مشاهدة النسخة كاملة : كشكول حياتي
الصفحات :
1
2
3
4
5
[
6]
7
.
لعل رياح الشتاء تبعثر رماد الذكريات..!.
.
الموازنة بين شدة البرودة والصداع تحتاج إلى بكاء .
.
النوم مهم وفي الشتاء مهم ولذيذ جداً.
.
تنزف قلوبنا لكننا نعرف كيف نبتسم..!.
.
بداخلي مدينة مظلمه رحل سكانها
وفي كل ليلة انظر إلى السماء
اتحدث مع النجوم وكأنها تسمعني
وابتسم كثيراً كأنني اعلم ماذا قالت
.
حتى اليأس حين يمر يصُد عنّا..!.
.
تزداد البرودة وتزيد مشاعرنا الدافئة
نفيض شوقاً و حنيناً ونحتاج لمن يدثّرنا
.
حسن الظن بالله ثم الثقة بالنفس نقفز بها كل العقبات..!.
.
لذة الشتاء حين تستيقظ صباحاً
هدوء وقهوه وهذي بحد ذاتها سعاده
صباحكم سعاده
.
الاجازه سلاح ذو حدين
< زايد وزنه : (
.
مساء الخير
منورين جميعاً ومشكورين على مروركم الكريم
سعود / النور نورك يالغالي البلاء فينا مو فالاجازه هههههههه
.
مازلت احافظ على صوتي والتزم الصمت..!.
.
يستكثرون عليك أن تعيش ألمك ، كأنك بلا مشاعر..!.
.
اللهم صلِ وسلم على نبينا محمد وعلى آله وصحبه وسلم
.
ربطت قدومك بالمطر وحين أتى لم تأتين
ثم ربطت قدومك بالشتاء وحين أتى لم تأتين
وسأربط قدومك بالربيع وأعلم انك لن تأتين
.
يخرج من العاطفة اصدق شعور يصعب عليك أن تتخطاه
ويخرج من العقل امر منطقي تجاه ذلك الشعور وقد يكون قاسياً
ثم تعصف بك الحياة لبعض الوقت لكن حقيقتك تنصفك بعد ذلك .
( الحياة لاتتوقف )
.
٢١ يناير
في مثل هذا اليوم وقبل ثمانية أعوام
كان ذلك اليوم لايُنسى إطلاقاً بل تتجدد ذكراه
حتى ان لديّ مدونة وخاطرة باسم ذلك اليوم
تغيرت التواريخ وحلت تواريخ أخرى تستعمر أفكاري
ك يوم ميلاد من أحببت وك اليوم الذي فيه افترقنا
ومازلت أواجه ذكرياتي وذاكرتي بحلوها ومرها وانا ابتسم .
.
أحياناً نشعر ان الهدوء الذي نمر به مجرد كمين..!.
.
٢١ يناير
في مثل هذا اليوم وقبل ثمانية أعوام
كان ذلك اليوم لايُنسى إطلاقاً بل تتجدد ذكراه
حتى ان لديّ مدونة وخاطرة باسم ذلك اليوم
تغيرت التواريخ وحلت تواريخ أخرى تستعمر أفكاري
ك يوم ميلاد من أحببت وك اليوم الذي فيه افترقنا
ومازلت أواجه ذكرياتي وذاكرتي بحلوها ومرها وانا ابتسم .
قبل تسعة* أعوام : )
.
نفسيتي في حالة حرجة
<= مشتاق للراتب :63: :63:
.
اللهم راحة ف القلب والعقل والجسد..!.
.
اباغتها رغم اني ماانوي اباغت
دايم كذا تجيني الاشواق كل حزه
ياكثر ماتغزلت وياكثر ما راغت
تخجل وتدري انها اجمل مُـزه
لحد يشره الساعه 12 حزة حنين : )
.
لابد من إزاحة بعض الثقل عنّا ولو كان خيالاً
لذلك نهرب عن الواقع قليلاً ونلجأ إلى الوهم
ثم نعود لنرى بوضوح ونتأقلم مع كافة الظروف
.
آخر ليلة في حايل والنفسيه صفر مكعب : (
عموماً انا بكل الاحوال نفسيه هههههههه
إن شاءالله اذا صحيت الجو يكون حلو واسافر واغير جو
واول مااوصل اتابع مباراة الهلال واستمتع <== يواسي نفسه
صباح الخير جميعاً <= بدري :291:
.
اشغل فلم والا اكتب خاطره
والا اتهور واكتب قصيده بالفصحى
والا اطلع من البيت واخذ لي قهوه
والله الواحد مايدري وش يسوي اذا نفسيته تبن
طبعاً النوم مستحيل يجي وانا بهالحاله <= واضح مطنقر :269:
بالله لحد يشره ترى انا احب افضفض لمدونتي
<= قاطع علاقته مع البشر ههههههههه
.
هاردلك يالربع :ff1 (33):
التغيير وادخال عيد المولد
كان نقطة التحول في المباراة
لاعب صغير ومباراة خروج مغلوب
وانت تحت ضغط هجومي
مفترض تعتمد على لاعبين الخبره
وتوجهم بالحفاظ على الكوره اطول وقت ممكن
والخروج من المناطق الخلفيه والإبتعاد عن الدفاع المبالغ فيه
عبدالله رديف رأس حربه اخر عشرين دقيقه مدافع!!!
كوريا فازت بالإصرار والعزيمه والخبره
حنا خسرنا بتكتيك مدرب وقلة خبره لاعبينا
معوضين ان شاءالله ف البطولات القادمه وترجعون بالسلامه
مانشيني : مالت عليك يالمروح :452:
.
ذلك الذي يعبر المحيطات بسهوله
كان يدرك انه سيغرق في دمعتها
< ••• >
.
قد لانكون أصدقاء لكننا لايمكن ان نكون أعداء..!.
.
مساء الخير
اللهم لك الحمد
الف مبروكــ انتصار الأردن
الف مبروكـ الوصول للنهائي الاسيوي
انجاز غير مسبوق والمهمه لم تنتهي حتى الآن
ان شاءالله تنتصر قطر بكرا ويصير النهائي عربي
وقتها محد خاسر ان شاءالله والكل عينين في راس
<== نشمي مبسوط بفوز النشاما :185:
.
لا أعلم ماهو ارتباط الحنين بالشتاء
تأتيك ذكرى تبعثرك تلقيك في عمق الماضي
تجعلك تبتسم أيضاً ثم تُقهر ثم تتألم
الأمر الجيد انني استجمع نفسي بسرعه : )
.
.
ذكرياتي كـ موجة هواء باردهـ
وأنا كــ لهيب النار في العـراء
أرى طيفك يستمد الدفء مني
ويغادرني حين أصبح رماداً ، فــ نندثر..!.
.
فاز الهلال وش يعني ؟
الف مبروك نقولها تكفينا
بــ تغريده ، سنابه وانتهينا
ليه مانفرح واجد؟
لأن ماهو جديد علينا الفوز
ولأن طموحنا مايتوقف أبد
ورانا اسيا والدوري وكأس الملك
حنا الزعماء وأسياد أسيا :ff1 (55):
وصباح الخير جميعاً
.
الخطه الحاليه : مفرحات ومسلسل ثم نعود :291:
.
من زمان عن الكتابة
احس فيه حلقه مفقوده
كنت اكتب بسهوله
خواطر ابيات قصيره بالعاميه بالفصحى
الحين كأنه مستحيل يطلع مني شي
شكلي لازم ادور شي يزعلني ويخليني اعصب
<== صاير هادي اكثر من اللازم ههههههه
والا تدرون شكلي بنتظر شويات لين يروح الظلام
الجو اليوم غيم وانا احب الغيم :454:
يمكن اتهيض واكتب شي حلو ويدغدغ المشاعر :150:
ياابني صل ونام وراك صلاة جمعه لازم تصحى بدري <= قريني أبخص :ff1 (7):
سي يو ليتر ياعرب
.
يحب الصباح ويعشق المساء
يحب شروق الشمس ويتأمل النجوم
يحب النوم ويعشق السهر كثيراً
الشخص الاجتماعي وذاته الانطوائي
المتنمر والمتعاطف والساخر والناصح
صاحب المبادئ والذي لايعرف القيود
العاقل المجنون والحنون القاسي
السلس الواضح والعميق الغامض
الثابت والمتغير في آن واحد
صباح الخير يامحال :105:
.
صباحكم سعادهـ :72:
حاولنا نكتب وشغلنا موسيقى حزينه
<= سياسة شلون تخش جو ههههه
والحمدلله خربشنا كم سطر وان شاءالله تعجبكم
مروا علينا ولاتنسون تحطون فايف ستازر وتمدحوني :503:
https://g-lk.com/vb/showthread.php?p=930096#post930096
.
جاني شعور غبي
بغيت احزن عقب الخاطره هههههه
يلا نقوم ونلبس ونسوي رياضه ونرجع الجوع مليون
<= يسوي رياضه كل يوم ويخربها بالأكل ههههههههه
سي يو ليتر
.
في كل يومٍ يمضي يقترب أجلنا
اللهم إنا نسألك حسن الخاتمه
.
ودي انام وودي اعدل نومي
اخاف انام واجد واصير اداوم مواصل
واخاف اكمل ويجي النوم قبل يبداء نهائي آسيا
:104:
.
نهائي آسيوي عربي
مباراة جميله وممتعه
مبروك لقطر الأول والذهب
مبروك للأردن الثاني والفضيه
لايوجد خاسر فالعرب وضعوا بصمتهم في النهائي
شرفتونا في هذا الوصول والمستوى والتتويج
الف مبرووووك وتستاهلون كل خير
وحسبي الله على مانشيني المروح :269:
.
صباح الخير
أجمل شعور تصحي على صوت المطر
> وترجع تنام وتشبع نوم وتقوم تضبط الفنجال وتمخمخ
وتجلس لحالك تستمتع بلحظات الفجر المليئه بالسكون
شوي ويجي دور الفطور < اهم فقرة ف الحياة :ff1 (55):
https://www12.0zz0.com/2024/02/15/00/260507663.jpg
الاستمرار وعدم استعجال النتائج هو كل مانحتاج
.
.
اللهم استر عوراتنا وعورات المسلمين
واشفِ مرضانا ومرضى المسلمين
وارحم امواتنا واموات المسلمين
حسبنا الله سيؤتينا من فضله انا إلى الله راغبون
اللهم صلِ وسلم على نبينا محمد وعلى آله وصحبه وسلم
.
أعلم أن الأيام تمر بسرعه لكن مرارتها لاتطاق..!.
.
اللهم أبي وأمي وكل أحبابي .
.
مساء الخير
منورين جميعاً والف شكر على مروركم
خفايا روح:
ممتن لدعواتك والله يسعدك ويحفظك ويديم لك احبابك .
.
هناك شعور شرحه مؤلم وعدم فهمه أشد ألماً..!.
.
اللهم اشفِ مرضانا ومرضى المسلمين.
اللهم اشفِ مرضانا ومرضى المسلمين.
اللهم اشفِ مرضانا ومرضى المسلمين.
.
تغريني الأجواء البارده
استمتع بهطول المطر
أعشق السفر والكتابه
واحب افلام الإنتقام
ومتيم ب حائل 🖤.
.
أحدهم يبتسم للجميع والآخر انطوائي
أحدهم لا يأبه بشيء والآخر تبكيه دمعة طفلٍ في احد المسلسلات
أحدهم مجنون يحب المرح والآخر هادئ لايتحدث لأحد
أحدهم متعلق بالذكريات والآخر يعيش الحاضر وعينه ع مستقبله
أحدهم مجموعة أشخاص في شخصٍ واحد
.
قلب المُحب حين يغضب قد لايحب مجدداً
لاكنه لايمكن أن يكره أحداً كان أحبه بصدق.
.
مساء الخير
انا لازم اسافر لتركيا هههههه
قبل شوي شغلت اليوتيوب واسمع موسيقى تركيه
وعلى طول افتح صفحه واكتب وتطلع معي خويطره <= مو خاطره : )
لذلك لازم تسفروني ع حسابكم واصير مؤلف خواطر
واكتب اسمائكم في اخر صفحه كداعمين لي واشكركم وكذا
<== ناوي ينصب عليكم ويروح ويختفي هههههههههههه
المهم شوفوها ولاتنسون الحاجات اللي يقولونها حقين اليوتيوب لنستمر :32:
https://g-lk.com/vb/showthread.php?p=944525#post944525
.
الحلقه اللي مافيها آسيا وليفانت مالها طعم : )
.
انام ما انام انام ما انام انام ما انام انام ماانام
<= الهلال الهلال الهلال الهلال الهلال الهلال
.
طالع لي تنبيه !!
صندوق الرسائل لديك مستخدم بنسبة 100%
طبعاً السبب لأنه تغير لوني الى اصفر مدري كركم
اعتقد الاداره ماغيروا شيء فالاعدادات اللي تخص الرسائل للألوان الخاصه
عموماً انا مااتواصل مع احد خاص لكن للضروره احكام
<= هذا وكلها اسبوع ويتغير اللون شلون لو شهر وش بتقول :222:
.
مساء الخير
منورين جميعاً
ياسعود انشهد انه سوء المنقلب هههههههه
لكن ماعليك دعيت عليها واحتمال ادعي على الاداره
<= من قالهم يسمحون لها تصبغني ههههههههههههههه
,
مبروك يالهلال ونستاهل الفوز
كعبنا عالي وفوزنا كان مضمون بالنسبه لي
لكن زعلان من المستوى شوي
مفترض نفوز بنتيجة اكبر للأمانه
لكن اللاعبين ماقدمو المأمول منهم
ماعدا مالكوم وسلمان وسعود والبليهي والعويس
الباقين الله يسامحهم زعلوني وان شاءالله الاياب يرضوني
ونفوز بثلاثه او اربعه في جده ونقابل يالجار يالعين ونفضخ عيونهم :ff1 (55):
مبروك لكل هلالي وهاردلك لكل اتحادي
.
ماكثاً في مكاني
راحلاً عن عقلي بعيداً
باحثاً عنك بــ قلبي ، عائداً دون ان أراك
.
اللهم اجعل خطواتنا إليك لابعيداً عنك
اللهم اجعل نهاية طريقنا الوصول للجنه
من دون حساب او سابق عذاب
.
في اليوم الذي سئم قلبي من كل شيء أصبحت شخصاً آخر .
.
مساء الخير
منورين وحياكم الله
والف شكر وماقصرتوا
غريب الروح : ممتن لتقييمك
وجزاك الله خير وفالك التوفيق .
.
حتى حين تجمعنا الصدف اتمنى الا انظر إليك..!.
.
ان تتعايش مع ظروفك امر لامفر منه
وحين تتقبل ذلك هذا مايجعلك تتحكم برغباتك
.
https://l.top4top.io/p_29913lhed0.jpg (https://top4top.io/)
.
صباح الخير
اللهم اجعلنا من المقبلين إليك والمقبولين عندك .
اللهم لا أذى ولا أذيه ،اللهم لافاقدين ولا مفقودين
اللهم ووفقنا لما تحب وترضاه .
في أمان الله.
.
السلام عليكم ورحمة الله وبركاته
مساء الخير وخميسكم فله :72:
شكراً لكل من افتقدني وماتفقدون غالي يارب
والشكر موصول لكل من زار مدونتي في غيابي <= اهم شي مدونتي :ff1 (50):
والحمدلله على سلامتي وعودتي مجدداً :395:
والى اللقاء :249:
.
صباح الخير
شالوا عنه التنفس الصناعي لوحدها تبعث الاطمئنان
اللهم اشفِ مرضانا ومرضى المسلمين
والحمدلله على كل حال وفي كل وقت
.
رغم الضجيج في رأسي إلا أنني أعيش أيامي بصمت
لا أتحدث لأحد ولا أستمع لأحد ، أيضاً لا أفكر في ذلك : )
.
العزله ليست للشعور بالوحده انما للبحث عن الهدوء بقدر الإمكان .
.
مساء الخير
خربشه صغيرونه ومحاولة عوده للكتابه <= الكسل مليون :d
https://g-lk.com/vb/showthread.php?p=981544#post981544
.
صباح الخير
وجود البشر من حولك اختبار لعقلك
الاحلام والطموحات التناقضات الاقوال الافعال وردود الافعال
في النهاية لا احد يصل الى الكمال ويبقى العراك مع الذات هو سر الحياة
.
انا لله وانا اليه راجعون
الله يرحمك ياتركي 💔.
.
موت الفجأه فاجعه لاتوصف
خصوصاً لما يكون الشخص بكامل عافيته
اللهم ارحم موتانا وموتى المسلمين أجمعين
واجعل خير أعمالنا في خواتيمها
.
حين يؤلمك الحنين انعشه بالذكريات..!.
.
هدوء الفجر ، لسعة هواء بارد
الوقوف في مكان مظلم ، تأمل السماء
استرجاع الكثير والكثير من المواقف
ثم إبتسامة ودعاء والصمت من جديد
.
الحياة مستمره ونحن من يتجدد أو يتبدد كل يوم .
.
ان يعمل عقلك حتى أثناء نومك
ان تكون خطواتك مبنية على الطرق السليمه
ان تتأذى مشاعرك وتتلف أعماقك وتصر ان تمضي قُدماً
الله يدرك كل هذا ويعلم ماتكابده في هذه الحياة
لا تستسلم فكل النتائج المرجوّه ستظهر ولو بعد حين
.
اللهم يسّر لنا مايسُر قلوبنا
.
انتِ كقصيدة ابياتها موزونه قافيتها صعبه
يلقيها شاعرها بثبات وخلف حروفها شتات
.
نجد
طفلة لم تبلغ العامين توفيت غرقاً 💔
سنصلي عليها بعد صلاة العصر
اسأل الله ان يجبر قلب والديها وان يلهمهم الصبر والسلوان
وان تكون شفيعة لهم يوم القيامه وانا لله وانا اليه راجعون
الله يلهمنا الثبات وحسن المواساة .
.
اللهم جبراً لقلوب مفجوعة
وصبراً لهم على مااصابهم
وخلفاً لهم على مافقدوه
وشفاعةً لهم يوم القيامة
وانا لله وانا اليه راجعون
.
صباح الخير
زوار مدونتي الأعزاء
ممتن لمروركم الكريم
والف شكر لتواجدكم ودعواتكم
ويوم سعيد للجميع وموفقين يارب
.
اللهم :
صحة في البدن وسعة في الرزق
واعماراً مديده وحسن خاتمه .
.
مهما تحدث المرء فإن الافعال تقول الحقيقه.
.
تعرفون اغنية كارا اللي بطيور النار
<= امحق من الهام للكتابه :269:
الزبده كتبت خاطره واهم شي لحد يصدق اني ادخن
https://g-lk.com/vb/showthread.php?p=995290#post995290
.
مدري ليش اشرب اسبريسو وانا مواصل
مفروض اشرب لبن << منسدح وعيونه طايره 👁👁
.
صحيت العصر ضبطت قهوه شربت دله كامله
عادي ارجع انام؟
.
صباح الخير
اذا قريت خواطر اتحمس للكتابه
وبنفس الوقت اقول حلاة المواضيع من فتره لفتره
<== محتار يكتب والا يسكر الاغنيه ويشوف مسلسل
.
قهوه + تمر + قشطه = مزاج ميه ميه
.
صباح الخير
أعيد واكرر شكراً للمسلسلات والاغاني التركيه
<== هالفتره ياخذ الهام الكتابه منها :ff1 (46):
خربشه صغيرونه وان شاءالله تعجبكم
https://g-lk.com/vb/showthread.php?p=999171#post999171
.
مساء الخير بكل لغات العالم الاسلامي فقط
:218: <== يبي يطعن الكفار هههههه
اكتشفت اني اذا مانمت كويس اصير مبدع
اليوم رديت ع الاعضاء في موضوعي الاخير بلائي
ولقيت اعلان مسابقة ودخلت من باب الفضول
وهذا الفضول قادني للانغماس في خيالي المروح
واندمجت ورحت بعيد وكتبت لكم قصه بشارك فيها ف المسابقه
نقول ان شاءالله تعجبكم وان صار عكس ذلك
لاتنسون ترى جبر الخواطر مهم <= مانبي طحن خواطر الله يسعدكم هههههه
المهم بقيم من ردودكم قيمة القصه ويمكن اصير مؤلف او انتحر
<= نظام امدحوني غصب ههههههههههه
ودي انزلها الحين بس مستحي من اماريلس :ff1 (46):
.
صباح الخير
ابشركم خلصت من كتابة القصه
<= نصاب كاتبها من امس ههههههههه
المهم وبعيداً عن الهستره اتمنى تعجبكم
وكوني مااكتب قصص الا بشكل نادر تقييمكم يهمني
انتقاد توجيه حتى توبيخ اي شيء يجي منكم اعتبره في صالحي
والله يعطيكم العافية ويسعدكم <= ويسعدني بعد ههههه
https://g-lk.com/vb/showthread.php?p=1000266#post1000266
.
صباح الخير
حتى لو تحبون السهر
خلو جزء من نومكم ف الليل
ومارسوا رياضة المشي في كل يووم
ويوم سعيد على الجميع 🌹
الحمدلله الورد هنا مجاناً <== يكلم نفسه 🌚
.
