الصمت له عندي معزه ومقدار

[احساس غريب]

الصمت له عندي معزه ومقدار
https://i.pinimg.com/736x/c7/f3/a4/c7f3a4a7609f099a97996beb439c4a99.jpg


آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت


تعبت من قولة : (علامك) و وش صار ؟
وان طحت ما ألقى سوى كلمة (سلمت)


واعذار اخلقها ولو مالي اعذار
مشّيتها مره .. ومرات ما رمت !!


كذبة صباح الخير/ يا صبح الانوار
عذري ليا عدّت ليالي ولا نمت


اسهر طوال الليل وضْيوفي افكار
واقول لاْصحابي : نعم توّني قمت !!


ما عاد فيني ألفت عْيون واْنظار
يكفي بأني من زماني تعلّمت


ان الصدر بيتــ ٍ.. وسكّانه اسرار
نيّام .. بس يصحون لامن تألّمت


يصحون ويناظرهم الجار والمار
وش عاد ينفع سترهم لو تكتّمت ؟!!


آقدّم اقدامي على درب الاصرار
امشي ولكن للأسف ما تقدّمت


النار قدامي .. ومن خلفي النار !!
والعمر يمضي بي وانا ما تولّمت


الين ذاك الحلم في لحظه انهار
وانا مع لحظة سقوطه تحطّمت


جروحي كثار..وتناهيدي كثار
لكن على كثر المواجع .. تبسّمت !!


ثم أْلتزمت الصمت وعزومي اكبار
ولو يشتعل جوفي حشى ما تكلّمت


و سلامتكم

[عآزفّ النّآي]

دائماً بين حروف ذآئقتك
أجد روحاً تمزج بمــآ بنــا من وجدآن
وشعور يخرج لنا بروعه البيآن
أنتظآر جديدك دمتِ بخير
https://www.g-lk.com/vb/images/icons/163.png

[عاقل المجانين]

ثم أْلتزمت الصمت وعزومي اكبار
ولو يشتعل جوفي حشى ما تكلّمت

اجمل وأشعر بيت للصمت اظنه لنزار اذا ماخانت الذاكرة

والصمت في حرم الجمال جمال


دائما راقيه في حضورك

صح لسانك ولسانه

[رسم]

،.

إنتقاء ذو ذائقه مختلفه
أبيات رائعه من الحكم
وأسمى معاني

مميزه دائماً يا غاليه
في اختيار كلّ جميل ومؤثر

سلمتي إحساس
:399::399::399:

[رآنيا]

سلمتِ ع الاختيار الجميل
الله يقويك ويعطيك العافية

~

[نقاء الورد]

آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت

وضعي حاليا الصراحه
حببيييت جداً
اختيار مميز ورائع
احساسو دمتِ بخير وسعاده:288: