حنّا البداوة فصلنا
حنّا بدو متماسكين
وهذي نتيجة وصلنا
يا بنت ياللي تضحكين
قلتي : ابدوي تستهزئين؟
غرج لباسج الأجنبي
والمشكلة ما تعرفين
أن البدو أصل العرب
تبغين هالكلمة طرب
صارت نشب
يا آنسة
يا عانسة
يا ضايعة ومستانسة
يا تارسة وجهج صبغ
يا تارسة عينج شدو
حنّا البدو
ولو كان قلتيها بقرف

لنا الشرف

أنّا بدو
حنّا بدو
حنّا بداوتنا شيم
دين وقيّم
معنى كبير
ما أظن مثلك يعرفه
لو تدعين المعرفه
شي عسير
ما أظن مثلك ياصله
صعبه ولاهي حاصله
كلمة بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للأهل
كلمة بدو
تعني الشيم
فعل وكرم

مبدأ حضارات الأمم

حنّا القمم
نارٍ على راس العلم
يشهد لنا سيف وقلم
وإن كان ما عندك خبر
لنا الفخر
لو عشنا ببيوتٍ شعر ..
عيشة ألم ..
عيشة فقر ..
عيشة تعلمنا الصبر
ما نقترض لجل السفر
ونحسّب أيام السفر
ما نفترض
ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنة رمل
هي الدوا
واهي العلاج
عيشة رضا
ماهي نكد
ما فيها تعقيد أبد
ساعات ما نلقى ذرا
يكفي نتلحف بالنجوم
وفراشنا رمل الثرى
وسراجنا نور القمر
لا من ظهر
وننام من عقب العشا
ونصحى قبل وقت الفجر
نؤمن بقضانا والقدر
ماهو كسل
ولا نعيش بلا أمل
نملك طموح
علم وأمل
ونرعى الإبل
ونرعى الغنم
ونعزف من الونه نغم
ونتابع أخبار المطر
وندوّر الروض الخَضَر
ونسري ورا
برقٍ سرى
ولا نتراجع للورى
ونبحث عن المرعى العشيب
ومن شعيب إلى شعيب
ما نستقر
عنواننا كل الديار
تجوالنا ليل ونهار
نعيش عيشه هاديه
وهذي حياة الباديه
سنة الربيع ، سنة دهر
ورغم الفقر
نخاف من قولة أفا
ونتعب على قولة نِعِم
ونعيش عاليين الهمم
من فضل ربي ما نخون
نرعى الذمم
ونركض ونتعب ما نمل
ماحنا مثلك لا شغل ولا عمل
ما غير بس أكلٍ ونوم
ومن الشحم ضاقت عباتج والهدوم
يا أسمن أنواع الحريم
يا عايشه على الريجيم
يا آنسة
يا عانسة
يا ضايعة ومستانسة
يا تارسة وجهك صبغ
يا تارسة عينج شدو
حنّا البدو
ولو كان قلتيها بقرف
لنا الشرف
أنّا بدو
ياللي تقولين ابدوي
أنا ابدوي
ولي الفخر أني ابدوي
عزمي قوي
ما أخون
ما أبوق الخوي
يبدأ نهاري بالصلاة
وأصارع أمواج الحياة
ما ضاقت الدنيا أبد
ولاني من أصحاب الحسد
أرفع ايديني للسما
وأطلب من الله واستخير
ما اقول يمكن ربما
ولا يصير .. أو ما يصير
محافظ على الخمس الفروض
واضح ولا أحب الغموض
ولا أتلون والتوي
لاني ابدوي
متمسك بأصالتي
ولا أغير لهجتي
أنا ابدوي
في فزعتي
وفي قومتي
وبقعدتي
وفي مشيتي
وفجلستي
وفي كلمتي
وبنخوتي
وحتى عقالي ولبستي
ولو قلتي عني فوضوي
ما ضرني
بالحيل يا بنت ابدوي
ويسرني أعرف .. من أنتي ؟
ومن أنا ؟
والفرق واضح بيننا
تدرين وأدري من أكون ؟
ويكفينا نعرف بعضنا
أنتي مثل عمر الزهور
مالك عمر
مالك سنين
شهرين ويجيك الجفاف
وتذبلين
وتصبح ألوانج باهتة
وأنا جذوري ثابته
ماخذ من الصحرا الهدو
وإن كان هذا يسعدج
حطي على راسك يدج
هالمرة لا قلتي بدو
يا تارسه وجهك صبغ
يا آنسة
يا عانسة
يا ضايعة ومستانسة
يا تارسة وجهك صبغ
يا تارسة عينك شدو
حنّا البدو
ولو كان قلتيها بقرف
لنا الشرف
أنّا بدو