لا طبعاً ، انت غير
تنطوي الأيام لكن بعض العبارات تبقى عالقة في الأذهان.
.
التأفف أمر وارد والتعايش أمر محسوم
ومن لارضى بالمكتوب يموت وهو حي
.
هناك من يخطيء ويبحث عن التبرير لنفسه.
وهناك من يخطيء ويبحث عن زلة لدى الآخرين.
وهناك من يخطيء حين يسامح بشكل دائم .
لا أحد كامل لكن الصدق والوضوح يجمّل المرء ولايعيبه .
.
حين تود ان تكون صديقي كن صديقي فقط .
.
صباح الخير
الوداع الأخير أصبح على الأبواب.
.
أدرك ان صراحتي قاسيه لذلك
لم يتمكن أحد من إستغلال عاطفتي لصالحه
وقد أخرج عن المألوف لكني أضع النقاط على الحروف .
.
مستقبلنا بعد مماتنا
اللهم اجعل خير أعمالنا في خواتيمها
.
لا أعلم هل من باب الصدفة أم انها توارد افكار
اكتب شيئاً واجد من يكتب عنه وبنفس الرأي
وأحيانا أشعر بشي واقراء عن ذات الشعور تلك اللحظه
سر التوقيت هو الذي يجعلني اتسائل مالذي يحدث ؟
.
قابلت واحد اسولف معه اقول شلونك كريّم
ادلعه انا ووجهي لأن اسمه عبدالكريم
شوي ويمر واحد يناديه تركي ويضحك ويسلم
وقتها استوعبت انه اخو عبدالكريم ويسلك لي
<<== اذا ماكنت متأكد من الاسم سد بوزك 🚶🚶
.
صديقي اللي متعود اقوله اقطع واخس زعل : )
.
الزعاق الله يحفظه يقول باقي ٤٠ يوم ع الحر اللاهب
اجل الحر اللي جانا هاليومين وش نسميه!!
مايطلعون شبر عن المكيف ويقولون الصيف حلو 😡
اهخ حلالة يالشتاء ليت البرد على مدار السنه 🚶🚶
.
اللهم صلِ على نبينا محمد وعلى آله وصحبه وسلم.
.
اخس لون بصراحه هالأصفر 😡
كل شي ممكن اتقبله الا هاللون المروح
ودي اعرف إلى متى هاللون ع الاقل نغيب لين يتغير
.
جتني صدمه قبل شوي 🌚
عندي قروب ع التلي مدري وش طراه ع بالي
المهم دخلت لقيت عدد الرسائل حول ٦٠ الف 🥲
اعتقد بل اجزم اني صرت انطوائي بدون مااحس ههههه
.
قد أقف في مكاني لوقت طويل
لكن حين اخطوا إلى الأمام لا أتراجع
.
صباح الخير
عيد أضحى مبارك
وتقبل الله منا ومنكم صالح الأعمال
وكل عام وانتم بخير وعيدكم مبارك
والله يسعدكم دنيا وآخره 🌹🌹
.
صباح الخير
اخذت ابوي للمستوصف اليوم
ولما طلبو رقم هويته وقبل يطلعها من جيبه
اعطيتهم الرقم ، ابتسم ابوي وعطاني نظره حلوه
انبسط مني اني عشان حافظ رقم هويته
الزبده : كبار السن تسعدهم ابسط الاهتمامات تجاههم
فلا تتهاونوا في هالأمور اللي تعود عليهم بالأثر الايجابي
والله يحفظ لكم غواليكم ويرحم المتوفين منهم
رآنيا
06-21-2024, 09:18 AM
https://g-lk.com/vb/images/stamps/k-28.gif
تم اختيار مدونتك لتكريم هذا الأسبوع
1445-12-15 هـ
الف مبارك لك :THY:
~
.
صباح الخير
ي سبحان الله يقولون مافي شي يكمل
المركز الأول ومدونه ملكيه
لكن الرمزيه تجلط <= امزح امزح هههههههههههههه
الف شكر ادارتنا الكريمه ويعطيك العافيه اخت رآنيا وماقصرتي
بالله اسبوعين قدام كل يوم تعالو حطو لايكات > جبر خاطر 😂
وحان وقت البلوت << مشعللين ب الاستراحه ههههههه
.
اللهم صلِّ وسلم على نبينا محمد وعلى آله وصحبه وسلم.
.
صباح الخير
كثير اشياء تلامسنا يكتبها غيرنا
لكن حاول تكتب حتى لو انك مبتدئ
مافي اريح من المشاعر اللي تخرج على هيئة حروف
لذلك من سنوات طويله تعمدت اني مااقتبس اطلاقاً
ومهما كانت حروفي متواضعه اعرف قد ايش انا ارتاح
وهذا كافي جداً للشخص >> جربوا تكتبون بأنفسكم ماراح تندمون
.
الحياة كتاب والناس كلمات.
.
صباح الخير
الكثير لايحفظ الانظمة لكنه يحافظ عليها
الكثير لايعرف القوانين لكنه ملتزم بها
[ أصحاب المبادئ يسيرون في الاتجاه الصحيح ]
.
قونايدن
احتاج درجة الحرارة تكون ١٦
احتاج ضباب ومطر
شكلي لازم اسافر :100:
.
مساء الخير
كل مادخلت قسم المدونات ادور مدونتي
<== وجه فقر ماهو متعود يشوفها مثبته هههه
المهم شلونكم شخباركم وش جديدكم <= فهمتوا صح
خربشه صغيرونه جديده بمناسبة الحر المزعج :ff1 (50):
https://g-lk.com/vb/showthread.php?p=1016913#post1016913
.
سلامات باقي < يعاند سعود 😂
زوار مدونتي الأعزاء
منورين الله يسعدكم نفر نفر
سعود والله عاجز اقيمك لكن مردوده ان شاءالله
<== جايته قصفه محترمه من سعود هههههههه
المهم عطوني رايكم اعتزل المنتديات والا لا ؟
<< بيشوف من اللي مايطيقونه ههههههههه
.
الله فقط من يعرفني جيداً.
.
مساء الخير
خربشة صغيرونه متواضعه
صحيح ماني شاعر لكن احب اكتب فصحى
قلت احاول واعتمدت واعذروني اذا مااعجبتكم :305:
https://g-lk.com/vb/showthread.php?p=1018437#post1018437
.
صباح الخير
بما اني شبعان نوم ومسوي رياضه
ومفطر اظن الروقان ميه ميه
الحين فاضي للمشاكل ياعرب
<== بروح قسم الالعاب ادور احد اتهاوش معاه :ff1 (80):
.
صباح الخير
ممتنة هذه الحياة لوجودي فيها
انشر السعادة من حولي
واضع المعرفه في كل مكان
الجميع يبتسم لرؤيتي
والشغف يملأ أرواحهم
بسم الله علي والله يحفظني لي
<== ليفل الترفيع بالنفس واصل حدهـ :105:
.
اووف يالدوخه اللي تجي عقب المضغوط
تساورني نفسي على النوم ولكن هيهات ان انام
<= بينام فالليل عشان بكرا يسافر لحايل :ff1 (158):
.
