أمل
11-26-2025, 10:32 AM
(ثلاث أسوار) والرابع فراغ! وداخلي أسوار
أشوف النـور لكنّي ، عجـزت أحرر أطرافي
على قلبي مشت فكرة تفك من القيود أفكار
على صدري مشت دنياً ثقيلة وارخت اكتافي
جلست مقابل أشباح الظلام وفي اليدين غبار
كثر ما اسندتها جنبي (ونـور أحلامي) خلافي !
وحيد أحارب أفكاري وهي وسط الظلام كثار !
على جمر الخيال أركضت عمري والقدم حافي
عطيت القلب سيف ولذت في ظِلّه عن الأخطار
ولا ظنيت اشوف المـوت بين عيـون سيافي !
مدينة (شعري الشاحب) تهتّك سورها وانهار
كثر ما احاول أرسم سورها .. يمنعني السافي!
وانا اللي كنت أحسب إن القصايد خدعة الشعار
بنو جدرانها من (سلسبيـل المنهل الصافي)
وراها ياكثر ما اخفوا مطاياهـم عن الأنظار
تزرفل من ورى جدرانها، عجلات / وخِفافي
حبيبي كم توارى عن عيونك في الشطور أسرار
أقول إنّي سليت ، ومانسيت الا انت يالجافي !
وانا والله ماعندي يقيـن .. إلا إنّ حبـك صار
هو الواضح مثل شمسك وانا مثل الأمل خافي!
فؤادك وحي عرّافي وصوتك وجهة المحتار
تمنيت الضيـاع ، ولا أصدق وحي عرّافي !
ذكرتك والضلوع بيوت بدوٍ والحنين إعصار
ولا هي لحية/ أعقل ناقتي ، واذب مشرافي!
صرير الريح في ثوب الشتاء والليل والأمطار
شعورٍ ساقني لين إلتجيت لـ كهفك الدافي !
زبنتك من لسيب البرد مالي غير دارك دار
هقيت انك أمان لوحشتي وكفوفك لحافي
لقيتك تكسر قيود الغرام وتحرق التذكار
تخوّفني من احساس المحبة وأنت ميلافي !
من أوراق الشعور تمد لك جمر، وتزيد النار!
قصيدٍ قد رسمته من ملامح رمشـك الغافي
تخيّلته مطر، يمطر على خاتم ذهب وسْوار
تصوّرته عطر، يشبه رحابة عطرك الضافي !
طفولتك ابتدت من فجر قافي وابتدا المشوار
(وأهلّة قذلتك) شابت! وهي ماشيّبـت قافي
أسافر عن مدارك ، واحتري لك في النجوم أعذار
ترمم مابقى مـن كبريـاء العاشق الوافي !
وحيد بـ بحر ظلمك والجحود، ولي جروح كبار
ولا بشره عليك، أشره على قلبي ومجدافي
أنا ليه اشتكي ظلم الجفاف وقسوة الاقدار؟
وانا اقرب قلب في الدنيا لقلبي يكره انصافي!
ورى بالي جدار وفي فؤادي والضلوع جدار
ثلاث / ورابع الجدران حطيتـه على اكتافي !
تعبت أبحث عن المخرج بـ سجنٍ من ثلاث أسوار
أشوف النـور لكنّي ، عجـزت أحرر أطرافي
لـ مصعب خالد
أشوف النـور لكنّي ، عجـزت أحرر أطرافي
على قلبي مشت فكرة تفك من القيود أفكار
على صدري مشت دنياً ثقيلة وارخت اكتافي
جلست مقابل أشباح الظلام وفي اليدين غبار
كثر ما اسندتها جنبي (ونـور أحلامي) خلافي !
وحيد أحارب أفكاري وهي وسط الظلام كثار !
على جمر الخيال أركضت عمري والقدم حافي
عطيت القلب سيف ولذت في ظِلّه عن الأخطار
ولا ظنيت اشوف المـوت بين عيـون سيافي !
مدينة (شعري الشاحب) تهتّك سورها وانهار
كثر ما احاول أرسم سورها .. يمنعني السافي!
وانا اللي كنت أحسب إن القصايد خدعة الشعار
بنو جدرانها من (سلسبيـل المنهل الصافي)
وراها ياكثر ما اخفوا مطاياهـم عن الأنظار
تزرفل من ورى جدرانها، عجلات / وخِفافي
حبيبي كم توارى عن عيونك في الشطور أسرار
أقول إنّي سليت ، ومانسيت الا انت يالجافي !
وانا والله ماعندي يقيـن .. إلا إنّ حبـك صار
هو الواضح مثل شمسك وانا مثل الأمل خافي!
فؤادك وحي عرّافي وصوتك وجهة المحتار
تمنيت الضيـاع ، ولا أصدق وحي عرّافي !
ذكرتك والضلوع بيوت بدوٍ والحنين إعصار
ولا هي لحية/ أعقل ناقتي ، واذب مشرافي!
صرير الريح في ثوب الشتاء والليل والأمطار
شعورٍ ساقني لين إلتجيت لـ كهفك الدافي !
زبنتك من لسيب البرد مالي غير دارك دار
هقيت انك أمان لوحشتي وكفوفك لحافي
لقيتك تكسر قيود الغرام وتحرق التذكار
تخوّفني من احساس المحبة وأنت ميلافي !
من أوراق الشعور تمد لك جمر، وتزيد النار!
قصيدٍ قد رسمته من ملامح رمشـك الغافي
تخيّلته مطر، يمطر على خاتم ذهب وسْوار
تصوّرته عطر، يشبه رحابة عطرك الضافي !
طفولتك ابتدت من فجر قافي وابتدا المشوار
(وأهلّة قذلتك) شابت! وهي ماشيّبـت قافي
أسافر عن مدارك ، واحتري لك في النجوم أعذار
ترمم مابقى مـن كبريـاء العاشق الوافي !
وحيد بـ بحر ظلمك والجحود، ولي جروح كبار
ولا بشره عليك، أشره على قلبي ومجدافي
أنا ليه اشتكي ظلم الجفاف وقسوة الاقدار؟
وانا اقرب قلب في الدنيا لقلبي يكره انصافي!
ورى بالي جدار وفي فؤادي والضلوع جدار
ثلاث / ورابع الجدران حطيتـه على اكتافي !
تعبت أبحث عن المخرج بـ سجنٍ من ثلاث أسوار
أشوف النـور لكنّي ، عجـزت أحرر أطرافي
لـ مصعب خالد