[آيلا]

طرد الهوى عقّلت دونه ركابي
لو كـان ماعلقتهـن ياصلنـه
ادور الغفران باتلـى شبابـي
والاّ اوله قد فات مافيـه جنـه
الحب في ماضي شبابي سطابي
لزوم تظهر شارته لـو نكنـه
يدري به اللي صايبه ماجرابي
يابين شاراته على اللي مشنّـه

[آيلا]

هنيكم يااهـل القلـوب المريحـه
ماالوم عيني لو جرى دمعهـا دم
ابكي هلي أهل الـدلال المليحـه
اخواني اللي اذا بغـوا لازم تـم
يالعبدهاذي من حكايا الفضيحـه
خل السهر لي وانت يالعبد قم نم
من أول نأمـر تجـي بالذبيحـه
واليوم ياعصر الندم صرت لي عم

[مسترٍيَحٍ آلُبآلُ]

اجمعيني مع شتات الذكريات
وانثريني قد مأنتي تقدرين

ماني اول من تشتت في الحياة
ولاأني اخر من سكن جوف الانين

وش بقى عقب انتحار الامنيات
وانهزام الشوق في ارض الحنين

[مسترٍيَحٍ آلُبآلُ]

" مستريح البال والوقت معروف
والزمن مهما غدربك لا تضيق

النصيب يصيب لوجاتك ظروف
والفراق فراق لو زان الطريق"

[نقاء الورد]

و لقد رأيتُكَ في منامي ليلةً. فنَسيتُ ما قد كانَ مِن أحزاني

و حَسبتُ نومي في حضورِكَ يقظةً
حتى أَفقتُ على فراقٍ ثانِي

لو كنتُ أعلمُ أنّ الحلمَ يجمعنا
لأغمضتُ طولَ الدهرِ أجفاني

[نايف]

احب لي شخص جعلي ماخلا منه
‏حب ً لعب فيني السبله وانا مدري ..

‏اذا بكا ودي اني اللي بكى عنه
‏واذا ضحك ودي اضمه على صدري !!

[آيلا]

برق مصد عنك لو كان بـه نـور
بالك تخيله لـو ربيعـك شفاقـه
ترى الرجال ابهم تمازيح واغرور
ومن قبل بخصه لا يجي لك عشاقه

[علي]

الفراق ايمزع القلب مزاع السحاب
الحظيظ اللي ما ناشه من الفرقا طرف

لا تهمك غيبة الحي، لو طال الغياب
بتعرف وش هي علومه لو انه ما عرف

خف من اللي له مكانٍ على حمر الرقاب
لا خطف غاليك جدد جروحك وانصرف

موتت الغالي عذابٍ من أشد العذاب
ما يخفف وقعها الا انها موتت شرف

- معتق العياضي

[مسترٍيَحٍ آلُبآلُ]

الله يبيض وجه سود الليالي
والله يسود وجه هقواتي البيض

[علي]

يا الله الوالي بك العبد استغاث
يا سميع ويا مُجيب ويا مُغيث

احفظ بلادي، وجنّبها ثلاث
الفقر، والحرب، والفكر الخبيث

- محمد الذرعي

[آيلا]

