): عفستي (:

على اني ادري إن ظاهري في النت وبرا النت شرير وشايف نفسي
وحاد طبع
لكني تفاجات هنا فتحليل اغلب اللي حللوا شخصيتي فموضوع حلل شخصية العضو
يقولون اني رحووووووم مره مره وطيب ..عاد انا والله العظيم انصدمت
اعرف نفسي اني ماسويت شي عشان يقولون كذا
الا وفا ..وفا يمكن شافت مني موقف خلاها تقول كذا بس من طيبها وحسن ظنها والا مو شرط

هاعاد انا قلبتها شخوصي..قلت افا
برستيجك وتوب القساوة اللي من زمان ماشي عليه فصخوك منه
وش شافوا
هاجلست اراجع نفسي وش سويت انا
ولني استحيت اسأل ..بس مااستحي من طقاقه طمرت عليها
وقلت وفا اعرف ليه قالت كذا ..بس انتم وش شفتم؟
والا بس شفتوا وفا قالت كذا وقلدتوها؟

ردت طقاقه وقالت لا قلت طيب وش شفتي انتي
لدرجه ان طقاقه حست انها غلطت علي لما قالتلي طيب وروحوم
وحسيتها تراضيني خخخخخ
قامت ذكرت لي اشياء ماتعمدتها ولاخطر فبالي ان تحليلها كذا..وقالت اكيد الباقي شافوا اشياء زي ماشفت انا
وصراحه قالت لي كلمه انبسطت منها
مااذكر شقالت بالضبط بس قالت بما معناه
(يجاملك واحد ثنين مو اكثرنا نجمع انك طيب ورحوم)
قلت فنفسي الحمدلله
الطيب والرحمة صفات حميدة اذا هي كانت فعلا فيني
وزين ان فيه ناس تشوفني كذابدون اسوي واقول للناس زي اللي صاجينا كل شوي يقولون انا مشكلتي رحمتي وطيبتي ..اقلقتوا امنا ياخي

المهم اني طلعت بفائدة وإيمان بمقولة
(لاتتحدث عن نفسك كثيرا،دع افعالك هي التي تتكلم عنك)
١١:٤٥من ليلةالاحد في الدوام

اخوكم //الطيب الرحوم معتفس باشا هع

حُـور ,خفايآ روح~•• ,طقاقة أم عنبر و 3 آخرون معجبون بهذا

ابن الهيثم ,عبير ,لمعة الماسه

سبحان من أبدع فْكلْ شي تصويره

.........قدْرَتْه ماتِعتِرف بابواب منصكَّه

......بقاء مُلْك الملوك فْحُكْم تدبيره

...........إن شاء بيْعَمِّرَه وان شاء بيْدكَّه

.من رحْمتَه يَطْعِم القسِّيس في ديره

..وْلا انْخسْفت الارض بالمُلحِد رغَم شَكَّه

........ لادَرِّ ذنبي من عْيوني أساريره

.......... والخوف فتَّت بِبَرقه قلبٍ بْلُكَّه

.......بْدُعاء ذو النون أتْرجَّاه تطهيره

...........القبْر مُظلم وأَظلم منْه هالسِّكَّه

........... آسآله بْحق تهليله وتكبيره

..........لااموت إِلَّا فسجده في حرم مكَّه

....من له مية رحمه وْماينقطع خيره

......... ماتلحقَه في جزيل المَدَّه الشّكَّه

..ومن مالقى في الدُّعااطمئْنانٍ وْديره

............من غربة العمْر لامنجا ولافكَّه





المعتفس

طقاقة أم عنبر ,ابن الهيثم ,عبير و 1 آخرون معجبون بهذا

لمعة الماسه

اليوم اول ايام اوفي ..تعبت الاسبوع اللي فات تعب شديد
راح اكثر وقتي نوم اليوم ..بس متقطع ..لكن أخذت كفايتي
وحاليا اتجهز للتمرين
احب التمرين فهالوقت..سكووووووون
طبعا في النادي المتواضع اللي مسويه فشقتي
وهو تقرييا متكامل ..لن المنطقه اللي انا فيها مافيها نادي
احلى شي فهالوقت اني احسني فجزيرة لحالي
مااسمع الا قربعتي بالاوزان وانفاسي مع التمرين
اتذكر شفت فلم زمان لواحد ضاع في البحر ورماه البحر على جزيره
وقام يخترع لنفسه اشياء ومعدات تساعده على البقاء حي
انا ماني بعيد عنه..اعيش نفس الشي وصح ان حياتي أسهل ماديا
لكنها اصعب معنويا
لكن لامجال لمدري ويش

ابن الهيثم ,طقاقة أم عنبر معجبون بهذا

يخضر وهمي فيك كل ماذكرتك
واضحك وغير الوهم ما..أضحك لشي

ابن الهيثم ,طقاقة أم عنبر معجبون بهذا

كان صباحا جميلا
بذرت بذرة قبل ثلاثة أيام
ومن حينها وأنا أترقب بداية ظهور ساقها
بس انفجعت صراحة وقد ماانفجعت انبسطت
على طول طلعت من البذرة بووووم وردة
بدون حتى مراحل نمو
حتى اني استحيت ومدري ليش استحيت
يمكن لني يوم بذرتها كنت فتحدي مع نفسي
والدعوى ماتستاهل

بس الزراااااعة شي جميل
لكن ماعاد بازرع نوعية هالبذور
واصلن ماحب الورد

ابن الهيثم ,لمعة الماسه ,طقاقة أم عنبر معجبون بهذا

ياربي لك الحمد حتى ترضى

ابن الهيثم ,لمعة الماسه معجبون بهذا