قصيدة بالصحراء

[عآزفّ النّآي]

من شعورٍ يرغب الصحرا ويعشق لونها
ما قصر عن وصفها فكره ولاشح الكلام
تشبه البنت الجميله في نظر مفتونها
كل مايلمح حلاها يبتديها بالسلام
حامله طيب المبادي فوق سفح متونها
واخذه باخلاقها من قومها اعظم وسام
كيف اوفي حقها ياهل الوفا وديونها
دامي عشقت المهرة اللي مايحللّها نظام
ام الكرم وام المعزه تستهل مزونها
ترويك لامن جيتها وتشدك بحسن القوام
الثامها سقف السما تحته تجر الحونها
والغيمه انفاس الفرح بين الشفايف واللثام
ووشاحها غصن الغضى به تستتر ويصونها
يشعرك لاغطى ظهرها كيف شكل الاحترام
والصدر متعه للنظر يكشف معالم كونها
متقلدٍ عقد الذهب ماعكره جو العتام
واخدودها ذيك الطعوس اللي تمد اردونها
انعم من الريشه اذا قارنتها بريش الحمام
وحبة الخال الجبل تشعل فتيل جنونها
شامه تميز وجهها اليا تجلت للانام
(ميك ابها) سافي رمل دام انكشف مضمونها
يعجب نظر من جالها حاملّها اصدق غرام
ويحلق العاذر سما يوم البشر يلفونها
نفحة بخوره زاهيه ماضيقت عنه المسام
في قربها يحلا السمر كان اشتعل غليونها
تجلي همومٍ بالصدرشيطانها حلق وحام
بنت الذهب تاريخها يكشف لنا قانونها
دام الوفا بين البشر سجّلنا ذروة سنام
احيت قيم بنفوسهم مافكروا يحيونها
يوم ابسط اطموح البشر لقمه هنيه مع منام
جت سلحتهم بالشموخ اللي سكن مكنونها
لين اصبح الدرع الذي ماحطمه حد الحسام
فيهااغرسوا بذرة كرامه واقبلوا يسقونها
حتى جنوا اطيب ثمرمحصوله القوم الكرام
نبتة كرامتهم نَمَت وتضللو بغصونها
وجيالهم من بعدهم مااطلقوا قيد اللجام
ماكنها الا امهم عاشوا بوسط عيونها
من رملها تعلموا قدر الصبر والالتحام
.
المصدر
صحيفة صدى حآئل

[مَشاعل]

يعطيك العافيه وصح لسان شاعرها

[عآزفّ النّآي]

شكراً لتوآجدك مشآعل أنرتي المتصفح
دمتــــي بخـــير
https://g-lk.com/vb/images/icons/eq-33.gif

[رآنيا]

اختيار جميل وموفق
سلمت ويعطيك العافية يارب

~

[عآزفّ النّآي]

شكراً لتوآجدكـ رآنيـا أنرتي المتصفح
دمتــــِ بخـــير ،,

[زهرآء]

اختيار مميز
يعطيك العافيه اخوي