طال الغياب ولا بقى في العمر شي
وضاعت سنيني ونت موجود فيني
انا الذي من ضاع عمره به الحي
اتأمل الذكرى وماضي سنيني
مثل الكفيف اللي فقد شوفه الضي
امشي وخطوات الالم تحتويني
ليت الزمن والحظ يخدمني شوي
وارسم ملامح صورتك وسط عيني

[نايف]

الا يابحر بحر الخليج اللي على شاطيـك
غلاه اغلى من امواجك ولولوك ومرجانـك

[عآزفّ النّآي]

درب التجـنّي أعــــــــرفه بس ماادلّه
عشت آتصدّد عن اللوعة و عذالي
و الحيـــــن مالي خفوقٍ يحتـــــري خِلّه
الحين صوتي حزين و مُعْدَم و بالي
و لا فيــــه شيٍّ يداويـــــــــني أبوصل له
عـــــــــزّاه صوتي مآ عـآد يجــــــــرّ موَّالي

[مسترٍيَحٍ آلُبآلُ]

ابشرك واقف على العز ماطحت
‏وان شفتني طايح ترا في منامك ..

[عآزفّ النّآي]

التعب هدّ حيلي والأماني سراب
والغلا ضاع مني والخفوق انكسر
صدمتي به كبيرة بس ما يوم غاب
غاب زوله وطيفه في خيالي حضر
احتري طلّته وافتح من الشوق باب
يمكن يزورني والقى لقلبي جبر
مرّت أيام والمشتاق بالشوق ذاب
راح عمري وقلبي للفرح ينتظر
_
سارةالبلوي

[عآزفّ النّآي]

تكفون ياهل الدردشة والتغاريد
لحظه مع القرآن لو ربع ساعهہَ
تـلاوتـه ! تبـرّد "الصدر" تـبريـد
فيها طمأنينه ، وراحة ، وطاعهہَ

[علي]

ياللي عطاك الله ومن فضله اغناك
ومضت بك الايام ما ادّيت فرضك

لاجل التنزّه درت في سبع الافلاك
وللحج تحجّج بانشغالك وقرضك

تغـانـم الايـام مـن قبـل تبـلاك
دام الله معافيك والحج بارضك

- فايز بن سليمان العبدلي

[علي]

هم يحسبون الصداقه حجً وحاجة
كلً يدور منافعه وضحك سَنة

يومنهم بين حَساده وهراجه
كنّا ما بين الوفا والتضحية حنا

من العطايا الين الضيق وأفراجه
ما بيننا فضل و لا بيننا منّه

من اول اعمارنا للـ قبر واخلاجه
" انا صديقي صديق الارض والجنه"

- جـَـوى

[عآزفّ النّآي]

الحيــآ يجبـــــرّ خوآطــــــــــرنــــــآ على كَتــــــــم الكـــــــلآم
والحيــآ يجعل مشآعـــــــــرنآ تصون و مآتخون
والسّمآ لآ مآتضيق أن كآن يغشاهآ غمآم
والصَدر يبقى رحب لو يمتلي ضيق و شجون

[مسترٍيَحٍ آلُبآلُ]

ما يحتاج أبرر لك ما يخفيه لك مغليك
شواهد قلوب البث من طيب مرسالي

ركايز محبتنا ما تبنى على التشكيك
ماهي من ركايز مجتمع وقتنا الحالي !