مساء الخير
خربشة سريعه وقصيره :426:
https://g-lk.com/vb/showthread.php?p=1020459#post1020459
.
مساء الخير
باك حايل والحمدلله على سلامتي 🫣
الف شكر لكل من تفاعل ورد في موضوعي
واعتذر لعدم الرد توني واصل وماعندي طاقه لشي
لازم اخذ غفوه وراي مباراة الليله وعقبها نرد ان شاءالله
والله يسعدكم جميعاً :401:
.
في الماضي وأثناء لحظة إعتراف قالت:
اهخ ياشوقي لك كل ماله يكبر ويزيد
قلت لها يارب يصير فيل وماتت ضحك
<< احس كان ودها تقول انت الفيل 🐘 🐘
.
اهخ لو كان النوم على قدر التعب ،
بعد مجهودي في مباراة البارح مفترض مااصحى الا بكرا
كلينا هواء يابعد حيي :ff1 (94):
.
اللهم صلِّ وسلم على نبينا محمد وعلى آله وصحبه وسلم.
.
آخر ساعه من يوم الجمعه
وآخر جمعه في هذا العام
وذات يوم لن نكون هنا ولا في أي مكان آخر
فلندعوا لبعضنا البعض في ظهر الغيب
اللهم ارزقنا الصحة والعافية والسلامة والرزق وراحة البال
اللهم واجعل خير أعمالنا في خواتيمها واحسن خاتمتنا
وصلّ الله على نبينا محمد وعلى آله وصحبه وسلم.
.
مساء الخير
زوار مدونتي الأعزاء
منورين والف شكر وماقصرتوا
وريف ، سافانا:
عوداً حميداً وآخر الغيبات يارب
.
من اللي وقّف الايام ومن اللي حرّك الذكرى!!
.
اللهم لاحاجة إلا لك ولا إحتياج إلا إليك.
.
يحدث الآن : محال يستمع لنجوى كرم.
.
صباح الخير
خربشة صغيرونه تدغدغ المشاعر :220:
ان شاءالله تنال اعجابكم <= يلمح يبي لايكات :454:
https://g-lk.com/vb/showthread.php?p=1027454#post1027454
.
هاليومين صاير اسمع لنجوى كثير
وقاعد افكر في ردة فعل ابوي اذا رجعت لحايل
مدري يكتفي بنظره حاده والا يعطيني كف سريع
<== خايف اقول قدامه منشان الله
.
اذا كنت تسوي رياضه :25::25:
اذا رحت تدور مطعم :ff1 (234): :ff1 (234):
.
حب نفسك اكثر من كل شيء فـ الحياة
راجع نفسك ووبخ نفسك إن إضطريت لذلك
لكن لاتقسوا عليها فلا أحد كامل ولكلٍ أخطاؤه
تواضع سامح ابتسم واكثر من الدعاء لك وللآخرين.
مساء الخير على الجميع <= باقي ماصحصحت :105:
.
حين يُحاصر كبريائك لاتتنازل عنه
فالخضوع ليس تواضع وإنما إهانة.
.
وحين إبتلعب الغضب حُباً
أخذت طريق الوداع بصمت
.
المد والجزر بين الحنين والكبرياء
ليس مجرد عبثية من اغسطس .
.
حفز نفسك لكي تستمر نتائجك الإيجابية
وعاتب نفسك لتتلافى أخطائك مستقبلاً
،،
في الأولى بالغ وفي الثانيه لاتكن قاسياً
.
دخلت الاستديو اتفرج
طحت على اشياء في تصوير الشاشه
محادثات غريبه بعضها حلوه وبعضها تغث ههههه
مدري ليه ماحذفتها رغم مرور هالسنوات
شكلي بغير نكي إلى عاشق الذكريات 🌚
.
اللهم اشفِ مرضانا ومرضى المسلمين.
.
مع المصحح الإملائي او الكاتب التلقائي
ماتدري انت تنهار حزناً او تنهمر شوقاً
تمر السنين وهو مازال يكتب اسم تعودت يدي تكتبه كثير
الشعور متأرجح هذه اللحظات
<= ركز على اصابتك وقم تعالج واترك الخرابيط عنك :726:
.
الله يشفيني كمية الورم غير طبيعيه
نصيحه لحد يلعب كوره <= انصح نفسك 🏃🏽🏃🏽🏃🏽
https://e.top4top.io/m_31420el6c0.mp4
.
لايتوقف عقلي هذه الأيام
انام بشكل غريب واستيقظ بشعور اكثر غرابه
اخاف كثيراً وجداً وبشكل لااستطيع وصفه
اللهم اشفِ مرضانا ومرضى المسلمين
.
أود الاحتفال بك واكتفي بالدعاء لك
[.جمهرة مشاعر ودكتاتورية عقل.]
.
الإحباط أو الشعور بالطاقة السلبيه
وأن ترى وتيرة الحياة ممله وروتين متكرر
ثم تعتاد أو يكون أمر لايطاق و تشعر بالخلل
ثم ينبعث في داخلك الكسل والوصول الى اللامبالاة
هذا الأمر ومع مرور الزمن سيجعل منك شخصاً متشائم بشكل كارثي
أنظر جيداً من حولك ، تفقد أحوالك ، راقب تصرفاتك
فكر جيداً في يومك في نومك في طريقتك تجاه نفسك
انظر الى صلاتك ، مدى رضا والديك ، ابتسم بقدر استطاعتك
تفكر في انجازاتك وتسهيل الله لكل الصعوبات التي تواجهك
خطط جيداً للغد تسلح بالإراده واجعل الاستمرارية منهجاً لك
لاتستعجل النتائج واصبر حتى تنال ولاتنسى ان تحمد الله كثيراً
وتأكد أن كل مالا يتحقق فيه خيرة لك انت لاتعلم عنها
صباحكم سعادهـ :726:
.
خربشة صغيرونه على السريع
وان شاءالله تجوز لكم
واذا ماجازت لكم بسلامتكم
<== شين وقوي عين هههههههههه
https://g-lk.com/vb/showthread.php?p=1034836#post1034836
.
اللهم الطمأنينة والسكينة والرضا.
.
حتى مع نفسي أصبحت لا أتحدث.
.
مساء الخير
خاطره جديده واتمنى ان تروق لكم
https://g-lk.com/vb/showthread.php?p=1038709#post1038709
.
أسير في الطريق الصحيح
واحتاج الى المزيد من النوم
.
مهما بقينا قيد الحياة
( نظل جنائز مؤجله )
اللهم ارزقنا حسن الخاتمة.
.
صباح الخير
ومع أول يوم دوام لي بعد اجازتي
طلعت بخربشه صغيرونه > منحاش بدري ههههه
المهم اني حطيت اسم اختي رآنيا ضمن الخاطره
احس كأنها استفزت قلمي للكتابه وقمت وكتبت
ان شاءالله تعجبكم ✋️
https://g-lk.com/vb/showthread.php?t=26333
.
صباح الخير
في الصباح الباكر لاشيء يضاهي الرياضه والقهوة
<= طبعاً القهوه بعد الشور لحد يقول مايتروش :626:
.
صباح الخير ياعرب
احتمال بعد شهر ونص يصير دوامي فالرياض
يالله انك من النكبات تامنا <== مايطيق الرياض هههههه
شكلي وقتها 5 ايام كامله اتحلطم والويكند اروح لحايل
ادري مالكم دخل لكن حبيت اني افضفض :626:
.
السلام عليكم ورحمة الله وبركاته
صباح الخير
اسعد الله اوقاتكم بكل خير
اذا غبت ارجع وانا مستحي مدري ليه ههههه
شكراً لكل من افتقدني والشكر موصول لمن زار مدونتي
ودعواتكم لابوي بكرا عنده منظار للكشف عن سرطان القولون
وان شاءالله الامور تكون مطمئنه وبسيطه عشان يرتاح ونرتاح
الصحه النفسيه اهم نقطه في عامل الصحه الجسديه
لذلك لاتتبعثروا حين تشعرون بالقلق واستمروا بالتفاؤل
واستشعروا نعمة العافيه واحمدوا الله واشكروه في كل وقت
<= ماتدري جاي يسلم والا يطلب دعاء والا يتفسلف والا يوبخ ههههههه
الوكاد الله يسعدكم جميعاً .. تحياتي <= مالت بس هههههههه
.
صباح الخير
احتاج عضو مضمون اعطيه الباسوورد
ابغاه يدخل بعضويتي كل فتره ويحط رد ردين هنا
(دخلت مدونتي مالقيتها ف الصفحه الاولى من ضمن المدونات)
<= احس فيه احد قال مالت عليك انت ومدونتك ههههههههههه
ماعلينا شلونكم ي الربع ويالربعات ويازملاء السوشال ميديا <= يارب كتبتها صح:454:
اللي يحب الورد شلون يقسى <= فيس مصدوم من نفسه هههههههه
قصدي اللي يحب البرد مثلي ومبسوط باجواء الامطار مين
امس مسافر ووصلت ع الساعه 9 ونص ومن مشيت لين وصلت امطار
لذلك احب اقول شكراً يالله واللهم اجعلها امطار خير وبركه
والله يشفي مرضانا ومرضى المسلمين ويكون بالعون
ويالبى الشمال من حائل لين عرعر بس <= من البيت للدوام
والله يعين كلها فتره ونداوم فالرياض
<= برنت كامل للي وده يسأل وش تسوي ووين مختفي
وحان الوقت للتجهيز والذهاب الى العمل ياساده
ويازين الوساده <= صاحي من الساعه 2 هههههههههههههه
قود باي كلو نفر :667:
.
في الوقت الذي كان يخيفها تركيزه
كان يتسائل بداخله : هل أصبحت مسحوراً
( كانت تأخذ كل انتباهه وكان متيم بها )
.
اسأل الله لي ولكم ان تكون ايامنا القادمه أجمل .
.
ومنذ ذلك اليوم
توقفت في مكاني والتزمت الصمت
ولم اسعى للبحث عنك او معرفة المزيد عنك
تعجبني معرفتك التي احتفظ بها في داخلي واحبها.
.
مساء الخير
ابيات متواضعه وليدة اللحظه
ان شاءالله انها ترتقي لتكون قصيده والاهم ان تنال رضاكم
https://g-lk.com/vb/showthread.php?p=1081607#post1081607
.
مساء الخير
خربشة صغيرونه ان شاءالله تعجبكم :667:
https://g-lk.com/vb/showthread.php?p=1082682#post1082682
.
صباح الخير
الاجازه ، الهدوء التام ، القهوه
حين تجتمع تعطي الصباح شعور جميل
الله يديم الأجواء الجميلة علينا وعليكم🌹
.
من جهه ماتغير شيء
ومن جهه انا ماعدت انا
.
صباح الخير
قهوه ثم صلاة الفجر ثم ممارسة الرياضة
<< عسى هاليوم بوابة لعودة الشغف 👍
.
اللهم صلِ على نبينا محمد وعلى آله وصحبه وسلم
.
زوار مدونتي الأعزاء
منورين واسعدني وجودكم
الف شكر على المرور اللطيف
واعتذر لاني مقصر كثير تجاهكم
بإذن الله أقرب فرصه أزور مدوناتكم
استقبلوني بالبخور والطيب لاهنتو <= شين وقوي عين 🏃🏽🏃🏽
.
صباح الخير
حان الآن وقت الرياضه
> ان شاءالله استمر نفس قبل
دعواتكم ✋️
.
صباح الخير
صاحي نوم واتقهوى ودخلت هنا
لقيت تقييم خلا القهوه تطلع من خشمي😂
ادعوا ل يونا ياللي تمرون هنا ههههههه
جازت له الفهاوه << للحين يضحك
.
حسبنا الله سيؤتينا من فضله إنا إلى الله راغبون
.
اجازه واصحى قبل الفجر
لتحقيق الأهداف لابد من الالتزام
خلصنا قهوه وبصلي وبعدها رياضه
[ النتائج تأتي لكن يجب الا نستعجلها ]
.
https://j.top4top.io/p_32470t7t20.jpg
.
:92:
دامها تبرق وترعد المطر جاي
والرياضه والنوم ملحوق عليها
يبي لها شاي وسيجاره < نصاب مايدخن 😂
.
الجو هواء بارد ومشاعري حارّه
ورشة مطر والذكرى بداخلي ضامية
حنيّت ادور لقاء واخبار سارّه
ورجعت مثل الجريح والمعركه داميه
.
أحياناً أكبر العطاء هو ان تلتزم الصمت.
.
وش رايك تفتح الوورد
وتخربط وتسوي نفسك رومنسي :272:
<= نظام إذا مالقيت شيء يلهمك حفز نفسك هههههههه
خربشة سريعه وان شاءالله تعجبكم
وصباحكم سعادهـ :162:
https://g-lk.com/vb/showthread.php?p=1088653#post1088653
.
صباح الخير
أما بعد : تدفي يابعد حيي
أما قبل : افطني لي ياروحي
.
بفضل الله دعوة أمي تدلني على الطريق.
.
تبتعد عن الآخرين او قريباً من الجميع لايهم
المهم والأهم ان تبقى دوماً في منطقة الراحه
.
هل يُفسد الشتاء اناقتها
هل يُعيق الشتاء حركتها
هل لَيلهُ الطويل يُشعرها بالوحدة
لماذا اتسائل الآن!
.
هل كل شيء فيك يعجبني
ام انني لا احيا إلاّ حين أراكِ
القلب يشكوا والعقل لايسمعني
فهل نصيبي أن اموت بهواكِ
.
إشتقت لمسلسل الحفره
ذكريات <== عنوان الليله واضح
.
أغنية
كوب قهوه
تمثال صغير
كتاب
شال
لاب توب
جوال
دفاية
كل هذه الاشياء أراها في مخيلتي
والأهم أرى من أحبها مبتسمة هذه اللحظه
.
صباح الخير
خربشه صغيرونه وان شاءالله تعجبكم :378:
https://g-lk.com/vb/showthread.php?p=1090563#post1090563
.
يصبح حملها قاسي
حين يكون البوح بها مستحيل
موجعة هذه الاشواق التي تزداد حين أراكِ
.