[رآنيا]

وإذا البشـائرُ لــمْ تَحِــن .. أوقاتُــها
‏فلِحكمـــةٍ عنــدَ الإلـــهِ .. تأخَّـــرتْ

‏سيسُوقُها فِـي حينِـها .. فاصبرْ لها
‏حتَّى وإنْ ضاقتْ عليكَ .. وأقفَرتْ

‏تجرِي دمـوعُ اليـأسِ منكِ .. ورُبَّما
‏عندَ الصَّـباحِ .. تـرَى البشائرَ أنورَتْ

[عآزفّ النّآي]

هلت دموعـي غصب من حـــــــــرّ شوقي
والبــــــرق يفـــضح بـ اسـود الــليـــــــــل لمعه
بـ أجــيــــــــــــك ابارك من خفــوقٍ صدوقي
واشعل لك بيـوم الفـــرح الف شمعه
واعلن غلاك بصمت واحرق خفوقي
واظحك واقول ان الفرح ساق دمعـه

[علي]

السماء تمطر والأزهار تْبللّ
لا ضحك وجهك عقب هلّ العباير

- ناصر مناحي

[مسترٍيَحٍ آلُبآلُ]

" بين اللقاء والوداع أقل من ساعتين "
نظره وبسمه وصمت وكم كلمه حشو

ما كانوا أغراب كانوا أقرب من الوتين
وصاروا مثل غيرهم بس ولّعونا ومشو

خلوني أموت من برد الجفا و الحنين
وأعيش مع كل ذكرى في كنفها نشو

لو كانوا أحباب ما خلوني أجلس حزين
إن كان في نفس موقفنا الحزين إبلشو

[عآزفّ النّآي]

تعال أقهويك من كيف الغلآ دله
..................سويتها فوق نآر الشوق لعيونك
مادام عرش الغلآ فالصدر تحتله
........................ لو تكثر النآس حولي لا يهمونك

[نايف]

العام ندعي عسى الله لايفرقنا
واليوم ندعي عسانا نلتقي صدفه

[رآنيا]

عجزت اميز بالغلا بين اثنين
عجزت اميز بين روحي وذاتي
ان قلت هذا عين فالثاني عين
وان قلت هذا عمري فالثاني حياتي
مثل الهواء والماء لروحي عناوين
مثل الجسد والروح ذولا حياتي

غلا ومحمد :599:

~

[طُليْطل]

وتزودت الشذى من مرشف
بفمي منه إلى ذا اليوم نفحُ

[عآزفّ النّآي]

يكفيـنـي مــن بـعــدك وســـوم النـحـافـه
ويكـيـفـك مـــن قـربـــــــي لـزلآتـــــــك روآق
دام الألـــم جــرحـــــــــــــــــــك أحــبــه وأخــافــه
وش عاد لو شلتـه معـي خـوف وعنـاق
ولـيــا ذكـرتــه جـــ ر ح .. كــلــي أعــافــه
ولا جيت أبرمي الجرح لعيونك أشتـآق

[مسترٍيَحٍ آلُبآلُ]

ماهو صحيحٍ كل مطرود ملحوق
ياما غدا للمهتوي من طرايد
⠀
و ما كل من هاز النوايف رقى فوق
ولا كل طيرٍ يوكد الطّلع .. صايد

[عآزفّ النّآي]

الله عليها عودت وانا احسب الغالي نسى ... الله عليها لي بغت ما يطفي الشمس المسا
هلت سحابة وصلها على حياتي وازهـرت ... واهتز قلبي من نبات الحب زهرٍ واكتسى
يا وصلها الغالي هلا حييت ياعز الطلب ... لا خيـــر في قــــــلبٍ على مغليه بالدنيا قسا وش خانة الحب البعيد إن كان عشاقه يموت ... يخيــــــل بـــــــراقه وهـــــــــو ما ذاق طعــــمه واحتســــــــــى
ياحلم الايام الشداد ياحلم الايام الليان ... ابطيـــــــــــــــت اقول الله كريــــــم والكلمه .عسى
من عقب وحشة ليلتي هلت تباشير الصباح ... عـــــادت وليفة هاجسي عــــــــــآدت مزعلـــة النسا

[مسترٍيَحٍ آلُبآلُ]

اجمعيني مع شتات الذكريات
وانثريني قد مأنتي تقدرين

ماني اول من تشتت في الحياة
ولاأني اخر من سكن جوف الانين

وش بقى عقب انتحار الامنيات
وانهزام الشوق في ارض الحنين

[عآزفّ النّآي]

قُومي إلى الرقص وامتدِّي كساريةٍ
تستـدرجُ الريحَ كي لا يذبـلَ العَلَـمُ
كُوني أخفَّ من اللَّا شيء وانطلقي
صِفــراً رشيـق الخُطى مِثقالُهُ عَدَمُ
تِيهـاً تُحَدِّقُ فيكِ العينُ شــــآخصةً
كما يحدِّق في وجه المدى صنــــمُ
والأرض حولكِ تنسى جــآذبيَّتَهــآ
حتى تُــرآقصَكِ الآفـــآقُ والقِـــمَمُ

[رآنيا]

"وإذا الشدائدُ أقبلتْ بجنودِهَا
‏والدهرُ من بَعد المسرّةِ أوجعَكْ

‏لا ترجُ شيئًا من أخٍ أو صاحبٍ
‏أرأيت ظلّك في الظلامِ مشى معَكْ؟

‏وارفعْ يديكَ إلى السَّماءِ ففوقهَا
‏ربٌّ إذا ناديتهُ .. ما ضيَّعَكْ"

[مسترٍيَحٍ آلُبآلُ]

كثرت الاصحاب معاد منها الا الدمار
واكثر الناس استخفو مع المستخفين

اتعجب من سواليفهم ليل ونهار
كلبوها ما تنومس وهم متنومسين

الثنى والشكر لله على كبر الوقار
في عيون اللي يعرف الخفيف من الرزين

من تفاهات العقول وسخافات الصغار
ما طلعلي شيب لحيه طلعلي شيب عين

فاهقً عمري عساني من طوال العمار
أربعيني لو ماني بحول الاربعين

[عآزفّ النّآي]

لا تفتحي بابَ الفؤادِ لطـآرقٍ
فهنــآكَ أطفــالٌ،تدقُّ وتهـــربُ

[رآنيا]

أراك جميلاً تمرّ بعيني
و تدري بقلبي يحنّ إليك

تأكد بأنك رغم التنائي
جديرٌ بحبي سلامٌ عليك

[ود البابلي]

مهلًا ولا تتعجّلِ الأحكامَ والظنّا
فالقلبُ يخفي من الأوجاعِ ما أُعلِنا
مهلًا فكم كلمةٍ قد قيلَ ظاهرُها
لينٌ… وفي باطنِ المعنى لظىً دَفَنا
إنّي تعبتُ من التبريرِ متّكئًا
على السكوتِ إذا ما الحزنُ قد سكَنا
دعني أرتّبُ هذا الروحَ من تعبٍ
فالعمرُ أرهقَ قلبًا ضاعَ وامتهَنا
لا تسألِ الليلَ عن دمعي وما صنعت
أيامُنا… فهو مثلي صامتٌ حَزِنا
مهلًا… فإنّ الذي في الصدرِ مُتّقدٌ
لو باحَ يومًا… لأبكى الصخرَ والوَطَنا.

[عآزفّ النّآي]

خذني من أقصى الذآت لين أول الذآت
وسجـــل على نفســــك بقآيـــــآ أمنيـــــــــــــآتي !
أستـــــــآذنك في كل مــــــــآ اقفى ومآفآت
وآستودعــــك بآلـــــــلي بقى من حيــــــــــآتي !

[رآنيا]

لا تصغّرين النفس وأنتي كبيره
‏ولا تمسكين الوقت وأنتي الخيارات
‏ولا تسمعين الزيف وأنتي بصيره
‏ولا تغيرين الطبع وأنتي القناعات
‏ولا تشابهين بشي وأنتي الأخيره
‏ولا تسابقين الغير وأنتي البدايات
‏ولا تقبلين القل وأنتي كثيره
‏ولا تطلبين الحل وأنتي الاجابات

~

[عآزفّ النّآي]

نَكادُ حينَ تُناجيكُم ضَمائِرُنا
يَقضي عَلَينا الأَسى لَولا تَأَسّينآ
حالَت لِفَقدِكُمُ أَيّامُنا فَغَدَت
سوداً وَكانَت بِكُم بيضاً لَيالينـآ

[رسم]

،.