وإن أتيتِ على هيئة كابوس
أهلاً بك في عالم الأحلام
.
جتني دعوات حلوه
والأهم الجمله اللي قالها خلف:
مشيت على توصياتك ومو بس ماندمت
الا انبسطت واستمتعت ياخي انت بطل
>> بصير مرشد سياحي بإندونيسيا 😂
.
تمرني بحلم وفي نبرة صوتها حزن
ومن فجعتي اصحى لأجل اراضيها
فرحت انه حلم ثم اكتساني حزن
عامين مرت مدري وين اراضيها
.
لاتحلم فقط
لا تعلم سواك في هذا العالم
٨
٨
٨
ضع الحركه التي تناسبك فوق الحروف
اما انا فقد حذفت حرف التاء.
.
اللهم اشفِ مرضانا ومرضى المسلمين
اللهم اشفِ مرضانا ومرضى المسلمين
اللهم اشفِ مرضانا ومرضى المسلمين
اللهم اشفِ مرضانا ومرضى المسلمين
اللهم اشفِ مرضانا ومرضى المسلمين
.
لاتسيء الظن ولاتكن مغفلاً
لن يكون الجميع عند حسن الظن.
.
كلما زادت لهفتي استخدمت قلمي
أكتب إسمك على اوراق المناديل وانا احتسي قهوتي
شعور بالفقد ترافقه ابتسامة حب دائم ومستمر للأبد
أدرك انك حقيقتي الدائمه وأنك سعادتي المفقودهـ
.
لم ولن أرجوا وصالاً من أحد
فقط أواصل رحلتي بكل كبرياء وشعور صادق
.
من يثق بالفرد الصمد سيصمد وينجو بمفردهـ
.
ي آخر حبه رح للنادي وتمرن
ادوختنا تقرقر وانت ماعندك سالفه
<= وضعي اذا مالقيت أحد أتنمر عليه :252:
.
لاتوادع ولاتقلب علينا المواجع
بادر لاتخلي بيني وبينك مسافة
لاتوادع ولاتقول لي متى راجع
الشوق يوجعنا والبُعد أكبر آفـة
لاتوادع ولاتفكر ابد فـ التراجع
خذني معك ماعلى غيرك حسافة
.
يحاوطنا الإشتياق فــ يزداد الضجيج بالداخل.
.
قونايدين ي عرب
وانا راجع من النادي تذكرت ايكيز <= ادري ماتعرفونها
طيب تعرفون ايبرو شاهين <= اكيد لا هههههههههه
الزبده تحمست اغازلها وكتبت خربشة صغيرونه
منها اكتب ومنها القسم من فتره طافي
صحيح انها ع السريع لكن العوض ولا القطيعه
نقول ان شاءالله تعجبكم <= يعنني رومنسي ههههههههههههههه
https://g-lk.com/vb/showthread.php?p=1096823#post1096823
.
فيني عقل مجنون هذا الشهر
وفيني جنون العاقل اللي مايغشني
يعجبني نوم الليل واحب السهر
واعشق هدوء الصبح وينعشني
لامر اسبوع وتحديداً وقت الظهر
ابي حبيبي يقول لي انه يحبني
17 ديسمبر
.
دق علي واحد كلمني ربع ساعه
صدع راسي ومالي فالسالفه لاناقة ولا جمل
مدري كان يبي يفضفض والا يستشيرني
الوكاد اني سلكت لين قال تامر توصي قلت الله يحفظك
ادري انتم مالكم دخل لكن مدونتي ف الصفحه الثانيه
قلت اكتب اي شيء واخليها فالصفحه الاولى
وصباحكم سعادهـ
.
اليوم ميلادي وبما انه برد وكذا
اشتريت شابوره بدال الكيكه
<= واكيد بدال العصير حليب شاي :272:
الزبدة كتبت خربشة بسيطة
وان شاءالله تنال اعجابكم <= يعنني ثقيل ههههههه
https://g-lk.com/vb/showthread.php?p=1101584#post1101584
.
تمر الايام ومازلت اتنفس الحياة
اشعر بكل لحظة مضت
واستشعر كل لحظة سوف تأتي
يملأني الشعور بمختلف الاحاسيس
امضي بلا مبالاة وبمعنى ادق اتعايش بسهوله
ارى الأمل وانا في أعماق الألم
وفي عمق المعمعة استشعر ان القادم أفضل
استطيع التخلي عن الجميع دون مبالاة
هذا الوضوح في تصرفاتي يناقض مايعتقده البعض عني
احد الاصدقاء السابقين يسألني متى اصبحت قاسياً لهذه الدرجه
أخبرته لأنك مازلت تريدني صديقاً بينما انا لم أعد أراك صديقاً
واضحاً تجاه نفسي ولا أخشى أن أخبر أحد عن حقيقته.
.
زوار مدونتي الكرام
منورين الله يسعدكم ويحفظكم
ممتن لحضوركم وتقييماتكم وتواصلكم الجميل
والف شكر والله يعطيكم العافية
تحياتي :399:
.
الكذب عمره ماكان ذكاء
<= واضح ماعنده محتوى يكتبه 🏃🏽🏃🏽
.
مارأيكـ أن نلتقي دون ان نتحدث
اعانقك بصمت ، تستمعين لدقات قلبي
وانا امسح دموعك ، ثم ننصرف
.
ماذا لو نتداول المشاعر من جديد
من منّا سوف يخسر أكثر ؟
.
صباح الخير
بعد اذكار الصباح لايوجد اجمل من الهدوء
فيه صوت ديك حولي دايم يخرب هالشعور
.
مساء الخير
السعاده مطلب وقرار في آن واحد
إصنع سعادتك من أبسط الأشياء
تجنب مايعكر صفوك مهما كان
الأهم ألا تبالغ في شعورك
ف هناك أثر عكسي للسعادة وهو الحزن
لاأحزن الله قلوبكم ولا أذاقكم هذا الشعور
دمتم بخير اركدشلرم
.
خل القهوه تتنفس وانت تنفس التبخير
قهوة وصلاة وللنادي ان شاءالله
وصباحكم قهوة ☕️
.
المباغتات تخلي وجهي الوان
اليوم عجزت ارد على واحد مااعرفه
يمدح عطري يقول ريحة النادي منعشه
طلعت له اسم العطر بجواله وصور الشاشة
ووصفت له المحل اللي أخذته منه
للأمانه كنت اقراء مثل هالسوالف بتويتر واكذبهم
مع العلم هدفهم اعلان عطور وكذا
لكن صار صدز يجيك واحد مايعرفك ويسألك
<< مااخفيكم اني استحيت ههههههههه
.
https://c.top4top.io/p_3279qob5k0.jpg
.
شيخ الشيوخ مروض كل الصعايب
ياكم راس بسبته تحت النصايب
رامبو الشمري 😂🏃🏽🏃🏽🏃🏽
.
تذكرة الود وفاء والعهد بقاء
تتناغم العقول ووتعانق القلوب
الأرض سماء والصُبح مساء
في لهفة دائمه والشوق يزداد
تتمنى أن الوقت لايمضي
ترى الأحلام أصبحت واقع
تفيض مشاعرك حباً
تصبح في نشوة دائمة
حينها تشعر بالحياة
.
صباح الخير
زوار مدونتي الأعزاء
الف شكر لحضوركم وماقصرتوا
زهرة
نورتي وممتن لكل لايك حطيتيه
والف شكر وماقصرتي كلك ذوق
>> صاحي نوم وانبسط من العدد ههههه
دمتم جميعاً بخير
.
مساء الخير
خربشة صغيرونه على السريع
إن شاءالله تروق لكم
https://g-lk.com/vb/showthread.php?p=1108055#post1108055
.
أحتاج لوحة المنتدى
ودي اسوي تصفية
اي احد عنده اكثر من عضوية احظرهـ
اي احد لبن وفكوك الصق فمه
اي احد يدور مشاكل اجلدهـ
اي احد يمدح ام عنبر اغير نكه الى ( المروح ) :105:
اي احد ينمق الكلام ويتفلسف افتح له قسم لحاله يكتب فيه ويرد ع نفسه
وامنعه من دخول باقي الاقسام
اي موضوع فالالعاب عد من واحد الى .....الخ أحولها للإرشيف
هذا اللي على بالي الحين :232:
.
خربشة صغيرونه إهداء للأخت نغم
ان شاءالله تعجبها وتعجبكم
كثفوا الدعاء يمكن الله يرزقنا بسبب هالخاطره
<== مبيت النية وكاتب على طمع ههههههههه
https://g-lk.com/vb/showthread.php?t=27332
.
تمسكت بك جيداً
أخبرتك بألا تفلت يدي
اعتقدت انك تعلم انني مختلف
لم اخصص وقتاً لأحدٍ سواك
خفت عليك حتى من نفسي
لا اخون لا اثير غيرتكـ
وأفعل كل شيء لأجلكـ
لكن لاشيء يستحق مساومة كبريائي
اذهب ولا اعود حين يتعلق الأمر بنقض العهد والوفاء
.
تعود بي الذاكرة إلى اللحظة القديمة
عندما كنا نتحدث عن أحداث مسلسلنا
عندما كنت احبك دون أن تعلمين
عندما كنت اطلق عليك الالقاب الساخره
بينما كنت اناديكِ في داخلي حبيبتي
عندما كنت بجانبك استمتع بلذة الشعور
بينما اتعذب حين تستأذنين كي تنامي
اتوق إلى تلك اللحظة التي زل بها لسانك
واظهرتي غيرتك المجنونه وحبك لي
عندما قلتي تحديداً انت املاكي الخاصه
اتذكر واتسائل هل كنتِ ملاكِ ام هلاكِ!
.
صباح الخير
مريت محل البارح لقيته مقفل للجرد السنوي
كاتبين نعود إلى العمل غداً السبت
قلت مو مشكله اخلص شغلي واسافر قبل الظهر
من قرادة حظي طلعو الجمعه والسبت مايداومون الصباح
اجل بكرا من صباح الله خير تلقاهم فاتحين
كلها من هاللون الاصفر والله يستر على المنتخب اليوم
<< شكلي برجع انام الظهر واسافر بالليل 🙂
.
اذا دخلت مدونتي اقول ياعمري
واذا ركبت سيارتي اقول الله يخليك لي
مدري انا حنون والا عندي جفاف عاطفي هههههههههه
.
حان وقت المسلسلات من جديد
.
قونايدن
الحمدلله انتهت الألوان اللي تجيب الاكتئاب
ورجع لوني ورجعت رمزيتي وعقبال ابتسامتي
اخر مره ابتسمت قبل سنتين <= اهب 🏃🏽🏃🏽
.
اليوم اول جلسة كيماوي لخالتي
اللهم اجعله برداً وسلاماً في جسدها
اللهم طهرها من الألم والمرض
واكتب لها الأجر والثواب وعافها
وامنن عليها بالشفاء والصبر والطمأنينية
اللهم واعطِ القوة لأمي بالصبر والحمد والرضا
اللهم واشفِ مرضانا وكل مرضى المسلمين
.
نغضب من الدنيا ، هل نعتقد انها خلقت لأجلنا!
.
صباح الخير
خربشة جديده ان شاءالله تعجبكم
https://g-lk.com/vb/showthread.php?p=1113195#post1113195
.
3 سنوات يكافح
شاد حيله ماعمره قال لا
كل وقت احتاجه يكون حاضر
إلى اليوم وهو يسعى ويحاول لكن انتهى
ماعاد يقدر يعيش اكثر وانتهت قصته معاي
شكراً عزيزي سلك الشاحن والآن حان الوقت
سأرميك في اقرب زباله <= طحن خواطر :280:
والله انه ماقصر لكن الشكوى لله ماعاد يشحن هههههههه
.
أود أن نلتقي دون ان نتحدث
أريد التحديق في وجهك وإطالة النظر في عيناكِ
سأبتلع تساؤلاتي العديدة وسأخرس عتابي
سأمسك بيديك بين يداي وأقبلها واضعها على وجهي
سأضع رأسي على رأسك وأمسك كتفيك وأنظر إليك من جديد
هل تعتقدين اني سعيد هذه اللحظه
هل تظنين اني لا أدرك مايحدث من حولي
هل تجزمين باني اتوهم ماأشعر به تجاهكـ
هل تؤمنين انك لا تأبهين حقاً بمشاعري
ماذا لو كنت اعلم كل شيء ولا اهتم
ماذا لو كنت اتماشي مع ظنونك تجاهي
إن كان أصح قرار يؤلمني هو الفراق
فأجمل خطأ إرتكبته هو معرفتك عن قرب
وإن أطهر ذنب هو تعلقي بك لحد الجنون
هناك أمر مضحك في كل هذا
فــ حين يسألني أحدهم لماذا أحببتها
لا أجد إجابة واحده حتى ،
واعتقد ان هذا ماجعلني مؤمن انك حبيبتي البعيدة :140:
.
لقد وصلت وجهتك المفضلة
https://i.top4top.io/p_3289zk39g0.jpg
.
صباح الخير
درجة الحرارة ١ تحت الصفر
مع هذا يبقى الشتاء أجمل الفصول
مكانته خاصه صباحه جميل ومسائه لذيذ
.
قونايدن
إلى النادي مهما كانت الدرجة المحسوسه 🥶
https://c.top4top.io/p_3291740bg0.jpg
.
اللهم اجعل ماعانيته من تعب تكفيراً لذنوبي
وارزقني العافية والطمأنينية وراحة البال.
.
مساء الخير
منورين جميعاً وحياكم الله
مشكورين وماقصرتوا الله يسعدكم
وكل الامتنان لدعواتكم وماترون مكروه
والله يسلمكم من كل شر 🤎
.
دائماً عليك أن تخبر أمك أنك بخير.
.
من يعتاد على حديثك يظن أن صمتك معجزهـ
.
صباح الخير
مبطين عن الكتابة والكئآبه :633:
قلنا نسمع موسيقى تركية ونحاول نكتب
طلعنا بخربشة صغيرونه وان شاءالله تروق لكم
https://g-lk.com/vb/showthread.php?p=1122701#post1122701
vBulletin® v3.8.8, Copyright ©2000-2026, TranZ by Almuhajir