‏ رجعت من الغياب المرّ لكن ما رجعت إيّاي
‏ يا ليت اللّي يردّ الغايبين .. يردّني يمّي ..!

[رسم]

،.

" من حقي اشوف بوجيه البشر غربه
‏ما دام قلبي يشوف ان الوطن وجهك "

[عآزفّ النّآي]

عزاي إني على قيد الأمل لو السنين تميل
مثل شمسٍ تعدّاهــــآ المغيب وتنتظـــــر بكره

[نايف]

خلك سما واترك القاع للقاع
‏وارفع عيونك ، للنجـــوم المطله!

‏وخلك مثل ما قيل للعـزم تبّاع
‏مافيه صعب ، إلا وربك يحله!

[عآزفّ النّآي]

بـ إمكآننـآ نبعد ونبقى على شوق
مـآكآن له دآعي .. تشوّه غلآنآ
نعشق بعض بـ الذوق ونغيب بـ الذوق
تعكس مشـآعرنـآ .. حقيقة هوآنآ
يفرض علينـآ الوقت يـآ عمري حقوق
وقيود تشعرنـآ .. بقيمة عطـآنـآ
بـ إحسآسنآ نلغي مسـآفـآت وفروق
وبـ عنآدنآ .. نرسم .. نهآية خطـآنآ
جرح الشعـور يموت قلـوب و عروق !
وتعيش لـ الذكرى .. معـآلم وفآنآ
من غفوة الإحسـآس لآ بد بـ نفوق
إمـآ .. نسينآ الحب والآ نسآنـآ !!

[البدر]

لا تمر في راسي وعندي امتحانات
اتبعثر افكاري وتشتت طموحي

اذكر تفاصيلك وانسى الاجابات
واذكر زمانٍ كنت بالروح روحي

بقلمي
:633:

[عآزفّ النّآي]

نفسي عزيزه سامية فوق يا فـلآن
وأبعـــد من نجـوم الثريــــآ محلي
يــآ مرتضي بالهون دورلك أقرآن
يكــون لك بــدرٍ وشمـسٍ وظـلي
يمشي حسب رايك على كيف ما كان
ويبــآدلك زيـف الغـــلاا والتسلي

[مسترٍيَحٍ آلُبآلُ]

ما كل ما تلقاه عينك تمناه
بعض الاماني تنصدم بالحقايق

ولا كل شيٍ في الحياه انتحداه
الاقدار تحكمنا بحكم الوثايق

ولو كان كل اللي بغيناه نلقاه
ما شفت فالدنيا حزينٍ وضايق .

[نايف]

تجي بسمتك في البال وتفز لك الاضلاع
ترفق بـ روحٍ في محياك مطمعها

لقربك سبقني شوقي اللي لا شافك ضاع
ولحظات عمري دامها معك .. ضيعها

[عآزفّ النّآي]

يطيــــح طيفك وأنتثـرّ في زواياك
والمّ طيفـــك والعتـــــب يعتــــــــــريني
وتردني الذكرى لــ ضحكة شفـاك
وارسم لها بسمآت بيني .. وبيني

[مسترٍيَحٍ آلُبآلُ]

بعض الكلام اللي ماتحسب له حساب
في .. قلب غيرك ما يمـر بسهوله
َ،،
خلك .. مع آلعالم تعاملك من باب
اللي .. ما ترضى تسمعه لا تقوله

[عآزفّ النّآي]

‏ياليتني طفل .. أجي لك أسلم
وأجلس بجنبك وآنشدك عن علومك
ﻻحدن علي نـــآقد.. وﻻحدن معلم
طفل يسلم لعنبو.. من يلومه. ا!